କେନ୍ଦୁଝର/ପାଟଣା, ୨/୧୧: କେନ୍ଦୁଝର ଜିଲ୍ଲା ପାଟଣା ବ୍ଲକ କେନ୍ଦେଇପଶି କ୍ଲଷ୍ଟର ଅନ୍ତର୍ଗତ ସିଲିଦା ଆଞ୍ଚଳିକ ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷକ ଦୁର୍ଯ୍ୟୋଧନ ମହାନ୍ତଙ୍କୁ ଅବସରକାଳୀନ ସମ୍ବର୍ଦ୍ଧନା ପ୍ରଦାନ କରାଯାଇଛି। ଏନେଇ ବିଦ୍ୟାଳୟ ପରିସରରେ ଏକ ଭାବବିହ୍ୱଳ ସମ୍ବର୍ଦ୍ଧନା ସଭା ଆୟୋଜିତ ହୋଇଥିଲା।ଏହି ସଭାରେ ଅବସରପ୍ରାପ୍ତ ପ୍ରଧାନ ଶିକ୍ଷକ ବିନୋଦ ବିହାରୀ ମହାନ୍ତ ମୁଖ୍ୟ ଅତିଥି, ଓଷ୍ଟା ଜିଲ୍ଲା ସଭାପତି ମନ୍ମଥ ମହାନ୍ତ ସ୍ୱତନ୍ତ୍ର ଅତିଥି ଏବଂ ଶିକ୍ଷକ ଲକ୍ଷ୍ମୀଧର ମହାନ୍ତ ମୁଖ୍ୟବକ୍ତା ଭାବେ ଯୋଗଦେଇଥିଲେ। ଏଥିସହ ଓଷ୍ଟା ବ୍ଲକ ସମ୍ପାଦକ ସଞ୍ଜୟ କୁମାର ସାହୁ, ମୁଧାକର ପଣ୍ଡା ଓ ପାଟଣା ବ୍ଲକ ଓଷ୍ଟା ସଭାପତି ପାର୍ଥସାରଥୀ ବେଜ ସମ୍ମାନିତ ଅତିଥି ଭାବେ ମଞ୍ଚାସୀନ ଥିଲେ।ଅନ୍ୟମାନଙ୍କ ମଧ୍ୟରେ ପ୍ରଧାନ ଶିକ୍ଷକ ଖଗେଶ୍ୱର ମହାନ୍ତ, ପ୍ରଧାନ ଶିକ୍ଷୟିତ୍ରୀ ସତ୍ୟଭାମା ମୁଣ୍ଡା, କେନ୍ଦେଇପଶି କ୍ଲଷ୍ଟର ସିଆରସିସି ରଞ୍ଜନ କୁମାର ସେଠୀ, ଶିକ୍ଷକ ତ୍ରିଲୋଚନ ମହାନ୍ତ, ଅବସରପ୍ରାପ୍ତ ଶିକ୍ଷକ ଶିଶିର କୁମାର ମହାନ୍ତି ଏବଂ କେନ୍ଦେଇପଶି ବ୍ଲୁମ୍ ଏଜୁକେସନର ଅଧ୍ୟକ୍ଷ କୀର୍ତ୍ତନ ବିହାରୀ ମହାନ୍ତ ପ୍ରମୁଖ ଯୋଗଦେଇଥିଲେ।ବକ୍ତାମାନେ ବିଦାୟୀ ପ୍ରଧାନ ଶିକ୍ଷକ ଦୁର୍ଯ୍ୟୋଧନ ମହାନ୍ତଙ୍କ ଦୀର୍ଘ ଶିକ୍ଷକତା ଜୀବନ, ଶିକ୍ଷାଦାନ ପ୍ରତି ନିଷ୍ଠା, କର୍ତ୍ତବ୍ୟପରାୟଣତା ଓ ଶିକ୍ଷା କ୍ଷେତ୍ରରେ ତାଙ୍କର ଅବଦାନକୁ ସ୍ମରଣ କରିଥିଲେ। ଏଥିସହ ତାଙ୍କର ଅବସର ପରବର୍ତ୍ତୀ ଜୀବନ ସୁଖମୟ, ନିରାମୟ ଓ ମଙ୍ଗଳମୟ ହେଉ ବୋଲି କାମନା କରିଥିଲେ।ସଭାକୁ ସୁବ୍ରତ କୁମାର ମଲ୍ଲିକ ସଂଯୋଜନା କରିଥିବାବେଳେ ଅତିଥି ପରିଚୟ ପ୍ରଦାନ ସହ ମଞ୍ଚ ପରିଚାଳନା କରାଯାଇଥିଲା। ପରେ ବିଦାୟୀ ପ୍ରଧାନ ଶିକ୍ଷକ ଶ୍ରୀ ମହାନ୍ତଙ୍କୁ ମାନପତ୍ର, ଉପଢୌକନ ଓ ବିଭିନ୍ନ ଉପହାର ପ୍ରଦାନ କରି ସମ୍ବର୍ଦ୍ଧିତ କରାଯାଇଥିଲା।ବିଦ୍ୟାଳୟର ଶିକ୍ଷକ ଅଜିତ କୁମାର ମହାନ୍ତ, ଦୁଲଭ ମହାନ୍ତ, ବିଜୟ କୁମାର ଗାର୍ଡିଆ, ଲୋଚନ କୁମାର ମହାନ୍ତ ଓ ବିଜୟାନନ୍ଦ ସେଠୀଙ୍କ ସମେତ ସମସ୍ତ ଶିକ୍ଷକ ଓ କର୍ମଚାରୀ କାର୍ଯ୍ୟକ୍ରମର ଆୟୋଜନ ଓ ପରିଚାଳନାରେ ସହଯୋଗ କରିଥିଲେ। ବିଦ୍ୟାଳୟ ପରିଚାଳନା କମିଟିର ସମସ୍ତ କର୍ମକର୍ତ୍ତା ଓ ସଦସ୍ୟ ମଧ୍ୟ ଉପସ୍ଥିତ ରହି ସଭାକୁ ସଫଳ କରିଥିଲେ।
