କେନ୍ଦୁଝର:୭/୯,କେନ୍ଦୁଝର ଜିଲ୍ଲା ବଡ଼ବିଲ ପୁଲିସ୍କୁ ମିଳିଛି ବଡ଼ ସଫଳତା। ଅସଲି ବ୍ରାଣ୍ଡର ନାଁ ବ୍ୟବହାର କରି ନକଲି ଲୁବ୍ରିକାଣ୍ଟ ତିଆରି କରି ବଜାରରେ ବିକ୍ରି କରାଯାଉଥିବା ଅଭିଯୋଗରେ ପୁଲିସ୍ ୪ ଜଣଙ୍କୁ ଗିରଫ କରିଛି।ସୂଚନା ଅନୁସାରେ, ବଡ଼ବିଲ ଅଞ୍ଚଳରେ ନକଲି ଲୁବ୍ରିକାଣ୍ଟ ପ୍ରସ୍ତୁତ ଓ ବିକ୍ରି ହେଉଥିବା ନେଇ ପୁଲିସ୍କୁ ସୂଚନା ମିଳିଥିଲା। ସୂଚନାକୁ ଆଧାର କରି ପୁଲିସ୍ ଚଢ଼ାଉ କରିଥିଲା। ଚଢ଼ାଉ ସମୟରେ ଅସଲି ବ୍ରାଣ୍ଡ ନାଁରେ ନକଲି ଲୁବ୍ରିକାଣ୍ଟ ପ୍ରସ୍ତୁତ କରି ବିକ୍ରି କରାଯାଉଥିବା ଅଭିଯୋଗ ସାମ୍ନାକୁ ଆସିଥିଲା।ଏହି ଘଟଣାରେ ପୁଲିସ୍ ୪ ଜଣଙ୍କୁ ଗିରଫ କରି ମାମଲାର ତଦନ୍ତ ଆରମ୍ଭ କରିଛି। ନକଲି ଲୁବ୍ରିକାଣ୍ଟ କେଉଁଠାରୁ ଆସୁଥିଲା, ଏହାର ପ୍ରସ୍ତୁତି ପଛରେ କିଏ ରହିଛନ୍ତି ଏବଂ ଏହାର ବିତରଣ ନେଟୱର୍କ କେତେ ଦୂର ପର୍ଯ୍ୟନ୍ତ ବ୍ୟାପିଛି, ସେନେଇ ପୁଲିସ୍ ଖୋଳତାଡ଼ ଜାରି ରଖିଛି।ନକଲି ଉତ୍ପାଦ ଅସଲି ବ୍ରାଣ୍ଡ ନାଁରେ ବିକ୍ରି ହେଉଥିବା ଘଟଣାକୁ ନେଇ ଗ୍ରାହକଙ୍କ ମଧ୍ୟରେ ମଧ୍ୟ ଚିନ୍ତା ବଢ଼ିଛି। ତେବେ ଏହି ନକଲି ଲୁବ୍ରିକାଣ୍ଟ କାରବାରରେ ଆଉ କେତେ ଜଣଙ୍କ ସମ୍ପୃକ୍ତି ରହିଛି ଏବଂ ଏହାର ମୁଖ୍ୟ ସୂତ୍ରଧାର କିଏ, ତାହା ତଦନ୍ତ ପରେ ସ୍ପଷ୍ଟ ହେବ।
