କେନ୍ଦୁଝର/ପାଟଣା, ୨/୧୦: ମଣିଷ–ହାତୀ ସଂଘର୍ଷ ରୋକିବା ସହ ମଣିଷ ଓ ହାତୀ ଉଭୟଙ୍କ ସୁରକ୍ଷା ନେଇ କେନ୍ଦୁଝର ଜିଲ୍ଲା ପାଟଣା ବ୍ଲକ ଅନ୍ତର୍ଗତ କେନ୍ଦେଇପଶି ପିଏମ୍ ଶ୍ରୀ ଉଚ୍ଚ ବିଦ୍ୟାଳୟରେ ଏକ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଛି।ଜଙ୍ଗଲ, ପରିବେଶ ଓ ଜଳବାୟୁ ପରିବର୍ତ୍ତନ ବିଭାଗ ଏବଂ ପ୍ରଦାନର ମିଳିତ ସହଯୋଗରେ ଆୟୋଜିତ ଏହି କାର୍ଯ୍ୟକ୍ରମରେ ଡିଓ ହିମାଦ୍ରୀ ଲୋଚନ ମହାନ୍ତ ଛାତ୍ରଛାତ୍ରୀଙ୍କୁ ହାତୀଙ୍କ ଗତିବିଧି ସମୟରେ କିପରି ସତର୍କ ରହିବେ ସେନେଇ ବିଭିନ୍ନ ସୂଚନା ଦେଇଥିଲେ।ହାତୀ ଦେଖାଗଲେ ନିକଟକୁ ନଯିବା, ହାତୀଙ୍କୁ ଉତ୍ତେଜିତ ନକରିବା, ଦୂରତା ବଜାୟ ରଖିବା ଏବଂ ନିଜ ସୁରକ୍ଷା ପ୍ରତି ସଚେତନ ରହିବା ନେଇ ଛାତ୍ରଛାତ୍ରୀଙ୍କୁ ବୁଝାଇଥିଲେ। ଏଥିସହ ବନ୍ୟଜନ୍ତୁ ସୁରକ୍ଷା ଓ ମଣିଷ–ହାତୀ ସଂଘର୍ଷ ହ୍ରାସ ପାଇଁ ସମସ୍ତଙ୍କ ସହଯୋଗର ଆବଶ୍ୟକତା ଉପରେ ମଧ୍ୟ ଆଲୋଚନା କରାଯାଇଥିଲା।କାର୍ଯ୍ୟକ୍ରମର ଆୟୋଜକ ଭାବେ ଡିଓ ହିମାଦ୍ରୀ ଲୋଚନ ମହାନ୍ତ ଓ କ୍ଷୀରୋଦ ଚନ୍ଦ୍ର ମହାନ୍ତ ଦାୟିତ୍ୱ ତୁଲାଇଥିଲେ। କେନ୍ଦେଇପଶି ଫରେଷ୍ଟ ଗାର୍ଡ ରୂପଶ୍ରୀ ଖୁଣ୍ଟିଆ କାର୍ଯ୍ୟକ୍ରମ ପରିଚାଳନା କରିଥିଲେ।ମୁଖ୍ୟ ଅତିଥି ଭାବେ ସରପଞ୍ଚ ମିନାକ୍ଷୀ ନାଏକ ଯୋଗଦେଇଥିବା ବେଳେ ସମ୍ମାନିତ ଅତିଥି ଭାବେ ପ୍ରଧାନ ଶିକ୍ଷୟିତ୍ରୀ ସତ୍ୟଭାମା ମୁଣ୍ଡା ଓ ଶିକ୍ଷକ ଦିନେଶ କୁମାର ନାଏକ ଉପସ୍ଥିତ ଥିଲେ।ବିଦ୍ୟାଳୟର ସମସ୍ତ ଶିକ୍ଷକ-ଶିକ୍ଷୟିତ୍ରୀ ମଧ୍ୟ କାର୍ଯ୍ୟକ୍ରମରେ ସାମିଲ ହୋଇ ଛାତ୍ରଛାତ୍ରୀଙ୍କୁ ହାତୀ ଓ ମଣିଷ ଉଭୟଙ୍କ ସୁରକ୍ଷା ସମ୍ପର୍କରେ ସଚେତନ କରିଥିଲେ। ମଣିଷ–ହାତୀ ସଂଘର୍ଷ ହ୍ରାସ କରିବା ସହ ବନ୍ୟଜନ୍ତୁ ସୁରକ୍ଷା ପାଇଁ ସମସ୍ତେ ଦାୟିତ୍ୱବାନ ହେବାକୁ ଆହ୍ୱାନ ଦିଆଯାଇଥିଲା।
