କେନ୍ଦୁଝର/ପାଟଣା, ୨୯/୯: ହାତୀ ଦ୍ୱାରା କ୍ଷତିଗ୍ରସ୍ତ ଘରର ସ୍ଥିତି ପରଖିବା ସହ ପୁନଃନିର୍ମାଣ କାର୍ଯ୍ୟର ଅଗ୍ରଗତି ଅନୁଧ୍ୟାନ କରିବା ପାଇଁ କେନ୍ଦୁଝର DFO ଏଚ୍.ଡି. ଧନରାଜ ଗତକାଲି ପାଟଣା ରେଞ୍ଜ ଅଧୀନ ସାହାରପଡ଼ା ସେକ୍ସନ୍ର ଉଦୟପୁର ପଞ୍ଚାୟତ ଅନ୍ତର୍ଗତ ସିଲିପଦା ଗ୍ରାମ ପରିଦର୍ଶନ କରିଥିଲେ।ସୂଚନା ଅନୁଯାୟୀ, ହାତୀ ଆକ୍ରମଣରେ ସିଲିପଦା ଗ୍ରାମର ଗୁଣନିଧି ମହାନ୍ତଙ୍କ ଘର କ୍ଷତିଗ୍ରସ୍ତ ହୋଇଥିଲା। ଏହି ଘରର କ୍ଷୟକ୍ଷତିକୁ କେନ୍ଦୁଝର DFO ପରିଦର୍ଶନ କରିବା ସହ ସ୍ଥିତି ଅନୁଧ୍ୟାନ କରିଥିଲେ।ଘର କ୍ଷତିଗ୍ରସ୍ତ ହେବା ପରେ ଏହାର ପୁନଃନିର୍ମାଣ ପାଇଁ ଆବାସ ଯୋଜନା ଅଧୀନରେ ପ୍ରଥମ କିସ୍ତି ଭାବେ ୪୦ ହଜାର ଟଙ୍କା ପ୍ରଦାନ କରାଯାଇଥିବା ଜଣାପଡ଼ିଛି। ତେବେ ଏପର୍ଯ୍ୟନ୍ତ ଘର ନିର୍ମାଣ କାର୍ଯ୍ୟ ଆରମ୍ଭ ହୋଇନଥିବା ନେଇ ଜଣାପଡ଼ିଛି।ପରିଦର୍ଶନ ସମୟରେ DFO ଏଚ୍.ଡି. ଧନରାଜ ଘର ନିର୍ମାଣ କାର୍ଯ୍ୟ ନିର୍ଦ୍ଧାରିତ ସମୟସୀମା ମଧ୍ୟରେ ଶେଷ କରିବାକୁ ଗୁଣନିଧି ମହାନ୍ତଙ୍କୁ ପରାମର୍ଶ ଦେଇଥିବା ସୂଚନା ମିଳିଛି।ହାତୀ ଉପଦ୍ରବରେ ପ୍ରଭାବିତ ଅଞ୍ଚଳର କ୍ଷତିଗ୍ରସ୍ତ ପରିବାରଙ୍କୁ ମିଳୁଥିବା ସରକାରୀ ସହାୟତା ରାଶି ଏବଂ କ୍ଷତିଗ୍ରସ୍ତ ଘରର ପୁନଃନିର୍ମାଣ କାର୍ଯ୍ୟର ସ୍ଥିତି ନେଇ ଏହି ପରିଦର୍ଶନ ଗୁରୁତ୍ୱ ବହନ କରୁଛି।
