କେନ୍ଦୁଝର/ପାଟଣା, ୨/୧୦: ଗାନ୍ଧୀ ଜୟନ୍ତୀ ଅବସରରେ କେନ୍ଦୁଝର ଜିଲ୍ଲା ପାଟଣା ବ୍ଲକର ସମସ୍ତ ୨୦ଟି ପଞ୍ଚାୟତରେ ଗ୍ରାମସଭା ଅନୁଷ୍ଠିତ ହୋଇଯାଇଛି। ସମ୍ପୃକ୍ତ ପଞ୍ଚାୟତର ସରପଞ୍ଚମାନଙ୍କ ସଭାପତିତ୍ୱରେ ଆୟୋଜିତ ଏହି ଗ୍ରାମସଭାରେ ପଞ୍ଚାୟତବାସୀ ନିଜ ନିଜ ଅଞ୍ଚଳର ବିଭିନ୍ନ ଉନ୍ନୟନମୂଳକ ଆବଶ୍ୟକତା ସମ୍ପର୍କରେ ପ୍ରସ୍ତାବ ରଖିଥିଲେ।ପାଟଣା ବ୍ଲକର ଚେମେଣା ପଞ୍ଚାୟତରେ ବିଡିଓ ମାନସ କୁମାର ଦଣ୍ଡପାଟ, ବୁଢ଼ୀକାପୁଡି ପଞ୍ଚାୟତରେ ଅତିରିକ୍ତ ତହସିଲଦାର ଶିବ ଶଙ୍କର ହେମ୍ବ୍ରମ, ଡୁମୁରିଆ ପଞ୍ଚାୟତରେ ସହ ଶ୍ରମ ଅଧିକାରୀ ଅମରେଶ କର ଏବଂ ମୁରୁସୁଆଁ ପଞ୍ଚାୟତରେ ତହସିଲଦାର ଅଶ୍ୱିନୀ କୁମାର ନାଏକ ପ୍ରମୁଖ ଯୋଗଦେଇ ଗ୍ରାମସଭାର ପର୍ଯ୍ୟବେକ୍ଷଣ କରିଥିଲେ।ପ୍ରତ୍ୟେକ ପଞ୍ଚାୟତରେ ପିଇଓ ଓ ଏଡିଇଓମାନେ ଗ୍ରାମସଭା ପରିଚାଳନା କରିଥିଲେ। ଏହାସହ ଗ୍ରାମସଭାକୁ ସୁଚାରୁ ଭାବେ ପରିଚାଳନା ଓ ତଦାରଖ କରିବା ପାଇଁ ବିଭିନ୍ନ ବିଭାଗର ଅଧିକାରୀମାନଙ୍କୁ ନୋଡାଲ ଅଧିକାରୀ ଭାବେ ନିଯୁକ୍ତ କରାଯାଇଥିଲା।ବଡ଼ପାଟଣା ପଞ୍ଚାୟତରେ ବ୍ଲକ ବିତ୍ତ ଅଧିକାରୀ ପାର୍ବତୀ ସର୍ଦ୍ଦାର, ବାଉଁଶୁଳୀ ପଞ୍ଚାୟତରେ ଗ୍ରାମ୍ୟ ଜଳଯୋଗାଣ ବିଭାଗର କନିଷ୍ଠ ଯନ୍ତ୍ରୀ ଇଂ. ସଦାଶିବ ମଢେଇ, ବୁଢ଼ୀକାପୁଡି ପଞ୍ଚାୟତରେ ଏପିଓ ଏଇ ଖେଲାରାମ ମୁର୍ମୁ, ଚିନାମାଳିପଶି ପଞ୍ଚାୟତରେ ବିପିସି ସୁରେନ୍ଦ୍ର ଖଣ୍ଡା, ଚାକୁଣ୍ଡାପାଳ ପଞ୍ଚାୟତରେ ପେସାର ନିର୍ମଳା ମହାନ୍ତ ନୋଡାଲ ଅଧିକାରୀ ଭାବେ ଦାୟିତ୍ୱ ତୁଲାଇଥିଲେ।ସେହିପରି ଚେମେଣା ପଞ୍ଚାୟତରେ ଏପିଓ ମଧୁସୂଦନ ପ୍ରଧାନ, ଡୁମୁରିଆ ପଞ୍ଚାୟତରେ ବିପିସି ଜମାଲୁଦିନ ଖାନ, ଏରେଣ୍ଡେଇ ପଞ୍ଚାୟତରେ ଏଇ ବିଶ୍ୱଜିତା ନାଏକ, ଜମୁନାପଶି ପଞ୍ଚାୟତରେ ବପିଏ ଲୋକନାଥ ମହାନ୍ତ, କଣ୍ଟିଆପଡା ପଞ୍ଚାୟତରେ ଯୋଗାଣ ନିରୀକ୍ଷକ ଦିବ୍ୟରାଜ ଭୋଇ ଏବଂ କେନ୍ଦେଇପଶି ପଞ୍ଚାୟତରେ କନିଷ୍ଠ ଯନ୍ତ୍ରୀ ଇଂ. ମନୋଜ ବେହେରା ନୋଡାଲ ଅଧିକାରୀ ଭାବେ ନିଯୁକ୍ତ ହୋଇଥିଲେ।ଖିରେଇଟାଙ୍ଗିରି ପଞ୍ଚାୟତରେ ପ୍ରଭାତ କୁମାର ନାଥ, ମିରିଗିଖୋଜି ପଞ୍ଚାୟତରେ ମଙ୍ଗଳ ଅଧିକାରିଣୀ ସିପ୍ରାରାଣୀ ମହାନ୍ତ, ମୁରୁସୁଆଁ ପଞ୍ଚାୟତରେ ଗ୍ରାମ୍ୟ ଜଳଯୋଗାଣ ବିଭାଗର ଏଇ ମିଥୁନ ମାଝୀ, ମୁଷାଖୋରୀ ପଞ୍ଚାୟତରେ ବିଏଲସି ସୁସ୍ମିତା ସାହୁ, ପଲାଣଘାଟି ପଞ୍ଚାୟତରେ କନିଷ୍ଠ ଯନ୍ତ୍ରୀ ଇଂ. ଅଜୟ କୁମାର ଝା ନୋଡାଲ ଅଧିକାରୀ ଭାବେ ଦାୟିତ୍ୱ ନେଇଥିଲେ।ରାଜନଗର ପଞ୍ଚାୟତରେ ଏସିପି ସୌମ୍ୟରଞ୍ଜନ ଦାଶ, ସରାସକୋଲା ପଞ୍ଚାୟତରେ କନିଷ୍ଠ ଯନ୍ତ୍ରୀ ଇଂ. ନିହାର ରଞ୍ଜନ ନାୟକ, ଟାଙ୍ଗରପଡା ପଞ୍ଚାୟତରେ ବିଏସଏସଓ ଅଭୟ ଚରଣ ଦେହୁରୀ ଏବଂ ତୁରୁମୁଙ୍ଗା ପଞ୍ଚାୟତରେ କନିଷ୍ଠ ଯନ୍ତ୍ରୀ ଇଂ. ମନୋଜ କୁମାର ପଣ୍ଡା ନୋଡାଲ ଅଧିକାରୀ ଭାବେ ନିଯୁକ୍ତ ହୋଇଥିଲେ।ଗ୍ରାମସଭାରେ ସ୍ଥାନୀୟ ଲୋକଙ୍କ ଉନ୍ନୟନ ସମ୍ପର୍କିତ ପ୍ରସ୍ତାବ ଓ ଆବଶ୍ୟକତା ଉପରେ ଆଲୋଚନା କରାଯିବା ସହ ପଞ୍ଚାୟତସ୍ତରରେ ବିଭିନ୍ନ ଉନ୍ନୟନମୂଳକ କାର୍ଯ୍ୟକୁ ନେଇ ମତାମତ ଗ୍ରହଣ କରାଯାଇଥିଲା।
