କେନ୍ଦୁଝର/ଢେଙ୍କିକୋଟ, ୮/୧୦: ଇଣ୍ଡି ମେଣ୍ଟ ପକ୍ଷରୁ ଦିଆଯାଇଥିବା ଓଡ଼ିଶା ବନ୍ଦ ଡାକରାର ପ୍ରଭାବ କେନ୍ଦୁଝର ଜିଲ୍ଲାର ଢେଙ୍କିକୋଟରେ ଆଂଶିକ ଭାବେ ଦେଖିବାକୁ ମିଳିଥିଲା। ବନ୍ଦକୁ ସମର୍ଥନ କରି କଂଗ୍ରେସ କର୍ମୀମାନେ ସକାଳ ୬ଟାରୁ ଜାତୀୟ ରାଜପଥ ନମ୍ବର ୨୦ ଓ ୨୨୦ରେ ଯାନବାହନ ଚଳାଚଳ ବନ୍ଦ କରିଥିଲେ।ଏହାର ପ୍ରଭାବରେ ଜାତୀୟ ରାଜପଥ ନମ୍ବର ୨୦ରେ ପ୍ରାୟ ୩ କିଲୋମିଟର ପର୍ଯ୍ୟନ୍ତ ଯାନବାହନ ଅଟକି ରହିଥିଲା। ଏଥିସହ ବନ୍ଦ ସମର୍ଥକମାନେ ବିଭିନ୍ନ ବ୍ୟାଙ୍କ, ଦୋକାନ ଓ ବଜାର ବନ୍ଦ କରାଇଥିଲେ।
ତେବେ ମଧ୍ୟାହ୍ନ ପରେ ଆନ୍ଦୋଳନକାରୀମାନେ ଯାନବାହନ ଚଳାଚଳ ପାଇଁ ରାସ୍ତା ଛାଡ଼ି ଦେଇଥିଲେ। ଦୋକାନ ବଜାର ବନ୍ଦ ରହିବା ଯୋଗୁଁ ସାଧାରଣ ଲୋକଙ୍କୁ ବିଭିନ୍ନ ଅସୁବିଧାର ସାମ୍ନା କରିବାକୁ ପଡ଼ିଥିଲା।ଏହି ବନ୍ଦରେ ରଣଜିତ୍ ଜେନା, ଟଙ୍କଧର ମାଝୀ, ବିଶ୍ୱନାଥ ନାଏକ, ଜନାର୍ଦ୍ଦନ ମହାନ୍ତ, ଶରତ ନାଏକ, ଜୁଲଫିକର ଅଲ୍ଲୀ ଭୁଟ୍ଟୋ, ଧ୍ରୁବ ଚରଣ ଘଣା, ଦୁଷ୍ମନ୍ତ ସିଂ, ଏସ୍.କେ.କେ. ଇସ୍ରାଏଲ, ରବୀନ୍ଦ୍ର ନାୟକ ଓ ମେଘନାଦ ନାୟକ ପ୍ରମୁଖ ନେତୃତ୍ୱ ନେଇଥିଲେ।
