କେନ୍ଦୁଝର/ପାଟଣା, ୧୪/୧୦: କେନ୍ଦୁଝର ଜିଲ୍ଲା ପାଟଣା ବ୍ଲକ କୃଷି ବିଭାଗ ପକ୍ଷରୁ ଚାଷୀଙ୍କୁ ଶୁଷ୍କ ଧାଡ଼ି ରୁଆ ପଦ୍ଧତି ସମ୍ପର୍କରେ ପ୍ରଶିକ୍ଷଣ ପ୍ରଦାନ କରାଯାଇଛି। ଏହି ପ୍ରଶିକ୍ଷଣ ଶିବିରରେ ବଡ଼ପାଟଣା, ଡୁମୁରିଆ, ଚିନାମାଳିପଶି ଓ ମିରିଗିଖୋଜି ପଞ୍ଚାୟତ ଅଞ୍ଚଳର ୪୦ ଜଣ ଚାଷୀ ଯୋଗଦେଇଥିଲେ।ବ୍ଲକ କୃଷି ଅଧିକାରୀ ବର୍ଷା ବୈଶାଳୀଙ୍କ ଅଧ୍ୟକ୍ଷତାରେ ଆୟୋଜିତ ଏହି ଶିବିରରେ ବ୍ଲକ ସହକୃଷି ଅଧିକାରୀ ଦେବାର୍ଚ୍ଚନ ଦ୍ୱିବେଦୀ ଉପସ୍ଥିତ ଥିଲେ। ଘଟଗାଁ ବ୍ଲକର ସହକୃଷି ଅଧିକାରୀ ସୁବ୍ରତ କୁମାର ମଲ୍ଲିକ ପ୍ରଶିକ୍ଷକ ଭାବେ ଯୋଗଦେଇ ଚାଷୀମାନଙ୍କୁ ଶୁଷ୍କ ଧାଡ଼ି ରୁଆ ପଦ୍ଧତିର ବିଭିନ୍ନ ଦିଗ ସମ୍ପର୍କରେ ବିସ୍ତୃତ ଭାବେ ତାଲିମ ପ୍ରଦାନ କରିଥିଲେ।ଏହି କାର୍ଯ୍ୟକ୍ରମରେ କୃଷି ଅଧିଦର୍ଶକ ଦୁର୍ଗା ଚରଣ ତ୍ରିପାଠୀ ମଧ୍ୟ ସାମିଲ ହୋଇଥିଲେ।
