ଆଜିର ରାଶିଫଳ ୧୨ ଅକ୍ଟୋବର ୨୦୨୬: ସୋମବାର ଦିନ ଆପଣଙ୍କ ରାଶିରେ କ’ଣ ରହିଛି? ଚାକିରି, ବ୍ୟବସାୟ, ଅର୍ଥ, ପରିବାର ଓ ଯାତ୍ରା କ୍ଷେତ୍ରରେ କିପରି କଟିବ ଆଜିର ଦିନ? ପଢ଼ନ୍ତୁ ଭଦ୍ରକାଳୀ ପଞ୍ଜିକା ଅନୁସାରେ ମେଷଠାରୁ ମୀନ ପର୍ଯ୍ୟନ୍ତ ୧୨ଟି ରାଶିର ଦୈନିକ ରାଶିଫଳ।
ଆଜିର ପଞ୍ଜିକା: ୧୨ ଅକ୍ଟୋବର ୨୦୨୬, ସୋମବାର
ଦିନ: ସୋମବାର
ତାରିଖ: ୧୨ ଅକ୍ଟୋବର ୨୦୨୬
ଶକାବ୍ଦ: ୧୯୪୮
ସମ୍ବତ୍: ୨୦୮୩
ସମ୍ବତ୍ସର: ରୌଦ୍ର
ମାସ: ଆଶ୍ୱିନ
ପକ୍ଷ: ଶୁକ୍ଳପକ୍ଷ
ତିଥି: ଦ୍ୱିତୀୟା, ରାତି ୧୦ଟା ୧୩ ପରେ ତୃତୀୟା
ନକ୍ଷତ୍ର: ସ୍ୱାତୀ, ରାତି ୧୧ଟା ୫୨ ପରେ ବିଶାଖା
ଚନ୍ଦ୍ର ରାଶି: ତୁଳା
ଯୋଗ: ବିଷ୍କୁମ୍ଭ
କରଣ: ବାଳବ
ସୂର୍ଯ୍ୟୋଦୟ: ସକାଳ ୫ଟା ୩୮ ମିନିଟ୍ ୦୩ ସେକେଣ୍ଡ
ସୂର୍ଯ୍ୟାସ୍ତ: ସନ୍ଧ୍ୟା ୫ଟା ୨୨ ମିନିଟ୍ ୧୨ ସେକେଣ୍ଡ
ଶୁଭ ଓ ଅଶୁଭ ସମୟ
କାଳବେଳା: ସକାଳ ୭ଟା ୧୦ରୁ ୮ଟା ୪୦ ମଧ୍ୟରେ।
ବାରବେଳା: ଅପରାହ୍ନ ୨ଟା ୨୫ରୁ ୪ଟା ୦୪ ମଧ୍ୟରେ।
ବିଶୁଦ୍ଧ ଅମୃତବେଳା: ସକାଳ ୭ଟା ୦୯ ମଧ୍ୟରେ, ସକାଳ ୮ଟା ୫୫ରୁ ୧୧ଟା ୨୦ ମଧ୍ୟରେ ଏବଂ ରାତି ୭ଟା ୫୦ରୁ ୧୧ଟା ୦୧ ମଧ୍ୟରେ।
ଘାତବାର: ମିଥୁନ ରାଶି।
ବିଶେଷ ସୂଚନା: ଆଜି ବୋଇତି କଖାରୁ ଭକ୍ଷଣ ନିଷେଧ ବୋଲି ପଞ୍ଜିକାରେ ଉଲ୍ଲେଖ ରହିଛି।
ଆଜିର ରାଶିଫଳ: ୧୨ଟି ରାଶିର ଭାଗ୍ୟଫଳ
ମେଷ ରାଶି
ଆଜି ଆର୍ଥିକ ଅଭାବ ଯୋଗୁଁ ଧାରକରଜ କରି କାମ ତୁଲାଇବାକୁ ପଡ଼ିପାରେ। ପରିବାର, ପରିବହନ ଓ ବ୍ୟବସାୟ କ୍ଷେତ୍ରରୁ ଲାଭ ମିଳିବାର ସମ୍ଭାବନା ରହିଛି। ତେବେ ଯାନବାହନ ଚଳାଚଳ ସମୟରେ ସତର୍କ ରୁହନ୍ତୁ।
ବୃଷ ରାଶି
ପାରିବାରିକ ସମ୍ପର୍କରେ ଛୋଟ ଛୋଟ କଥାକୁ ନେଇ ମନୋମାଳିନ୍ୟ କରନ୍ତୁ ନାହିଁ। ବନ୍ଧୁମିଳନ ପାଇଁ ଦିନଟି ଭଲ ରହିପାରେ। ବ୍ୟବସାୟ, ପରିବହନ ଓ କର୍ମକ୍ଷେତ୍ରରେ ସଫଳତା ମିଳିବା ସହ ଗୁରୁତ୍ୱପୂର୍ଣ୍ଣ କାମରେ ଦୃଢ଼ ପଦକ୍ଷେପ ନେଇପାରନ୍ତି।
ମିଥୁନ ରାଶି
ଆଜି ଅଚାନକ କୌଣସି ବ୍ୟକ୍ତିଙ୍କ ଉପସ୍ଥିତି ଅସୁବିଧା ସୃଷ୍ଟି କରିପାରେ। ଦୀର୍ଘଦିନରୁ ଅଟକି ରହିଥିବା ଅର୍ଥ ଫେରିପାଇବାର ଯୋଗ ରହିଛି। କଥାବାର୍ତ୍ତାରେ ସଂଯମ ରଖନ୍ତୁ। ବ୍ୟବସାୟରେ ଲାଭ ହେଲେ ମଧ୍ୟ ଅପ୍ରତ୍ୟାଶିତ ଖର୍ଚ୍ଚ ବଢ଼ିପାରେ।
କର୍କଟ ରାଶି
ବିଭିନ୍ନ ଘଟଣାକୁ ନେଇ ମାନସିକ ଅସ୍ଥିରତା ଦେଖାଦେଇପାରେ। ନିଜ ସମସ୍ୟା ବିଷୟରେ ବିଶ୍ୱସ୍ତ ବନ୍ଧୁଙ୍କ ସହ ଆଲୋଚନା କଲେ ଉପକୃତ ହେବେ। ଆବଶ୍ୟକ ସମୟରେ କୌଣସି ବନ୍ଧୁଙ୍କଠାରୁ ସହଯୋଗ ମିଳିପାରେ।
ସିଂହ ରାଶି
ରାଜନୈତିକ ଓ ସାମାଜିକ କ୍ଷେତ୍ରରେ ପୂର୍ବରୁ ହୋଇଥିବା କାମର ସମୀକ୍ଷା କରିପାରନ୍ତି। ଅପରାହ୍ନରେ ଆଶା କରୁଥିବା ଖବର ମିଳିବାର ସମ୍ଭାବନା ରହିଛି। ମାଙ୍ଗଳିକ କାର୍ଯ୍ୟ ପାଇଁ ପ୍ରସ୍ତୁତି ବଢ଼ିପାରେ। ଆତ୍ମୀୟଙ୍କ କଥାରେ ମନ ଦୁଃଖ କରନ୍ତୁ ନାହିଁ।
କନ୍ୟା ରାଶି
ବନ୍ଧୁଙ୍କ ପରାମର୍ଶରେ ନୂଆ କାମ ଆରମ୍ଭ କରିବାକୁ ଯୋଜନା କରିପାରନ୍ତି। ପାରିବାରିକ ସମସ୍ୟାର ସମାଧାନ ହେବା ସହ କର୍ମକ୍ଷେତ୍ରରେ ନିଜ ଦକ୍ଷତା ପ୍ରଦର୍ଶନ କରିବାର ସୁଯୋଗ ମିଳିପାରେ। ନେତୃତ୍ୱ ଓ ପ୍ରଶାସନିକ କାର୍ଯ୍ୟରେ ପ୍ରଶଂସା ପାଇପାରନ୍ତି।
ତୁଳା ରାଶି
ସୁବିଧା ଥିଲେ ମଧ୍ୟ କେତେକ କାମ ଅଧୁରା ରହିଯାଇପାରେ। ବ୍ୟବସାୟ, ପରିବହନ, କ୍ରୀଡ଼ା ଓ ଚଳଚ୍ଚିତ୍ର କ୍ଷେତ୍ରରେ ସମସ୍ୟାର ସମାଧାନ ହେବାର ଆଶା ରହିଛି। ବୃଦ୍ଧ ପିତାମାତାଙ୍କ ସ୍ୱାସ୍ଥ୍ୟରେ ସୁଧାର ଆସିଲେ ମନକୁ ଆଶ୍ୱସ୍ତି ମିଳିପାରେ।
ବିଛା ରାଶି
ପାରିବାରିକ ଜୀବନରେ ସ୍ଥିରତା ଆଣିବା ପାଇଁ ଅଧିକ ଧୈର୍ଯ୍ୟ ଆବଶ୍ୟକ। ଅସାବଧାନତା ଯୋଗୁଁ ବିବାଦରେ ପଡ଼ିପାରନ୍ତି। ସାହିତ୍ୟ, କଳା ଓ ବୈଷୟିକ କ୍ଷେତ୍ରରେ ପ୍ରଶଂସା ମିଳିପାରେ। ହଠାତ୍ ପ୍ରତିକ୍ରିୟା ଦେବାରୁ ଦୂରେଇ ରୁହନ୍ତୁ।
ଧନୁ ରାଶି
ଆତ୍ମୀୟସ୍ୱଜନ କିମ୍ବା ପଡ଼ୋଶୀଙ୍କ ସହଯୋଗରେ ଅଟକିଥିବା କାମ ପୂରଣ ହୋଇପାରେ। ଜମିଜମା, ଘରର ସୀମା କିମ୍ବା ଘରଭଡ଼ାକୁ ନେଇ ସାମାନ୍ୟ ବିବାଦ ଦେଖାଦେଇପାରେ। ଯାନ୍ତ୍ରିକ ଶିଳ୍ପ ଓ ପରିବହନ କ୍ଷେତ୍ରରେ ଭଲ ଫଳ ମିଳିପାରେ। ଖର୍ଚ୍ଚ ଉପରେ ନିୟନ୍ତ୍ରଣ ରଖନ୍ତୁ।
ମକର ରାଶି
ଅଯଥା ଚିନ୍ତା ଯୋଗୁଁ ମନ ଅଶାନ୍ତ ରହିପାରେ। ସନ୍ତାନଙ୍କ ଆଚରଣରେ ପରିବର୍ତ୍ତନ ଦେଖି ଚିନ୍ତିତ ହୋଇପାରନ୍ତି। ତେବେ ପରିବାରରେ ସୁଖଶାନ୍ତି ବଜାୟ ରହିବା ସହ ଅଧୁରା କାମ ଆଗକୁ ବଢ଼ିପାରେ।
କୁମ୍ଭ ରାଶି
ନିଜ କଥାବାର୍ତ୍ତା ଦ୍ୱାରା ବନ୍ଧୁମାନଙ୍କ ମନ ଜିଣିପାରନ୍ତି। ମନୋରଞ୍ଜନ, ବନ୍ଧୁମିଳନ, ଆଲୋଚନା ଓ ଯାତ୍ରା ପ୍ରତି ଆଗ୍ରହ ବଢ଼ିପାରେ। କର୍ମକ୍ଷେତ୍ରରେ ସାଧାରଣ କଥାକୁ ନେଇ ମଧ୍ୟାହ୍ନ ସମୟରେ ଚାପ ବଢ଼ିପାରେ। ଧୈର୍ଯ୍ୟର ସହ ପରିସ୍ଥିତିକୁ ସମ୍ଭାଳନ୍ତୁ।
ମୀନ ରାଶି
ନିଜ ଯୋଜନାକୁ କାର୍ଯ୍ୟକାରୀ କରିବା ପୂର୍ବରୁ ବନ୍ଧୁଙ୍କ ସହ ଆଲୋଚନା କରନ୍ତୁ। ଯେଉଁ ବିବାଦକୁ ନେଇ ଚିନ୍ତିତ ଅଛନ୍ତି, ସେଥିରେ ଆଶାଠାରୁ ଭଲ ପରିସ୍ଥିତି ରହିପାରେ। ଯାତ୍ରା ସମୟରେ ଯୋଜନାରେ ପରିବର୍ତ୍ତନ ହୋଇପାରେ। ସବୁ କାମ ଭାବିଚିନ୍ତି କରନ୍ତୁ।
ଜ୍ୟୋତିର୍ବିଦ: ଭାବଗ୍ରାହୀ ଖଡ଼ିରତ୍ନ
ଯୋଗାଯୋଗ: ୯୪୩୮୧୫୨୬୨୭
ଟିପ୍ପଣୀ: ରାଶିଫଳ ଜ୍ୟୋତିଷ ଆଧାରିତ ସାଧାରଣ ଅନୁମାନ। ଏହାକୁ ନିଶ୍ଚିତ ଭବିଷ୍ୟବାଣୀ ଭାବେ ଗ୍ରହଣ କରନ୍ତୁ ନାହିଁ।
