ପାଟଣା, ୩/୯: କେନ୍ଦୁଝର ଜିଲ୍ଲା ପାଟଣା ବ୍ଲକ ମୁଖ୍ୟାଳୟସ୍ଥିତ ସ୍ୱାମପାଟଣା ଆଞ୍ଚଳିକ ମହାବିଦ୍ୟାଳୟରେ ସମ୍ବଲପୁରସ୍ଥିତ **ରାଜ୍ୟ ମୁକ୍ତ ବିଶ୍ୱବିଦ୍ୟାଳୟ (State Open University)**ର ୟୁଜି ଓ ପିଜି ପାଠ୍ୟକ୍ରମ ପାଇଁ ଅନୁମୋଦନ ମିଳିଛି। ଏହା ଫଳରେ ଅଞ୍ଚଳର ଛାତ୍ରଛାତ୍ରୀଙ୍କ ପାଇଁ ଉଚ୍ଚଶିକ୍ଷାର ସୁଯୋଗ ଆହୁରି ବ୍ୟାପକ ହୋଇଛି।ମହାବିଦ୍ୟାଳୟରେ ମୁକ୍ତ ବିଶ୍ୱବିଦ୍ୟାଳୟର ପାଠ୍ୟକ୍ରମ ଖୋଲିବା ପାଇଁ ପୂର୍ବତନ ଅଧ୍ୟକ୍ଷ ବିରେନ୍ଦ୍ର କୁମାର ସାହୁ ଉଦ୍ୟମ କରିଥିଲେ। ନିକଟରେ ସେ ଅବସର ଗ୍ରହଣ କରିଥିବାବେଳେ ବର୍ତ୍ତମାନର ଅଧ୍ୟକ୍ଷ ଜଗନ୍ନାଥ ମହାନ୍ତ ଏହି ପ୍ରକ୍ରିୟାକୁ ଆଗେଇ ନେଇ ରାଜ୍ୟ ମୁକ୍ତ ବିଶ୍ୱବିଦ୍ୟାଳୟ ସହ ଆବଶ୍ୟକ ଚୁକ୍ତିନାମା କରିଥିବା ଜଣାପଡ଼ିଛି।ବର୍ତ୍ତମାନ ମହାବିଦ୍ୟାଳୟରେ ବିଭିନ୍ନ ବିଭାଗର ୟୁଜି ଓ ପିଜି ପାଠ୍ୟକ୍ରମରେ ନାମଲେଖା ପାଇଁ ପ୍ରସ୍ତୁତି ଚାଲିଛି। ଚଳିତ ଶିକ୍ଷାବର୍ଷର ନାମଲେଖା ପ୍ରକ୍ରିୟାର ଦାୟିତ୍ୱ ମହାବିଦ୍ୟାଳୟ ଷ୍ଟଡି ସେଣ୍ଟରର ଅଧ୍ୟାପକ ହଳଧର ସାହୁଙ୍କୁ ଦିଆଯାଇଥିବା ଜଣାପଡ଼ିଛି।ସ୍ୱାମପାଟଣା ଆଞ୍ଚଳିକ ମହାବିଦ୍ୟାଳୟକୁ ରାଜ୍ୟ ମୁକ୍ତ ବିଶ୍ୱବିଦ୍ୟାଳୟର ଅଧ୍ୟୟନ କେନ୍ଦ୍ର ଭାବେ ଷ୍ଟଡି ସେଣ୍ଟର କୋଡ୍ ନମ୍ବର ୧୮୦୪ ପ୍ରଦାନ କରାଯାଇଛି। ଏନେଇ ମହାବିଦ୍ୟାଳୟର କ୍ରୀଡ଼ା ଶିକ୍ଷକ କ୍ୟାପଟେନ୍ ଧର୍ମେନ୍ଦ୍ର କୁମାର ସାହୁ ସୂଚନା ଦେଇଛନ୍ତି।ସ୍ୱାମପାଟଣା ଆଞ୍ଚଳିକ ମହାବିଦ୍ୟାଳୟରେ ୟୁଜି ଓ ପିଜି ପାଠ୍ୟକ୍ରମ ଆରମ୍ଭ ହେବା ଦ୍ୱାରା ପାଟଣା ଅଞ୍ଚଳର ଛାତ୍ରଛାତ୍ରୀମାନେ ନିଜ ଅଞ୍ଚଳରେ ରହି ଉଚ୍ଚଶିକ୍ଷା ଜାରି ରଖିବାର ଅଧିକ ସୁଯୋଗ ପାଇପାରିବେ।
