ମୟୂରଭଞ୍ଜ/ବେତନଟୀ: ୧୫/୯: ବେତନଟୀ ବ୍ଲକ୍ ଅନ୍ତର୍ଗତ ବୈଶିଙ୍ଗା ଥାନା ଅଞ୍ଚଳର କଷିପଦା ଗ୍ରାମରୁ ଏକ ସନ୍ଦେହଜନକ ପାରା ଉଦ୍ଧାର ହୋଇଛି। ପାରାଟିର ଡାହାଣ ଗୋଡ଼ରେ ଏକ ବ୍ଲୁ ରଙ୍ଗର ରିଙ୍ଗ୍ ଲାଗିଥିବାରୁ ଏହାକୁ ନେଇ ପୋଲିସ ତଦନ୍ତ ଆରମ୍ଭ କରିଛି।ମଙ୍ଗଳବାର ଅପରାହ୍ନରେ କଷିପଦା ଗ୍ରାମର ହରିଶଚନ୍ଦ୍ର ପୁହାଣଙ୍କ ଘର ବାଡ଼ିରେ ଲାଗିଥିବା ଏକ ଜାଲରେ ପାରାଟି ବସିଥିଲା। ପାରାଟିର ଗୋଡ଼ରେ ବ୍ଲୁ ରଙ୍ଗର ରିଙ୍ଗ୍ ଲାଗିଥିବା ଦେଖି ଘରଲୋକେ ତାକୁ ଧରିଥିଲେ।ପରେ ରିଙ୍ଗ୍ଟିକୁ ଯାଞ୍ଚ କରିବାରୁ ସେଥିରେ ‘BRN 2026 701831’ ଲେଖା ଥିବା ଜଣାପଡ଼ିଥିଲା। ଏହାକୁ ନେଇ ସନ୍ଦେହ ହେବାରୁ ପାରାଟିକୁ ବୈଶିଙ୍ଗା ଥାନାକୁ ନେଇଯାଇଥିଲେ।ଘଟଣା ସମ୍ପର୍କରେ ବେତନଟୀ ଏସ୍ଡିପିଓ ଓ ବୈଶିଙ୍ଗା ଥାନା ଆଇଆଇସି ପାରାଟିର ଗୋଡ଼ରେ ଲାଗିଥିବା ରିଙ୍ଗ୍ ଏବଂ ଏଥିରେ ଲେଖା ଥିବା ନମ୍ବରକୁ ନେଇ ତଦନ୍ତ ଜାରି ରଖିଛନ୍ତି।ପାରାଟି ବାଂଲାଦେଶରୁ ଆସିଥିବା ପାରା ହୋଇପାରେ ବୋଲି ସନ୍ଦେହ କରାଯାଉଛି। ତେବେ ରିଙ୍ଗ୍ର ନମ୍ବର ଏବଂ ପାରାଟିର ଉତ୍ସ ସମ୍ପର୍କରେ ତଦନ୍ତ ପରେ ହିଁ ସ୍ପଷ୍ଟ ତଥ୍ୟ ସାମ୍ନାକୁ ଆସିବ।
