କେନ୍ଦୁଝର/ସାହାରପଡ଼ା, ୮/୧୦: କେନ୍ଦୁଝର ଜିଲ୍ଲା ସାହାରପଡ଼ା ବ୍ଲକ ଅନ୍ତର୍ଗତ ମାଛଗଡ଼ ପଞ୍ଚାୟତର ପଇତାମଜା ଗ୍ରାମରେ ବାଇକ୍ ଧକ୍କାରେ ଗିରିଧାରୀ ମହାନ୍ତ (୪୫)ଙ୍କ ମୃତ୍ୟୁ ଘଟିଛି। ସେ ଗ୍ରାମରେ ପାଣି ପମ୍ପ ଚାଳକ ଭାବେ କାର୍ଯ୍ୟ କରୁଥିଲେ। ଏହି ଘଟଣାକୁ ନେଇ ଅଞ୍ଚଳରେ ଶୋକର ଛାୟା ଖେଳିଯାଇଛି।ସୂଚନା ଅନୁଯାୟୀ, ଗୁରୁବାର ଅପରାହ୍ନ ପ୍ରାୟ ୨ଟା ସମୟରେ ବର୍ଷା ହେଉଥିବା ବେଳେ ଗିରିଧାରୀ ନିଜ ଘର ସମ୍ମୁଖ ରାସ୍ତାରେ ଯାଉଥିଲେ। ଏହି ସମୟରେ ସାମ୍ନା ପଟୁ ଦ୍ରୁତଗତିରେ ଆସୁଥିବା ଏକ ବାଇକ୍ ତାଙ୍କୁ ଧକ୍କା ଦେଇଥିଲା। ଦୁର୍ଘଟଣା ଘଟାଇବା ପରେ ବାଇକ୍ ଚାଳକ ଗାଡ଼ି ଛାଡ଼ି ଘଟଣାସ୍ଥଳରୁ ଦୌଡ଼ି ପଳାଇଥିବା ଜଣାପଡ଼ିଛି।ପରିବାର ଲୋକେ ଗୁରୁତର ଅବସ୍ଥାରେ ଗିରିଧାରୀଙ୍କୁ କରଞ୍ଜିଆ ଡାକ୍ତରଖାନାକୁ ନେଇଥିଲେ। ତେବେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।ଏନେଇ ପାଟଣା ଥାନା ଅଧିକାରୀ କିରଣ ଶଙ୍କର ସାହୁଙ୍କୁ ପଚାରିବାରୁ ସେ ଘଟଣା ସମ୍ପର୍କରେ କୌଣସି ସୂଚନା ପାଇନଥିବା ପ୍ରକାଶ କରିଥିଲେ।ଏହି ଦୁର୍ଘଟଣା ପରେ ମୃତକଙ୍କ ପରିବାର ଓ ଗ୍ରାମବାସୀଙ୍କ ମଧ୍ୟରେ ଶୋକର ବାତାବରଣ ସୃଷ୍ଟି ହୋଇଛି।
