ଭୁବନେଶ୍ୱର: ଆଜି ୧୧ ଅକ୍ଟୋବର ୨୦୨୬, ରବିବାର। ଆଶ୍ୱିନ ମାସ ଶୁକ୍ଳପକ୍ଷ ପ୍ରତିପଦା ତିଥିରେ ଆଜିର ଦିନଟି କେମିତି କଟିବ, କେଉଁ ରାଶି ପାଇଁ ରହିଛି ଧନଲାଭର ଯୋଗ ଏବଂ କେଉଁ ରାଶିର ବ୍ୟକ୍ତିମାନେ ସତର୍କ ରହିବା ଆବଶ୍ୟକ, ଜାଣନ୍ତୁ ଆଜିର ପଞ୍ଜିକା ଓ ୧୨ଟି ରାଶିର ରାଶିଫଳ।
ଆଜିର ପଞ୍ଜିକା: ୧୧ ଅକ୍ଟୋବର ୨୦୨୬
ବାର: ରବିବାର
ଶକାବ୍ଦ: ୧୯୪୮
ସମ୍ବତ୍: ୨୦୮୩
ଦିଲ୍ଲୀଶ୍ୱରାବ୍ଦ: ୧୪୩୪
ସମ୍ବତ୍ସର: ରୌଦ୍ର
ମାସ: ଆଶ୍ୱିନ
ପକ୍ଷ: ଶୁକ୍ଳପକ୍ଷ
ତିଥି: ପ୍ରତିପଦା, ରାତି ୯ଟା ୩୦ ପର୍ଯ୍ୟନ୍ତ; ପରେ ଦ୍ୱିତୀୟା
ନକ୍ଷତ୍ର: ଚିତ୍ରା, ରାତି ୧୦ଟା ୩୨ ପର୍ଯ୍ୟନ୍ତ; ପରେ ସ୍ୱାତୀ
ଚନ୍ଦ୍ର: କନ୍ୟା ରାଶିରେ ଦିନ ୧୦ଟା ୦୪ ପର୍ଯ୍ୟନ୍ତ; ପରେ ତୁଳା
ଯୋଗ: ବୈଧୃତି
କରଣ: କିଂସ୍ତୁଘ୍ନ
ସୌରମାସ: କନ୍ୟା
ସୂର୍ଯ୍ୟୋଦୟ ଓ ସୂର୍ଯ୍ୟାସ୍ତ
ସୂର୍ଯ୍ୟୋଦୟ: ପ୍ରାତଃ ୫ଟା ୩୮ ମିନିଟ୍ ୩୩ ସେକେଣ୍ଡ
ସୂର୍ଯ୍ୟାସ୍ତ: ସନ୍ଧ୍ୟା ୫ଟା ୨୩ ମିନିଟ୍ ୩୨ ସେକେଣ୍ଡ
ଶୁଭ ଓ ଅଶୁଭ ସମୟ
କାଳବେଳା ଓ ବାରବେଳା: ଦିନ ୧୦ଟା ୦୫ରୁ ଅପରାହ୍ନ ୧ଟା ୦୨ ମଧ୍ୟରେ।
ବିଶୁଦ୍ଧ ଅମୃତ ବେଳା: ଦିନ ୬ଟା ୩୩ରୁ ୮ଟା ୫୬ ମଧ୍ୟରେ, ଦିନ ୧ଟା ୦୩ରୁ ୩ଟା ୨୦ ମଧ୍ୟରେ ଏବଂ ରାତି ୭ଟା ୫୦ରୁ ୯ଟା ୨୬ ମଧ୍ୟରେ।
ବିଶୁଦ୍ଧ ମାହେନ୍ଦ୍ର ବେଳା: ଦିନ ୪ଟା ୦୮ରୁ ୪ଟା ୫୭ ମଧ୍ୟରେ।
ଯୋଗିନୀ: ପୂର୍ବ ଦିଗରେ; ରାତି ୯ଟା ୩୦ ପରେ ଉତ୍ତର ଦିଗରେ।
ଘାତଚନ୍ଦ୍ର: ବୃଷ ରାଶି।
ଘାତବାର: ମେଷ ରାଶି।
ବିଶେଷ ସୂଚନା: ଆଜି ପାଣିକଖାରୁ ଭକ୍ଷଣ ନିଷେଧ।
ଟିପ୍ପଣୀ: ଶୁଭାଶୁଭ ସମୟ ସ୍ଥାନ ଅନୁସାରେ ପରିବର୍ତ୍ତିତ ହୋଇପାରେ।
ଆଜିର ରାଶିଫଳ: ୧୨ଟି ରାଶିର ଭାଗ୍ୟଫଳ
ମେଷ ରାଶି
ଆଜି ଆତ୍ମୀୟସ୍ୱଜନଙ୍କ ସହ ମତଭେଦ ହେବାର ସମ୍ଭାବନା ରହିଛି। ତେଣୁ ନିଜର କ୍ରୋଧକୁ ନିୟନ୍ତ୍ରଣ କରି ଶାନ୍ତ ରହିବାକୁ ଚେଷ୍ଟା କରନ୍ତୁ। ଦେବଦର୍ଶନର ସୁଯୋଗ ମିଳିପାରେ।
ବୃଷ ରାଶି
ଆଜି ପରିବାର ଓ ପୁରୁଣା ବନ୍ଧୁମାନଙ୍କ ସହ ସାକ୍ଷାତ୍ ହେବାର ସୁଯୋଗ ମିଳିପାରେ। ଏହା ଆପଣଙ୍କ ମନରେ ଖୁସି ଆଣିଦେବ। ତେବେ ଆକସ୍ମିକ ବିପଦ ପ୍ରତି ସତର୍କ ରୁହନ୍ତୁ।
ମିଥୁନ ରାଶି
ଆଜି ପ୍ରଭାବଶାଳୀ ବ୍ୟକ୍ତିଙ୍କ ସହ ଆପଣଙ୍କ ସମ୍ପର୍କ ଅଧିକ ମଜଭୁତ ହୋଇପାରେ। କୌଣସି ବ୍ୟକ୍ତି ଆପଣଙ୍କ ସହାୟତା ପାଇଁ ଆଗେଇ ଆସିପାରନ୍ତି। ପୁରୁଣା ସମସ୍ୟାର ସମାଧାନ ପାଇଁ ସୁଯୋଗ ମିଳିପାରେ।
କର୍କଟ ରାଶି
ଆଜି କୌଣସି ସମସ୍ୟାରେ ଏକାକୀ ଅନୁଭବ କଲେ ଚିନ୍ତା କରନ୍ତୁ ନାହିଁ। ବନ୍ଧୁ ଓ ପରିବାରବର୍ଗ ଆପଣଙ୍କୁ ସହଯୋଗ କରିପାରନ୍ତି। ଆବଶ୍ୟକ ସମୟରେ ନିଜ ଲୋକଙ୍କ ସାହାଯ୍ୟ ନିଅନ୍ତୁ।
ସିଂହ ରାଶି
ଆଜି ଭ୍ରମଣର ଯୋଗ ରହିଛି। ଆପଣ କୌଣସି ଧାର୍ମିକ ପୀଠ, ସାଂସ୍କୃତିକ ସ୍ଥଳ କିମ୍ବା ଐତିହାସିକ ସ୍ଥାନକୁ ଯାଇପାରନ୍ତି। ଏହି ଯାତ୍ରା ଆପଣଙ୍କୁ ନୂଆ ଅନୁଭୂତି ଦେଇପାରେ।
କନ୍ୟା ରାଶି
ଆଜି ପରିବାରରେ କିଛି ମତଭେଦ ଦେଖାଦେଇପାରେ। କଥାବାର୍ତ୍ତା ମାଧ୍ୟମରେ ସମସ୍ୟାର ସମାଧାନ ନ ହେଲେ ପରିବାରବର୍ଗଙ୍କୁ ଅଧିକ ସମୟ ଦିଅନ୍ତୁ। ଧୈର୍ଯ୍ୟ ଓ ବୁଝାମଣା ଦ୍ୱାରା ସମ୍ପର୍କ ମଜଭୁତ କରନ୍ତୁ।
ତୁଳା ରାଶି
ଆଜିର ଦିନ କିଛିଟା ଚିନ୍ତାଜନକ ହୋଇପାରେ। ଆଇନଗତ ସମସ୍ୟାର ସମ୍ମୁଖୀନ ହେଉଥିଲେ ଅଭିଜ୍ଞ ଓକିଲଙ୍କ ପରାମର୍ଶ ନିଅନ୍ତୁ। ଉଚ୍ଚ ଅଧିକାରୀଙ୍କ ସହ ଯୋଗାଯୋଗ ରଖିବା ସହ ଧୈର୍ଯ୍ୟର ସହ ପରିସ୍ଥିତିକୁ ସାମ୍ନା କରନ୍ତୁ।
ବିଛା ରାଶି
ଆଜି କୌଣସି ସାମାଜିକ ସମସ୍ୟାରେ ଆପଣ ଜଡ଼ିତ ହୋଇପାରନ୍ତି। ପରିସ୍ଥିତିକୁ ବୁଝି ବିବେକର ସହ ପଦକ୍ଷେପ ନିଅନ୍ତୁ। ଅନାବଶ୍ୟକ ବିବାଦରୁ ଦୂରେଇ ରହନ୍ତୁ। ଗୁରୁଜନଙ୍କ ନିନ୍ଦା ଆପଣଙ୍କୁ ମାନସିକ କଷ୍ଟ ଦେଇପାରେ।
ଧନୁ ରାଶି
ଆଜି ପରିବାର ସହ ସମୟ ବିତାଇବା ପାଇଁ ଭଲ ସୁଯୋଗ ମିଳିପାରେ। ମିଳିମିଶି ମନୋରଞ୍ଜନ କାର୍ଯ୍ୟକ୍ରମ କିମ୍ବା ପାରିବାରିକ ଉତ୍ସବରେ ଯୋଗ ଦେଇପାରନ୍ତି। ଦିନଟି ଆନନ୍ଦମୟ ହେବାର ସମ୍ଭାବନା ରହିଛି।
ମକର ରାଶି
ଆଜି ଆପଣଙ୍କ ଆତ୍ମବିଶ୍ୱାସ ଉଚ୍ଚ ରହିବ। ନିଜର ସକାରାତ୍ମକ ଚିନ୍ତାଧାରା ଦ୍ୱାରା ଅନ୍ୟମାନଙ୍କୁ ପ୍ରଭାବିତ କରିପାରିବେ। ତେବେ ବିଭିନ୍ନ କାର୍ଯ୍ୟରେ ବାଧା ଆସିପାରେ। ଅଯଥା ଖର୍ଚ୍ଚ ଓ ମୁନିଆ ବସ୍ତୁରୁ ଆଘାତ ପାଇବା ପ୍ରତି ସତର୍କ ରୁହନ୍ତୁ।
କୁମ୍ଭ ରାଶି
ଆଜି ହଜିଯାଇଥିବା କୌଣସି ବସ୍ତୁ କିମ୍ବା ମନପସନ୍ଦ ଜିନିଷ ମିଳିବାର ସମ୍ଭାବନା ରହିଛି। ଉପହାର, ମୂଲ୍ୟବାନ ବସ୍ତୁ କିମ୍ବା ଜରୁରୀ କାଗଜପତ୍ର ମିଳିପାରେ। ଧନଲାଭର ଯୋଗ ରହିଛି ଏବଂ ଦିନଟି ଆନନ୍ଦରେ କଟିପାରେ।
ମୀନ ରାଶି
ଆଜି ଭାଗ୍ୟ ଆପଣଙ୍କ ସାଥ୍ ଦେଇପାରେ। ବିଭିନ୍ନ କାର୍ଯ୍ୟରେ ସଫଳତା ମିଳିବା ସହ ମନୋବାଞ୍ଛା ପୂରଣର ସୁଯୋଗ ରହିଛି। ମିଳୁଥିବା ସୁଯୋଗର ସଦୁପଯୋଗ କରନ୍ତୁ ଏବଂ ନିଜ ପରିଶ୍ରମ ଜାରି ରଖନ୍ତୁ।
ପଞ୍ଜିକା ଓ ରାଶିଫଳ: ଜ୍ୟୋତିର୍ବିଦ୍ ଭାବଗ୍ରାହୀ ଖଡ଼ିରତ୍ନ।
ସୂଚନା: ଏହି ରାଶିଫଳ ପାରମ୍ପରିକ ଜ୍ୟୋତିଷୀୟ ଆଧାରରେ ପ୍ରସ୍ତୁତ। ଏହାକୁ ସାଧାରଣ ସୂଚନା ଭାବେ ଗ୍ରହଣ କରନ୍ତୁ।
