ପାଟଣା ୨୨/୮(ନଜରଓଡ଼ିଶା)
ପାଟଣା ବ୍ଲକ ମୁଖ୍ୟାଳୟ ସେଣ୍ଟ ଜାଭିୟର ପବ୍ଲିକ ସ୍କୁଲରେ ଏହି ବିଦ୍ୟାଳୟ ର ବିଜ୍ଞାନ ଅଲମ୍ପିୟାଡ଼ କୃତିତ୍ୱଧାରୀ ଛାତ୍ରଛାତ୍ରୀଙ୍କ ସହ ବିଦ୍ୟାଳୟ ସ୍ତରୀୟ ବିଜ୍ଞାନ ମେଳାର କୃତି ପ୍ରତିଯୋଗୀ ମାନଙ୍କୁ ସମ୍ବର୍ଦ୍ଧନା ଜଣାଇବା ପାଇଁ ଅଧ୍ୟକ୍ଷ ଗଣେଶ ପ୍ରସାଦ ଦାସଙ୍କ ସଭାପତିତ୍ୱରେ ଆଜି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା।କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ବରିଷ୍ଠ ସାମ୍ବାଦିକ ତଥା ଉତ୍ତର ଓଡ଼ିଶା ସାହିତ୍ୟ ସଂସ୍କୃତି ସମ୍ମେଳନର ସଭାପତି ନୃସିଂହ ନାଥ ସିଂହ, ବିଦ୍ୟାଳୟ ର ଚେୟାରମ୍ୟାନ ସାମାଜିକ କର୍ମୀ ଅଜୟ କୁମାର ଦାଶ, ସମ୍ପାଦକ ଅବିନାଶ ଦାଶ ଓ ସଙ୍ଗୀତ ନିର୍ଦ୍ଦେଶକ ଚିନ୍ମୟ କୁମାର ଦାଶ ପ୍ରମୁଖ ଯୋଗ ଦେଇ ଛାତ୍ରଛାତ୍ରୀଙ୍କୁ ମାର୍ଗଦର୍ଶନ ଦେଇଥିଲେ। ଜୋନାଲ ସ୍ତରରେ ଏହି ବିଦ୍ୟାଳୟ ବିଜ୍ଞାନ ଆନ୍ତରଜାତୀୟ ଅଲମ୍ପିୟାଡ଼ ରେ ସ୍ଵର୍ଣ୍ଣ, ରୌପ୍ୟ ଓ ବ୍ରୋଞ୍ଜ କୁ ମିଶାଇ ମୋଟ ୧୮ଟି ପଦକ ଅର୍ଜନ କରିଛି। ଅଲମ୍ପିୟାଡ଼ ଗଣିତରେ ୩୨ ଟି ସ୍ଵର୍ଣ ପଦକ,ଇଂରାଜୀ ରେ ୨୧ ଟି,ବିଜ୍ଞାନ ରେ ୨୨ ଟି,ସାଧାରଣ ଜ୍ଞାନରେ ୧୭ ଟି,କମ୍ପ୍ୟୁଟର ବିଜ୍ଞାନ ରେ ୪ ଟି,ହିନ୍ଦୀରେ ୧୩ ଟି ଏବଂ ଏସ ଏସ ଟି ରେ ୧୦ ଜଣକୁ ମିଶାଇ ମୋଟ ୧୩୭ ଜଣ ଅଲମ୍ପିୟାଡ଼ ଓ ବିଦ୍ୟାଳୟ ସ୍ତରୀୟ ବିଜ୍ଞାନ ମେଳା ପ୍ରଥମ, ଦିତୀୟ ଓ ତୃତୀୟ ସ୍ଥାନ ଦଖଲ କରିଥିବା ୩୬ ଜଣ ଛାତ୍ରଛାତ୍ରୀଙ୍କୁ ଅତିଥିମାନେ ପଦକ,ଅର୍ଥ ରାଶି ଚେକ ଓ ପ୍ରମାଣ ପତ୍ର ପ୍ରଦାନ କରି ପୁରସ୍କୃତ କରିଥିଲେ। କଳ୍ପତରୁ ଦାଶ ଓ ଚମ୍ପାବତୀ ମହାନ୍ତଙ୍କ ସଂଯୋଜନା ରେ ଅନୁଷ୍ଠିତ ପୁରସ୍କାର ବିତରଣ କାର୍ଯ୍ୟକ୍ରମରେ ସମସ୍ତ ଶିକ୍ଷକ ଶିକ୍ଷୟିତ୍ରୀ ପରିଚାଳନା ଗତ ସହଯୋଗ ଦେଇଥିଲେ।
