ଭଦ୍ରକାଳୀ ପଞ୍ଜିକା | ଆଜିର ରାଶିଫଳ | ୧୬ ଅକ୍ଟୋବର ୨୦୨୬, ଶୁକ୍ରବାର
ଆଜି ୧୬ ଅକ୍ଟୋବର ୨୦୨୬, ଶୁକ୍ରବାର। ଭଦ୍ରକାଳୀ ପଞ୍ଜିକା ଅନୁସାରେ ଆଜିର ତିଥି ଷଷ୍ଠୀ, ନକ୍ଷତ୍ର ଜ୍ୟେଷ୍ଠା ଓ ଯୋଗ ଶୋଭନ। ଆଜିର ପଞ୍ଜିକାରେ ସୂର୍ଯ୍ୟୋଦୟ, ସୂର୍ଯ୍ୟାସ୍ତ, ଶୁଭ ସମୟ, କାଳବେଳା ଓ ରାଶିଫଳ ସମ୍ପର୍କରେ ଜାଣନ୍ତୁ।
ଆଜିର ପଞ୍ଜିକା ବିବରଣୀ
ତାରିଖ: ୧୬ ଅକ୍ଟୋବର ୨୦୨୬, ଶୁକ୍ରବାର
ଶକାବ୍ଦ: ୧୯୪୮
ସମ୍ବତ୍: ୨୦୮୩
ସମ୍ବତ୍ସର: ରୌଦ୍ର
ମାସ: ଆଶ୍ୱିନ
ପକ୍ଷ: ଶୁକ୍ଳପକ୍ଷ
ତିଥି: ଷଷ୍ଠୀ
ନକ୍ଷତ୍ର: ଜ୍ୟେଷ୍ଠା, ଦିବା ୬ଟା ୪୭ ମିନିଟ୍ ପରେ ମୂଳା
ଚନ୍ଦ୍ର ରାଶି: ବିଛା, ଦିବା ୬ଟା ୪୭ ମିନିଟ୍ ପରେ ଧନୁ
ଯୋଗ: ଶୋଭନ
କରଣ: କୌଳବ
ସୂର୍ଯ୍ୟୋଦୟ: ପ୍ରାତଃ ୫ଟା ୪୦ ମିନିଟ୍ ୧୫ ସେକେଣ୍ଡ
ସୂର୍ଯ୍ୟାସ୍ତ: ସନ୍ଧ୍ୟା ୫ଟା ୧୯ ମିନିଟ୍ ୧୨ ସେକେଣ୍ଡ
ଯୋଗିନୀ: ପଶ୍ଚିମ ଦିଗରେ
ଘାତବାର: ବିଛା, ଧନୁ ଓ ମୀନ ରାଶି
ବିଶେଷ ତିଥି: ତପୋ ଷଷ୍ଠୀ
ନିଷେଧ: ନିମ୍ବ ଭକ୍ଷଣ ନିଷେଧ
ଆଜିର ଶୁଭ ଓ ଅଶୁଭ ସମୟ
କାଳବେଳା ଓ ବାରବେଳା: ଦିବା ୮ଟା ୩୬ ମିନିଟ୍ରୁ ୧୧ଟା ୩୧ ମିନିଟ୍ ମଧ୍ୟରେ।
ବିଶୁଦ୍ଧ ଅମୃତ ବେଳା: ଦିବା ୬ଟା ୩୪ ମିନିଟ୍ ପୂର୍ବରୁ, ୭ଟା ୨୧ ମିନିଟ୍ରୁ ୮ଟା ୩୫ ମିନିଟ୍ ମଧ୍ୟରେ ଏବଂ ୧୨ଟା ୧୧ ମିନିଟ୍ରୁ ୩ଟା ୨୨ ମିନିଟ୍ ମଧ୍ୟରେ।
ଟିପ୍ପଣୀ: ପଞ୍ଜିକାରେ ଉଲ୍ଲେଖିତ ସମୟ ଓ ତିଥି ସ୍ଥାନ ଅନୁସାରେ ଭିନ୍ନ ହୋଇପାରେ।
ଆଜିର ୧୨ ରାଶିଫଳ
ମେଷ ରାଶି
କର୍ମକ୍ଷେତ୍ରରେ ସହକର୍ମୀଙ୍କୁ ସୁପରାମର୍ଶ ଦେଇ ପ୍ରଶଂସିତ ହେବେ। ଦୀର୍ଘଦିନ ପରେ ପୁରୁଣା ବନ୍ଧୁଙ୍କ ସହ ସାକ୍ଷାତ ହୋଇପାରେ। ପାରିବାରିକ ଚାପ ଯୋଗୁ କିଛି କାମ ଅଧାରେ ରହିପାରେ।
ବୃଷ ରାଶି
ମାନସିକ ଅଶାନ୍ତି ଅନୁଭବ କରିପାରନ୍ତି। ଅଚାନକ ଆବଶ୍ୟକତା ପୂରଣରେ ଅସୁବିଧା ହୋଇପାରେ। ଅନ୍ୟକୁ ସାହାଯ୍ୟ କରିବା ସମୟରେ ନିଜ ସ୍ୱାର୍ଥ ପ୍ରତି ମଧ୍ୟ ଧ୍ୟାନ ଦିଅନ୍ତୁ।
ମିଥୁନ ରାଶି
ପ୍ରତୀକ୍ଷିତ ଖବର ମିଳିବାର ସମ୍ଭାବନା ରହିଛି। ବନ୍ଧୁଙ୍କ ସହଯୋଗରେ କିଛି ସମସ୍ୟାର ସମାଧାନ ହୋଇପାରେ। କର୍ମକ୍ଷେତ୍ରରେ ସନ୍ଦେହ ଓ ଅବିଶ୍ୱାସରୁ ଦୂରେଇ ରୁହନ୍ତୁ।
କର୍କଟ ରାଶି
ଭାବପ୍ରବଣ ହୋଇ କୌଣସି ନିଷ୍ପତ୍ତି ନେଲେ ପରେ ଅନୁତାପ କରିପାରନ୍ତି। ବନ୍ଧୁଙ୍କ ସହ କଥାବାର୍ତ୍ତାରେ ସଂଯମ ରକ୍ଷା କରନ୍ତୁ। ବ୍ୟବସାୟରେ ଅତ୍ୟଧିକ ଆଶଙ୍କା ନକରି ଭାବିଚିନ୍ତି କାମ କରନ୍ତୁ।
ସିଂହ ରାଶି
କୌଣସି ପୁରୁଣା ସମସ୍ୟାର ସମାଧାନ ପାଇଁ ପଡ଼ୋଶୀଙ୍କ ସାହାଯ୍ୟ ନେବାକୁ ପଡ଼ିପାରେ। କର୍ମକ୍ଷେତ୍ରରେ ଅଭିଯୋଗକୁ ନେଇ ମନ ଅଶାନ୍ତ ହୋଇପାରେ। ପରିବାରର ଖର୍ଚ୍ଚ ଓ ଯାତାୟାତ ସମସ୍ୟା ପ୍ରତି ସତର୍କ ରୁହନ୍ତୁ।
କନ୍ୟା ରାଶି
ପାରିବାରିକ ସମ୍ପର୍କରେ ମତଭେଦ ଦେଖାଦେଇପାରେ। କର୍ମକ୍ଷେତ୍ରରେ ଶେଷ ମୁହୂର୍ତ୍ତରେ ସୁଯୋଗ ହାତଛଡ଼ା ହେବାର ଆଶଙ୍କା ରହିଛି। ସାହିତ୍ୟ ଓ କଳା କ୍ଷେତ୍ରରେ ପ୍ରଶଂସା ପାଇପାରନ୍ତି।
ତୁଳା ରାଶି
ସାମାଜିକ ଓ ସାଙ୍ଗଠନିକ କାର୍ଯ୍ୟରେ ନେତୃତ୍ୱ ନେଇ ସମ୍ମାନ ପାଇପାରନ୍ତି। ନିଜ ଜିଦ୍ଖୋର ମନୋଭାବକୁ ନିୟନ୍ତ୍ରଣ କଲେ ଅଧିକ ଲାଭବାନ ହେବେ। ଯାତ୍ରା ସମୟରେ ବିଳମ୍ବ ହୋଇପାରେ।
ବିଛା ରାଶି
ସାଧାରଣ କଥାକୁ ନେଇ ମନରେ ଅସନ୍ତୋଷ ସୃଷ୍ଟି ହୋଇପାରେ। ଆଲୋଚନା ମାଧ୍ୟମରେ ସମସ୍ୟାର ସମାଧାନ କରିପାରିବେ। ପରିବାରରେ ଚାଲିଥିବା ସମସ୍ୟା ଦୂର କରିବା ସହ ପୂର୍ବରୁ ଭାବିଥିବା କାମ ସମ୍ପୂର୍ଣ୍ଣ କରିପାରନ୍ତି।
ଧନୁ ରାଶି
ସାମାନ୍ୟ ଶାରୀରିକ ଅସୁସ୍ଥତା ଓ ସମ୍ପର୍କରେ ମତଭେଦ ଯୋଗୁ ଚିନ୍ତିତ ହୋଇପାରନ୍ତି। ଘରେ ଭୁଲ୍ ବୁଝାମଣା ଏଡ଼ାଇବାକୁ ଚେଷ୍ଟା କରନ୍ତୁ। ପ୍ରତ୍ୟୁଷ ଯାତ୍ରାରେ ସଫଳତା ମିଳିପାରେ।
ମକର ରାଶି
ବନ୍ଧୁଙ୍କ ପରାମର୍ଶ ଗ୍ରହଣ କଲେ ଉପକୃତ ହୋଇପାରିବେ। କର୍ମକ୍ଷେତ୍ରରେ ଉପରିସ୍ଥ ଅଧିକାରୀଙ୍କ ସହଯୋଗରେ ଅଟକିଥିବା କାମ ଆଗକୁ ବଢ଼ିବ। ଧୈର୍ଯ୍ୟ ଓ ନୀରବତାର ସହ ସମସ୍ୟାର ସମାଧାନ କରନ୍ତୁ।
କୁମ୍ଭ ରାଶି
କୌଣସି ନିଷ୍ପତ୍ତି ନେବା ପୂର୍ବରୁ ଭଲଭାବେ ପରୀକ୍ଷା କରନ୍ତୁ। କର୍ମକ୍ଷେତ୍ରରେ ବାଦବିବାଦ ହୋଇପାରେ, ତଥାପି ଧୈର୍ଯ୍ୟ ରଖିଲେ ସଫଳତା ମିଳିପାରେ। ଜମିଜମା କାରବାର ଓ ପାରିବାରିକ ସମ୍ପର୍କରେ ଉନ୍ନତିର ସମ୍ଭାବନା ରହିଛି।
ମୀନ ରାଶି
ନିଜ ଲକ୍ଷ୍ୟ ପୂରଣରେ ଅଜଣା ବ୍ୟକ୍ତିଙ୍କ ସହଯୋଗ ମିଳିପାରେ। ତରବରିଆ ନିଷ୍ପତ୍ତି ନିଅନ୍ତୁ ନାହିଁ। ଶୁଣାକଥାକୁ ଯାଞ୍ଚ ନକରି ବିଶ୍ୱାସ କଲେ ସମସ୍ୟା ହୋଇପାରେ। ପାରିବାରିକ ଶାନ୍ତି ବଜାୟ ରଖିବାକୁ ଚେଷ୍ଟା କରନ୍ତୁ।
ଜ୍ୟୋତିର୍ବିଦ୍: ଭାବଗ୍ରାହୀ ଖଡ଼ିରତ୍ନ
ଟିପ୍ପଣୀ: ରାଶିଫଳ ପାରମ୍ପରିକ ଜ୍ୟୋତିଷୀୟ ଆକଳନ ଉପରେ ଆଧାରିତ। ଏହାକୁ ନିଶ୍ଚିତ ଭବିଷ୍ୟବାଣୀ ଭାବେ ଗ୍ରହଣ କରନ୍ତୁ ନାହିଁ।
