ଘଟଗାଁ:୨୩/୮(ନଜରଓଡ଼ିଶା)
ଶତାୟୁ ଆଦର୍ଶ ମା ହିସାବରେ ଅତୀତରେ ୪୫ତମ ବଳିଦାନ ଦିବସ ପାଳନ ଅବସରରେ ବୀରାଙ୍ଗନା ମହାରଣା, ଦୁର୍ଗାବତୀ ଆଦର୍ଶ ମା ସମ୍ମାନରେ ଜିଲ୍ଲା ସ୍ତରରେ ସମ୍ମାନୀତ ମହିଳା ଖଇର ନାୟକ ଆଜି ପୂର୍ବାହ୍ନ ୧୦.୩୦ ସମୟରେ ଆଖି ବୁଜିଛନ୍ତି। ଘଟଗାଁ ବ୍ଲକ ସାନ୍ତରାପୁର ଗ୍ରାମ ପଞ୍ଚାୟତର ରାଇବଣ ସାହିରେ ଖଇରଙ୍କର ୧୦୨ ବର୍ଷ ବୟସରେ ପରଲୋକ ଘଟିଛି। ୫୮ ବର୍ଷ ତଳେ ତାଙ୍କ ସ୍ବାମୀ ଗଦାଧର ନାୟକଙ୍କ ପରଲୋକ ହେବା ପରେ ୨ ବର୍ଷର ଏକ ମାତ୍ର ପୁତ୍ର ଗୋବିନ୍ଦଙ୍କୁ ମଣିଷ କରିବା ଓ ପରିବାର ପ୍ରତିପୋଷଣ କରିବା ପାଇଁ ଖଇର ଅନେକ ସଂଘର୍ଷ କରିଥିଲେ। ଖଇରଙ୍କ ପରଲୋକ ଖବର ପାଇ କେନ୍ଦୁଝର ସାଂସଦ ଅନନ୍ତ ନାୟକ ଗଭୀର ଶୋକ ପ୍ରକାଶ କରିଛନ୍ତି। ଗୋଣ୍ଡ ସାଂସ୍କୃତିକ ସମାଜର ସଭାପତି ଜନାର୍ଦ୍ଦନ ନାୟକ,ସମ୍ପାଦକ ଚକ୍ରଧର ନାୟକ, ସାନ୍ତରାପୁରର ପୂର୍ବତନ ସରପଞ୍ଚ ଶାନ୍ତନୁ ସିଂ, ଶରତ କୁମାର ନାୟକ ପ୍ରମୁଖ ବହୁ ବିଶିଷ୍ଟ ବ୍ୟକ୍ତି ତାଙ୍କ ଶେଷ ଦର୍ଶନରେ ସାମିଲ ହୋଇଥିଲେ। ସାନ୍ତରାପୁରର ଡଙ୍ଗାଧାର ନଦୀ କୂଳରେ ତାଙ୍କର ଅନ୍ତିମ ସଂସ୍କାର କରାଯାଇଥିଲା। ତାଙ୍କ ନାତି ହିମାଂଶୁ ଶେଖର ମୁଖାଗ୍ନୀ ଦେଇଛନ୍ତି।
