ଭୁବନେଶ୍ୱର, ୮/୯: ଦିଲ୍ଲୀରେ ଆୟୋଜିତ ହେବାକୁ ଥିବା ଜାତୀୟ ଇକ୍ୟୁପ୍ଡ ଓ ଅନଇକ୍ୟୁପ୍ଡ ପାୱାରଲିଫ୍ଟିଂ ଚାମ୍ପିଅନଶିପ୍-୨୦୨୬ରେ ଓଡ଼ିଶାର ୨୦ ଜଣିଆ ପାୱାରଲିଫ୍ଟିଂ ଦଳ ଅଂଶଗ୍ରହଣ କରିବ। ସେପ୍ଟେମ୍ବର ୮ରୁ ୧୧ ତାରିଖ ପର୍ଯ୍ୟନ୍ତ ଦିଲ୍ଲୀର ପିତମପୁରାସ୍ଥିତ ଦିଲ୍ଲୀ ହାଟ୍ରେ ଏହି ଜାତୀୟ ପ୍ରତିଯୋଗିତା ଆୟୋଜିତ ହେବ।
ବିଭିନ୍ନ ଓଜନ ବର୍ଗରେ ଓଡ଼ିଶାର ପୁରୁଷ ଓ ମହିଳା ପାୱାରଲିଫ୍ଟରମାନେ ମଇଦାନକୁ ଓହ୍ଲାଇ ରାଜ୍ୟକୁ ପ୍ରତିନିଧିତ୍ୱ କରିବେ।
ଇକ୍ୟୁପ୍ଡ ପୁରୁଷ ବର୍ଗ
ଇକ୍ୟୁପ୍ଡ ପୁରୁଷ ବର୍ଗରେ ପିକୁ ରାୟ (୫୯ କେଜି), ହୃଷୀକେଶ ସାହୁ (୬୬ କେଜି), ନିରଞ୍ଜନ ବାଗ ଓ ପ୍ରଦୀପ ବିଶ୍ୱାଳ (୭୪ କେଜି) ଏବଂ ସୋମନାଥ ପଟ୍ଟନାୟକ (୧୨୦ କେଜି) ପ୍ରତିଦ୍ୱନ୍ଦ୍ୱିତା କରିବେ।
ଇକ୍ୟୁପ୍ଡ ମହିଳା ବର୍ଗ
ଇକ୍ୟୁପ୍ଡ ମହିଳା ବର୍ଗରେ ଦ୍ରୌପଦୀ ଧରୁଆ (୬୩ କେଜି) ଓ ଡଲି ପୂଜାରୀ (୭୬ କେଜି) ଓଡ଼ିଶା ପକ୍ଷରୁ ଅଂଶଗ୍ରହଣ କରିବେ।
ଅନଇକ୍ୟୁପ୍ଡ ପୁରୁଷ ବର୍ଗ
ଅନଇକ୍ୟୁପ୍ଡ ପୁରୁଷ ବର୍ଗରେ ୱାଇ. ଅବିନାଶ ଓ ପିୟୁଷ ମହାନନ୍ଦ (୭୪ କେଜି), ବିକ୍ରମ ବେହେରା ଓ ସୁଦୀପ କୁମାର ମହାରଣା (୮୩ କେଜି), ଦୁଷ୍ମନ୍ତ ସାହୁ (୯୩ କେଜି), ସୁମନ୍ତ କୁମାର ସାହୁ (୧୦୦ କେଜି), ସୁଧାଂଶୁ ଶେଖର ଶ୍ରୀଚନ୍ଦନ (୧୨୦ କେଜି) ଏବଂ ଦିବ୍ୟ କୁମାର ବେହେରା (୧୨୦+ କେଜି) ପ୍ରତିଦ୍ୱନ୍ଦ୍ୱିତା କରିବେ।
ଅନଇକ୍ୟୁପ୍ଡ ମହିଳା ବର୍ଗ
ଅନଇକ୍ୟୁପ୍ଡ ମହିଳା ବର୍ଗରେ ଟିନା ଦାସ ଓ ବନାନୀ ବିଶ୍ୱାସ (୬୩ କେଜି), ଋତୁ ଗୁପ୍ତା (୬୯ କେଜି), ସୁନୀତା ନାୟକ (୮୪ କେଜି) ଏବଂ ଚାନ୍ଦିନୀ ଶର୍ମା (୮୪+ କେଜି) ଓଡ଼ିଶା ପାଇଁ ମଇଦାନକୁ ଓହ୍ଲାଇବେ।
ଓଡ଼ିଶା ପାୱାରଲିଫ୍ଟିଂ ସଂଘର ସଭାପତି ପରେଶ ଚନ୍ଦ୍ର ମହାନ୍ତ ଏବଂ ସାଧାରଣ ସମ୍ପାଦିକା ସଙ୍ଗୀତା ସିଂହ ସମସ୍ତ ମନୋନୀତ ଖେଳାଳିଙ୍କୁ ଶୁଭେଚ୍ଛା ଜଣାଇଛନ୍ତି। ଖେଳାଳିମାନଙ୍କ କଠିନ ପରିଶ୍ରମ, ନିଷ୍ଠା ଓ ସମର୍ପଣ ପାଇଁ ସେମାନେ ଅଭିନନ୍ଦନ ଜଣାଇବା ସହ ଜାତୀୟ ସ୍ତରରେ ଶ୍ରେଷ୍ଠ ପ୍ରଦର୍ଶନ କରି ଓଡ଼ିଶା ପାଇଁ ଗୌରବ ଆଣିବେ ବୋଲି ଆଶା ପ୍ରକାଶ କରିଛନ୍ତି।
