କେନ୍ଦୁଝର/ପାଟଣା, ୧/୧୦: କେନ୍ଦୁଝର ଜିଲ୍ଲା ବନଖଣ୍ଡ ଅଧିକାରୀ ଏଚ୍.ଡି. ଧନରାଜଙ୍କ ନିର୍ଦ୍ଦେଶକ୍ରମେ ପାଟଣା ବନାଞ୍ଚଳରେ ବନ ବିଭାଗ ପକ୍ଷରୁ ଚଢ଼ାଉ କରାଯାଇଛି। ସାହାରପଡ଼ା ସେକ୍ସନ ଅନ୍ତର୍ଗତ ଗୋରାଣ୍ଡିଯୋଡ଼ି ବିଟ୍ର ଭୋଳପଡ଼ା ଗ୍ରାମରେ ଏହି ଚଢ଼ାଉ କରାଯାଇଥିଲା।ସୂଚନା ଅନୁଯାୟୀ, ଭୋଳପଡ଼ା ଗ୍ରାମର ସୁବାସ ଚନ୍ଦ୍ର ନାଏକଙ୍କ ଘରେ ପାଟଣା ବନ ବିଭାଗ ଚଢ଼ାଉ କରି ଆନୁମାନିକ ୭୦ ହଜାର ଟଙ୍କା ମୂଲ୍ୟର ଶାଗୁଆନ ଓ ଗମ୍ଭାରୀ କାଠ ଜବତ କରିଛି।ଚଢ଼ାଉରେ ପାଟଣା ବନାଞ୍ଚଳ ଅଧିକାରୀ ଆର୍ତ୍ତତ୍ରାଣ ମିର୍ଦ୍ଧା, ପାଟଣା ବନପାଳ ନିରଞ୍ଜନ ସେଠୀ, ସାହାରପଡ଼ା ବନପାଳ ଶ୍ରୀମନ୍ତ ବେହେରାଙ୍କ ସମେତ ଅଞ୍ଚଳର ବନରକ୍ଷୀ ଓ ବିଭାଗୀୟ ପାରା କର୍ମଚାରୀମାନେ ସାମିଲ ହୋଇଥିଲେ।ଜବତ ହୋଇଥିବା କଟା ଓ ସାଇଜ୍ କରାଯାଇ ରଖାଯାଇଥିବା କାଠଗୁଡ଼ିକୁ ଟ୍ରାକ୍ଟର ଯୋଗେ ବୋଝେଇ କରି ପାଟଣା ବନାଞ୍ଚଳ କାର୍ଯ୍ୟାଳୟକୁ ଅଣାଯାଇଥିବା ଜଣାପଡ଼ିଛି।
