ଘଟଗାଁ:୨୫/୮(ନଜର ଓଡ଼ିଶା)ଘଟଗାଁ ବ୍ଲକ ଅଞ୍ଚଳ ୨୦ ନଂ ଜାତୀୟ ରାଜପଥ ଗଦାଧରପୁର ନିକଟରେ ଟାୟାର ମରାମତି ଦୋକାନ କରିଥିବା ତଥା ଢେଙ୍କିକୋଟ ସନ୍ନିକଟ ସାନ୍ତରାପୁର ମସଜିଦ ର ମୌଲବୀ ଏମ ଡି ଇରଫାନ ଙ୍କ ସାନ ଭାଇ ବିହାର ରାଜ୍ୟ ଦରଭଙ୍ଗା ଜିଲ୍ଲା ନରସରା ଗ୍ରାମର ଏମଡି ନାଜିର ଙ୍କ ପୁଅ ଏମଡି ଅରମାନ(୩୦) ଙ୍କ ର ସର୍ପାଘାତ ରେ ପରଲୋକ ଘଟିଛି । ଗତକାଲି ରାତି ସେ ଗଦାଧରପୁର ନିଜ ଦୋକାନରେ ଶୋଇଥିବା ବେଳେ ତାଙ୍କ ଅଜଣାତରେ ତାଙ୍କୁ ଏକ ରଣା ସାପ କାମୁଡିଥିଲା । ନିଜକୁ ଅସୁସ୍ଥ ମନେ କରିବା ପରେ ସେ ତାଙ୍କ ବଡ ଭାଇ ମୌଲବୀ ଏମଡି ଇରଫାନ ଙ୍କୁ ଡକାଇ ଘଟଗାଁ ଡାକ୍ତରଖାନା ଯାଇଥିଲେ । ଅବସ୍ଥା ଉଦେଗଜନକ ଥିବାରୁ ତାଙ୍କୁ କେନ୍ଦୁଝର ମେଡିକାଲ କଲେଜ ହସ୍ପିଟାଲ ସ୍ତାନାନ୍ତର କରାଯିବା ସମୟରେ ରାସ୍ତାରେ ଅରମାନ ପ୍ରାଣ ହରାଇଛନ୍ତି । ଏ ନେଇ ଘଟଗାଁ ଥାନାରେ ଏକ ଅପମୃତ୍ୟୁ ମାମଲା ରୁଜୁ କରାଯିବା ସହ ଢେଙ୍କିକୋଟ ପୁଲିସ ବିଟ ଅଧିକାରୀ ତ୍ରିନାଥ ନାଏକ ମୃତକଙ୍କ ଶବ ବ୍ୟବଚ୍ଛେଦ କରାଇ ମର ଶରୀର ତାଙ୍କ ପରିବାର କୁ ହସ୍ତାନ୍ତର କରିଛନ୍ତି ।
