ଢେଙ୍କିକୋଟ: ୮/୯: ଆଦିବାସୀ ମାନ୍ୟତା ଦାବିରେ ପଶ୍ଚିମବଙ୍ଗର ପୁରୁଳିଆଠାରେ ଆସନ୍ତା ସେପ୍ଟେମ୍ବର ୨୦ ତାରିଖରେ ହେବାକୁ ଥିବା ମହାସମାବେଶ ପାଇଁ ଆଦିବାସୀ କୁଡୁମୀ ସମାଜ ପକ୍ଷରୁ ଢେଙ୍କିକୋଟରେ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଛି।ଢେଙ୍କିକୋଟ ଆରଏମସି ହାଟ ପଡ଼ିଆରେ ଅନୁଷ୍ଠିତ ଏହି ବୈଠକରେ ପୁରୁଳିଆ ମହାସମାବେଶରେ ଓଡ଼ିଶାରୁ ଅଧିକ ସଂଖ୍ୟାରେ ସମାଜ ପ୍ରତିନିଧିଙ୍କ ଯୋଗଦାନ ନେଇ ଆଲୋଚନା କରାଯାଇଥିଲା।ବୈଠକରେ ଆଦିବାସୀ କୁଡୁମୀ ସମାଜର ରାଜ୍ୟ ସଭାପତି ଦୋଳଗୋବିନ୍ଦ ମହାନ୍ତ, ରାଜ୍ୟ ପ୍ରମୁଖ ଭରତ ଚନ୍ଦ୍ର ମହାନ୍ତ, ଯୁଗ୍ମ ସମ୍ପାଦକ ସୁରେଶ ଚନ୍ଦ୍ର ମହାନ୍ତ, ନରେନ୍ଦ୍ର ମହାନ୍ତ, ଜିଲ୍ଲା ସଭାପତି ରାମଚନ୍ଦ୍ର ମହାନ୍ତ, କୋଷାଧ୍ୟକ୍ଷ ମହେଶ୍ୱର ମହାନ୍ତ, ନନ୍ଦକିଶୋର ମହାନ୍ତ ଏବଂ ଘଟଗାଁ ବ୍ଲକ ଶାଖା ସମ୍ପାଦକ ପ୍ରଫୁଲ୍ଲ କୁମାର ମହାନ୍ତଙ୍କ ସମେତ ବହୁ ପ୍ରତିନିଧି ଯୋଗ ଦେଇଥିଲେ।ଆସନ୍ତା ସେପ୍ଟେମ୍ବର ୨୦ରେ ପୁରୁଳିଆରେ ହେବାକୁ ଥିବା ମହାସମାବେଶରେ ପଶ୍ଚିମବଙ୍ଗ ଓ ଓଡ଼ିଶାର ବହୁ ନେତୃବୃନ୍ଦ ଯୋଗଦେବାର କାର୍ଯ୍ୟକ୍ରମ ରହିଛି। ଏହି ମହାସମାବେଶକୁ ସଫଳ କରିବା ସହ ବହୁ ସଂଖ୍ୟାରେ କୁଡୁମୀ ସମାଜର ପ୍ରତିନିଧି ଯୋଗଦେବା ନେଇ ବୈଠକରେ ଆଲୋଚନା ହୋଇଥିଲା।
