କେନ୍ଦୁଝର/ସାହାରପଡ଼ା, ୧୪/୧୦: କେନ୍ଦୁଝର ଜିଲ୍ଲା ସାହାରପଡ଼ା ବ୍ଲକ ମାଛଗଡ଼ ନିକଟସ୍ଥ ସୁନାପଶି ପ୍ରାଥମିକ ବିଦ୍ୟାଳୟର ବହୁଭାଷୀ ଶିକ୍ଷୟିତ୍ରୀ ମାଳତୀ ମାଝୀଙ୍କ ପ୍ରମାଣପତ୍ର ଓ ମାର୍କସିଟ୍ ଥିବା ଏକ ବ୍ୟାଗ୍ ହଜିଯାଇଛି। ଏହାକୁ ନେଇ ସେ ଚିନ୍ତିତ ଥିବାବେଳେ ବ୍ୟାଗ୍ଟି ପାଇଥିବା ବ୍ୟକ୍ତିଙ୍କୁ ଫେରାଇ ଦେବାକୁ ନିବେଦନ କରିଛନ୍ତି।ସୂଚନା ଅନୁଯାୟୀ, ଅକ୍ଟୋବର ୧୪ ତାରିଖରେ ମାଳତୀ ମାଝୀ ସ୍କୁଟି ଯୋଗେ ସାହାରପଡ଼ା ଯାଇ ବ୍ୟାଙ୍କ ଅଫ୍ ଇଣ୍ଡିଆ ଓ ଷ୍ଟେଟ୍ ବ୍ୟାଙ୍କରେ କାମ ସାରିବା ପରେ ବ୍ଲକ ଶିକ୍ଷାଧିକାରୀଙ୍କ କାର୍ଯ୍ୟାଳୟକୁ ଯାଇଥିଲେ। ତାଙ୍କ ପାଖରେ ଥିବା ଏକ ଧଳା ବ୍ୟାଗ୍ରେ ମାଟ୍ରିକ୍, +୨, ଡି.ଆଇ.ଇ.ଏଲ୍.ଡି., ଓଟିଇଟି ପ୍ରମାଣପତ୍ର, ମାର୍କସିଟ୍ ଏବଂ ପାନ୍ କାର୍ଡ ରହିଥିଲା।ସାହାରପଡ଼ାରୁ ସ୍କୁଟି ଯୋଗେ ମାଛଗଡ଼ ଫେରୁଥିବା ସମୟରେ କୌଣସି ସ୍ଥାନରେ ବ୍ୟାଗ୍ଟି ଖସି ପଡ଼ିଥିବା ସେ ଅନୁମାନ କରୁଛନ୍ତି। ତେବେ ବ୍ୟାଗ୍ଟି କେଉଁଠାରେ ହଜିଛି, ସେ ଜାଣିପାରିନାହାନ୍ତି।ଏହି ପରିସ୍ଥିତିରେ କୌଣସି ସହୃଦୟ ବ୍ୟକ୍ତି ବ୍ୟାଗ୍ଟି ପାଇଥିଲେ ତାଙ୍କୁ ଫେରାଇ ଦେବାକୁ ମାଳତୀ ମାଝୀ ନିବେଦନ କରିଛନ୍ତି। ନଚେତ୍ ବ୍ୟାଗ୍ଟିକୁ ପାଟଣା ଥାନା କିମ୍ବା ସାହାରପଡ଼ା ଫାଣ୍ଡିରେ ଜମା ଦେବାକୁ ସେ ଅନୁରୋଧ କରିଛନ୍ତି।
