ନୂଆଦିଲ୍ଲୀ:ଭାରତୀୟ ସିନେମା ଜଗତରେ ଶୋକର ଛାୟା। ବରିଷ୍ଠ ଅଭିନେତା ତଥା ଚଳଚ୍ଚିତ୍ର ନିର୍ଦ୍ଦେଶକ ନାନା ପାଟେକରଙ୍କ ୭୫ ବର୍ଷ ବୟସରେ ପରଲୋକ ହୋଇଛି। ଗୁରୁବାର, ୮ ଅକ୍ଟୋବର ୨୦୨୬ ସକାଳେ ଗୋଆର ଡୋନା ପାଉଲାସ୍ଥିତ ବାସଭବନରେ ସେ ଅସୁସ୍ଥ ହୋଇପଡ଼ିଥିଲେ। ପରେ ତାଙ୍କୁ ମଣିପାଲ ହସ୍ପିଟାଲକୁ ନିଆଯାଇଥିଲା।ହସ୍ପିଟାଲ ସୂତ୍ର ଅନୁଯାୟୀ, ନାନା ପାଟେକରଙ୍କୁ ପ୍ରାୟ ୪୫ ମିନିଟ୍ ଧରି ନିରନ୍ତର CPR ଦିଆଯାଇଥିଲା। ତେବେ ଚିକିତ୍ସା ସତ୍ତ୍ୱେ ତାଙ୍କୁ ବଞ୍ଚାଇ ପାରାଯାଇନଥିଲା। ସକାଳ ପ୍ରାୟ ୫ଟା ୨୦ ମିନିଟ୍ରେ ତାଙ୍କ ମୃତ୍ୟୁ ଘଟିଥିବା ରିପୋର୍ଟରେ କୁହାଯାଇଛି। ଘଟଣାରେ ମେଡିକୋ-ଲିଗାଲ୍ ମାମଲା ରୁଜୁ ହୋଇଥିବା ବେଳେ ପୋଷ୍ଟମର୍ଟମ୍ କରାଯିବ।
ହିନ୍ଦୀ ଓ ମରାଠୀ ସିନେମାରେ ଥିଲା ବିଶେଷ ପରିଚୟ
ବିଶ୍ୱନାଥ ପାଟେକର ଭାବେ ଜନ୍ମଗ୍ରହଣ କରିଥିବା ନାନା ପାଟେକର ହିନ୍ଦୀ ଓ ମରାଠୀ ସିନେମାର ଜଣେ ପ୍ରଭାବଶାଳୀ ଅଭିନେତା ଥିଲେ। ଅଭିନୟ ସହିତ ସେ ପ୍ରଯୋଜକ, ନିର୍ଦ୍ଦେଶକ ଓ ଲେଖକ ଭାବେ ମଧ୍ୟ କାମ କରିଥିଲେ।
୧୯୭୮ ମସିହାରେ ‘ଗମନ’ ଚଳଚ୍ଚିତ୍ର ମାଧ୍ୟମରେ ହିନ୍ଦୀ ସିନେମାରେ ପାଦ ଥାପିଥିବା ନାନା ପାଟେକର ପରବର୍ତ୍ତୀ ସମୟରେ ‘ସଲାମ ବମ୍ବେ!’, ‘ପରିନ୍ଦା’, ‘ତିରଙ୍ଗା’, ‘କ୍ରାନ୍ତିବୀର’, ‘ଖାମୋଶୀ: ଦି ମ୍ୟୁଜିକାଲ୍’, ‘ଅବ୍ ତକ୍ ଛପ୍ପନ’, ‘ରାଜନୀତି’ ଓ ‘ୱେଲକମ୍’ ଭଳି ଅନେକ ଚର୍ଚ୍ଚିତ ଚଳଚ୍ଚିତ୍ରରେ ଅଭିନୟ କରିଥିଲେ।
ତିନିଥର ଜାତୀୟ ଚଳଚ୍ଚିତ୍ର ପୁରସ୍କାର
ନାନା ପାଟେକର ତାଙ୍କ ଦମଦାର ଅଭିନୟ ପାଇଁ ତିନିଥର ଜାତୀୟ ଚଳଚ୍ଚିତ୍ର ପୁରସ୍କାର ପାଇଥିଲେ। ‘ପରିନ୍ଦା’ ଓ ‘କ୍ରାନ୍ତିବୀର’ ସମେତ ବିଭିନ୍ନ ଚଳଚ୍ଚିତ୍ରରେ ତାଙ୍କ ଅଭିନୟ ବେଶ୍ ପ୍ରଶଂସିତ ହୋଇଥିଲା। ଏହାଛଡ଼ା ସେ ଏକାଧିକ ଫିଲ୍ମଫେୟାର ଓ ମରାଠୀ ଫିଲ୍ମ ପୁରସ୍କାର ହାସଲ କରିଥିଲେ।ଭାରତୀୟ ସିନେମା ପ୍ରତି ତାଙ୍କ ଅବଦାନ ପାଇଁ ୨୦୧୩ ମସିହାରେ ନାନା ପାଟେକରଙ୍କୁ ପଦ୍ମଶ୍ରୀ ସମ୍ମାନରେ ସମ୍ମାନିତ କରାଯାଇଥିଲା।ନାନା ପାଟେକରଙ୍କ ପରଲୋକରେ ଭାରତୀୟ ସିନେମା ଜଗତ ଜଣେ ବିଶିଷ୍ଟ ଓ ବହୁମୁଖୀ ପ୍ରତିଭାଙ୍କୁ ହରାଇଲା। ତାଙ୍କ ଅଭିନୟ, ଦମଦାର ସଂଳାପ ଏବଂ ସ୍ମରଣୀୟ ଚରିତ୍ର ସବୁବେଳେ ଦର୍ଶକଙ୍କ ମନରେ ରହିବ।
