ଭୁବନେଶ୍ୱର, ୬/୧୦: ଆଜି ୬ ଅକ୍ଟୋବର ୨୦୨୬, ମଙ୍ଗଳବାର। ଭଦ୍ରକାଳୀ ପଞ୍ଜିକା ଅନୁଯାୟୀ ଆଜି ଆଶ୍ୱିନ ମାସ କୃଷ୍ଣପକ୍ଷ ଏକାଦଶୀ ତିଥି। ରାତି ୧୨ଟା ୩୪ ମିନିଟ୍ ପରେ ଦ୍ୱାଦଶୀ ତିଥି ଆରମ୍ଭ ହେବ। ଆଜିର ନକ୍ଷତ୍ର ଅଶ୍ଳେଷା ଏବଂ ରାତି ୧୦ଟା ୧୭ ମିନିଟ୍ ପରେ ମଘା ନକ୍ଷତ୍ର ରହିବ।
ଆଜିର ପଞ୍ଜିକା
ତାରିଖ: ୬ ଅକ୍ଟୋବର ୨୦୨୬, ମଙ୍ଗଳବାର
ଶକାବ୍ଦ: ୧୯୪୮
ସମ୍ବତ୍: ୨୦୮୩
ଦିଲ୍ଲୀଶ୍ୱରାବ୍ଦ: ୧୪୩୪
ସମ୍ବତ୍ସର: ରୌଦ୍ର
ମାସ: ଆଶ୍ୱିନ
ପକ୍ଷ: କୃଷ୍ଣପକ୍ଷ
ତିଥି: ଏକାଦଶୀ, ରାତି ୧୨:୩୪ ପରେ ଦ୍ୱାଦଶୀ
ନକ୍ଷତ୍ର: ଅଶ୍ଳେଷା, ରାତି ୧୦:୧୭ ପରେ ମଘା
ଚନ୍ଦ୍ରରାଶି: କର୍କଟ, ରାତି ୧୦:୧୭ ପରେ ସିଂହ
ଯୋଗ: ସିଦ୍ଧି
କରଣ: ବବ
ସୌରମାସ: କନ୍ୟା, ୨୦ ଦିନ
ସୂର୍ଯ୍ୟୋଦୟ ଓ ସୂର୍ଯ୍ୟାସ୍ତ
ସୂର୍ଯ୍ୟୋଦୟ: ପ୍ରାତଃ ୫:୩୬:୦୯
ସୂର୍ଯ୍ୟାସ୍ତ: ସନ୍ଧ୍ୟା ୫:୨୭:୦୨
ଆଜିର ବିଶେଷ ତଥ୍ୟ
ଯୋଗିନୀ ଅଗ୍ନିକୋଣରେ ରହିବେ ଏବଂ ରାତି ୧୨:୪୪ ପରେ ନୈରୁତକୋଣକୁ ଗମନ କରିବେ। ମକର ରାଶି ପାଇଁ ଆଜି ଘାତବାର ରହିଛି। ଏକାଦଶୀର ଏକୋଦିଷ୍ଟ ଓ ପାର୍ବଣ ଶ୍ରାଦ୍ଧ ରହିଛି।
ମୃତେ ଏକ ପାଦ ରାତି ୧୨:୩୪ ପରେ ଦ୍ୱୀପାଦ ପୁଷ୍କର ଦୋଷ ରହିବ।
ଆଜି ଶିମ୍ବ ଭକ୍ଷଣ ନିଷେଧ।
କାଳବେଳା ଓ ବାରବେଳା
କାଳବେଳା: ଦିବା ୧:୦୦ରୁ ୨:୩୦ ମଧ୍ୟରେ
ବାରବେଳା: ଦିବା ୭:୧୦ରୁ ୮:୪୦ ମଧ୍ୟରେ
ବିଶୁଦ୍ଧ ଅମୃତ ବେଳା
ଦିବା ୬:୩୦ ମଧ୍ୟେ, ଦିବା ୮:୪୧ରୁ ୧୧:୧୯ ମଧ୍ୟରେ ଏବଂ ରାତି ୭:୫୩ରୁ ୮:୪୨ ମଧ୍ୟରେ ବିଶୁଦ୍ଧ ଅମୃତ ବେଳା ରହିଛି।
ବିଶୁଦ୍ଧ ମାହେନ୍ଦ୍ର ବେଳା: ରାତି ୫:୫୩ରୁ ୭:୫୧ ମଧ୍ୟରେ।
ଆଜିର ରାଶିଫଳ: ୬ ଅକ୍ଟୋବର ୨୦୨୬
ମେଷ ରାଶି
ପାରିବାରିକ ଜୀବନରେ ଛୋଟବଡ଼ କେତେକ ଘଟଣାକୁ ବାଦ୍ ଦେଲେ ବିଶେଷ ଅସୁବିଧା ରହିବ ନାହିଁ। କର୍ମକ୍ଷେତ୍ରରେ ଅବହେଳିତ କାର୍ଯ୍ୟ ପାଇଁ ଅନୁତାପ କରିପାରନ୍ତି। ଧୈର୍ଯ୍ୟର ସହ କାର୍ଯ୍ୟ କଲେ ଉପକୃତ ହେବେ।
ବୃଷ ରାଶି
ପ୍ରାତଃକାଳୀନ ଯାତ୍ରା ଓ ଭ୍ରମଣ ପ୍ରୀତିପ୍ରଦ ହେବ। ସାମାଜିକ ସ୍ତରରେ ପ୍ରତିଷ୍ଠା ମିଳିପାରେ। ବାଣିଜ୍ୟ, ବ୍ୟବସାୟ ଓ ପରିବହନ କ୍ଷେତ୍ରରେ ବିବାଦ ବଢ଼ିପାରେ। କଠିନ ପରିଶ୍ରମ ଯୋଗୁଁ ସ୍ୱାସ୍ଥ୍ୟ ପ୍ରତି ଯତ୍ନବାନ ରୁହନ୍ତୁ।
ମିଥୁନ ରାଶି
ପାରିବାରିକ କ୍ଷେତ୍ରରେ କିଛି ବ୍ୟତିକ୍ରମ ରହିଲେ ମଧ୍ୟ ମନକଥା ମନରେ ରଖି ଚଳିବାକୁ ପଡ଼ିପାରେ। ଆର୍ଥିକ ସମସ୍ୟାର ସମାଧାନ ହେବାର ସମ୍ଭାବନା ରହିଛି। ବ୍ୟବସାୟିକ ସ୍ଥିତି ଆପଣ ଭାବୁଥିବା ପରି ଜଟିଳ ହେବ ନାହିଁ।
କର୍କଟ ରାଶି
ଅର୍ଥ ସମ୍ପର୍କିତ ସମସ୍ୟା ସୃଷ୍ଟି ହୋଇପାରେ। ବନ୍ଧୁମାନେ ନିଜ ସ୍ୱାର୍ଥ ପାଇଁ ମନଲୋଭା କଥା କହିପାରନ୍ତି। ସ୍ୱାସ୍ଥ୍ୟ ସମସ୍ୟା ଚିନ୍ତାର କାରଣ ହୋଇପାରେ। କର୍ମକ୍ଷେତ୍ରରେ ବ୍ୟସ୍ତତା ବଢ଼ିପାରେ।
ସିଂହ ରାଶି
ଯାନବାହନ ଚାଳନା ସମୟରେ ସତର୍କ ରୁହନ୍ତୁ। ଆତ୍ମୀୟସ୍ୱଜନଙ୍କ ସାହାଯ୍ୟର ପ୍ରତିଶ୍ରୁତି ନୂତନ କାମ ଆରମ୍ଭ ପାଇଁ ପ୍ରେରଣା ଦେବ। ଅଜଣା ବ୍ୟକ୍ତିଙ୍କଠାରୁ ଦୂରେଇ ରହିବା ଭଲ।
କନ୍ୟା ରାଶି
ବାଣିଜ୍ୟ, ବ୍ୟବସାୟ ଓ ଚେଷ୍ଟା କରୁଥିବା କାମରେ ଶୁଭଫଳ ପାଇବେ। କାର୍ଯ୍ୟବ୍ୟସ୍ତତା ଯୋଗୁଁ ବନ୍ଧୁଙ୍କ ସହ ଆଲୋଚନା ପାଇଁ ସମୟ ମିଳିନପାରେ। ବ୍ୟବସାୟିକ କ୍ଷେତ୍ରରେ ଜଣେ ସମ୍ପର୍କୀୟ ବନ୍ଧୁ ସାହାଯ୍ୟର ପ୍ରତିଶ୍ରୁତି ଦେଇପାରନ୍ତି।
ତୁଳା ରାଶି
ଶିକ୍ଷା, ସମ୍ପର୍କ ଓ ଆଲୋଚନା କ୍ଷେତ୍ରରେ କେତେକ ବ୍ୟତିକ୍ରମ ଦେଖାଦେଇପାରେ। ଆନୁଷ୍ଠାନିକ କ୍ଷେତ୍ରରେ ପଦମର୍ଯ୍ୟାଦା ବଢ଼ିପାରେ। କଳା, ସାହିତ୍ୟ, ସାମ୍ବାଦିକତା ଓ ଆଧ୍ୟାତ୍ମିକ କ୍ଷେତ୍ରରେ ଆଦୃତ ହେବେ।
ବିଛା ରାଶି
ପାରିବାରିକ ସମସ୍ୟା ମାନସିକ ଚାପ ବଢ଼ାଇପାରେ। କୌଣସି କାମ ସମ୍ପନ୍ନ କରିବାରେ ବନ୍ଧୁଙ୍କ ଅସହଯୋଗ ମିଳିପାରେ। କର୍ମକ୍ଷେତ୍ରରେ ଶତ୍ରୁ ଉପଦ୍ରବ ଧୀରେ ଧୀରେ କମିବ। ଅନ୍ୟକୁ ସାହାଯ୍ୟ କରିବା ସମୟରେ ନିଜେ ଅସୁବିଧାରେ ପଡ଼ିପାରନ୍ତି।
ଧନୁ ରାଶି
ମାନସିକ ଅସ୍ଥିରତା ରହିପାରେ। ପ୍ରତିଯୋଗିତା ବଢ଼ିବା ଯୋଗୁଁ ବ୍ୟବସାୟରେ ମନାନ୍ତର ଦେଖାଦେଇପାରେ। ଉଚ୍ଚସ୍ତରୀୟ ବ୍ୟକ୍ତିଙ୍କ ସହ ସମ୍ପର୍କ ବଢ଼ିବ। ଜମିଜମାକୁ ନେଇ ନିକଟ ସମ୍ପର୍କୀୟଙ୍କ ସହ ଯୁକ୍ତିତର୍କ ହୋଇପାରେ।
ମକର ରାଶି
କଥା ଓ କାମ ମଧ୍ୟରେ ତାଳମେଳ ଅଭାବ ଦେଖାଦେଇପାରେ। ସ୍ୱାସ୍ଥ୍ୟ ଓ ପାରିବାରିକ ସମସ୍ୟା ଯୋଗୁଁ ସାମୟିକ ଚିନ୍ତା ରହିବ। ନୂତନ ଯୋଜନାକୁ କାର୍ଯ୍ୟକାରୀ କରିବାରେ ପରିବାରରୁ ପୂର୍ଣ୍ଣ ସହଯୋଗ ମିଳିପାରେ।
କୁମ୍ଭ ରାଶି
ଆପଣ ଯେଉଁ କାମରେ ହାତ ଦେବେ, ସେଥିରେ ସଫଳତାର ସମ୍ଭାବନା ରହିଛି। କର୍ମକ୍ଷେତ୍ରରେ ନୂତନ ସୁଯୋଗ ମିଳିବାରୁ ଅଟକିଥିବା କାମ ଆଗକୁ ବଢ଼ିବ। ଯାନ୍ତ୍ରିକ ତ୍ରୁଟି ସମସ୍ୟା ବଢ଼ାଇପାରେ। ଯାତ୍ରା ସମୟରେ ଜିନିଷପତ୍ର ପ୍ରତି ସତର୍କ ରୁହନ୍ତୁ।
ମୀନ ରାଶି
ଶିଳ୍ପ, ବାଣିଜ୍ୟ, ବ୍ୟବସାୟ ଓ ପରିବହନ କ୍ଷେତ୍ରର ସମସ୍ୟା ଦୂର ହୋଇପାରେ। ସ୍ୱାସ୍ଥ୍ୟରେ ଉନ୍ନତି ହେବାରୁ ଆଶ୍ୱସ୍ତି ମିଳିବ। ସଭାସମିତି, ସତ୍ସଙ୍ଗ, ଆଧ୍ୟାତ୍ମିକତା, ରାଜନୀତି ଓ ପ୍ରଶାସନିକ କାର୍ଯ୍ୟ ପାଇଁ ଦିନଟି ଅନୁକୂଳ।
ଜ୍ୟୋତିର୍ବିଦ: ଭାବଗ୍ରାହୀ ଖଡିରତ୍ନ
ଯୋଗାଯୋଗ: ୯୪୩୮୧୫୨୬୨୭
ଟିପ୍ପଣୀ: ଏହି ରାଶିଫଳ ଜ୍ୟୋତିଷୀୟ ଗଣନା ଓ ପରମ୍ପରା ଆଧାରିତ।
