ପାଟଣା ୨୫/୮ (ନଜର ଓଡ଼ିଶା) ପାଟଣା ବନାଞ୍ଚଳ ଖିରେଇଟାଙ୍ଗିରି ବନକ୍ଷେତ୍ର ତରଫରୁ ଚାରା ବଣ୍ଟନକୁ ବ୍ୟାପକ କରାଯାଇଛି। ଏହି କ୍ରମରେ ଆଜି ଖିରେଇଟାଙ୍ଗିରି ସାପ୍ତାହିକ ହାଟ, କିଆପଡା ଉଚ୍ଚ ପ୍ରାଥମିକ ବିଦ୍ୟାଳୟ, ଝାଲମଣୀ ଉଚ୍ଚ ବିଦ୍ୟାଳୟ ଡେଣୁଆ, ଯଜପଶି ଗ୍ରାମପଞ୍ଚାୟତ, ହାତିବାରି ଗ୍ରାମ ଆଦି ସ୍ଥାନରେ ମାଗଣା ଚାରା ବଣ୍ଟନ କରାଯାଇଥିବା ବେଳେ ବନକ୍ଷେତ୍ର କାର୍ଯ୍ୟାଳୟ ଠାରେ ୧ ଟଙ୍କା ବିନିମୟରେ ସମୁଦାୟ ୨୨୫୦ ଟି ଚାରା ଲୋକ ମାନଙ୍କୁ ପ୍ରଦାନ କରାଯାଇଛି। ଚାରା ବଣ୍ଟନ କାର୍ଯ୍ୟକ୍ରମକୁ ଖିରେଇଟାଙ୍ଗିରି ବନପାଳ ପୂର୍ଣ୍ଣ ଚନ୍ଦ୍ର ମହାନ୍ତ ଏବଂ ବନରଖି ଡଲି ରାଣୀ ସାହୁ, ଯମୁନାପଶି ବନରଖି ଅନନ୍ୟା ପିୟଦର୍ଶନି ନାୟକ ଏବଂ ତୁରୁମୁଙ୍ଗା ବନରଖି ସୁଜାତା ସାହୁ ପ୍ରମୁଖ ସହାୟତା କରିଥିଲେ।
