କେନ୍ଦୁଝର/ଢେଙ୍କିକୋଟ, ୧୫/୧୦: କେନ୍ଦୁଝର ଜିଲ୍ଲା ଘଟଗାଁ ବ୍ଲକ ଅନ୍ତର୍ଗତ ପିପିଳିଆସ୍ଥିତ ଲକ୍ଷ୍ମୀ ନାରାୟଣ ଡିଗ୍ରୀ ମହାବିଦ୍ୟାଳୟର ନୂତନ ଛାତ୍ର ସଂସଦର କର୍ମକର୍ତ୍ତାଙ୍କ ନାମ ଘୋଷଣା କରାଯାଇଛି। ଏଥିରେ +୩ ଶେଷ ବର୍ଷ କଳା ଛାତ୍ର ଲକ୍ଷ୍ମଣ ପରିଡ଼ା ସଭାପତି ଏବଂ +୩ ଦ୍ୱିତୀୟ ବର୍ଷ କଳା ଛାତ୍ର ସତ୍ୟଜିତ ନାୟକ ସାଧାରଣ ସମ୍ପାଦକ ଭାବେ ମନୋନୀତ ହୋଇଛନ୍ତି।ଛାତ୍ର ସଂସଦ ଗଠନ ପାଇଁ ନିର୍ବାଚନ ପରିବର୍ତ୍ତେ ସର୍ବସମ୍ମତିକ୍ରମେ ମନୋନୟନ ପଦ୍ଧତି ଅନୁସରଣ କରାଯାଇଥିଲା। ଅଧ୍ୟକ୍ଷ ଦୈତାରି ମହାନ୍ତଙ୍କ ସମେତ ମହାବିଦ୍ୟାଳୟର ଅନ୍ୟ ଅଧ୍ୟାପକ ଓ ଅଧ୍ୟାପିକାଙ୍କ ଉପସ୍ଥିତିରେ ନୂତନ କର୍ମକର୍ତ୍ତାଙ୍କ ନାମ ଘୋଷଣା କରାଯାଇଥିଲା।ନୂତନ ଛାତ୍ର ସଂସଦରେ ଉପସଭାପତି ଭାବେ +୩ ଶେଷ ବର୍ଷ କଳା ଛାତ୍ର ଦେବରାଜ ସେଠୀ, ସହସାଧାରଣ ସମ୍ପାଦକ ଭାବେ +୩ ପ୍ରଥମ ବର୍ଷ କଳା ଛାତ୍ରୀ ଝରଣାରାଣୀ ମହାନ୍ତ, କ୍ରୀଡ଼ା ସମ୍ପାଦକ ଭାବେ +୩ ପ୍ରଥମ ବର୍ଷ ବିଜ୍ଞାନ ଛାତ୍ରୀ ପୂଜାରିଣୀ ବେହେରା ଏବଂ ଡିଏସଏ ସମ୍ପାଦକ ଭାବେ +୩ ପ୍ରଥମ ବର୍ଷ ବିଜ୍ଞାନ ଛାତ୍ର ରାଜେଶ କୁମାର ନାଏକ ମନୋନୀତ ହୋଇଛନ୍ତି।ସେହିପରି ଡ୍ରାମାଟିକ ସମ୍ପାଦକ ଭାବେ +୩ ଦ୍ୱିତୀୟ ବର୍ଷ ଛାତ୍ରୀ ବିଜୟଲକ୍ଷ୍ମୀ ନାୟକ, ଶ୍ରେଣୀ ପ୍ରତିନିଧି ଭାବେ +୩ ପ୍ରଥମ ବର୍ଷ କଳା ଛାତ୍ରୀ ଗୌରୀ ମହାନ୍ତ ଏବଂ +୩ ପ୍ରଥମ ବର୍ଷ ବିଜ୍ଞାନ ଛାତ୍ର ପଙ୍କଜ କୁମାର ମହାନ୍ତ ସ୍ଥାନ ପାଇଛନ୍ତି।ନୂତନ କର୍ମକର୍ତ୍ତାଙ୍କ ନାମ ଘୋଷଣା ପରେ ମହାବିଦ୍ୟାଳୟ ପରିସରରେ ଉତ୍ସବମୁଖର ପରିବେଶ ସୃଷ୍ଟି ହୋଇଥିଲା। ଏହି ଅବସରରେ ଛାତ୍ରଛାତ୍ରୀମାନେ ଉପସ୍ଥିତ ରହିଥିଲେ।
