ପାଟଣା ୨୭।୮(ନ.ଓ) କେନ୍ଦୁଝର ଜିଲ୍ଲା ପାଟଣା ବନାଞ୍ଚଳ ଅନ୍ତର୍ଗତ ଏରେଣ୍ଡେଇ ପଞ୍ଚାୟତ ଠାରେ ବନ ବିଭାଗ ପକ୍ଷରୁ ଏକ ଅନୁକମ୍ପା ରାଶି ସହାୟତା ପ୍ରଦାନ ସଭା ଅନୁଷ୍ଠିତ ହୋଇଛି। ଏଥିରେ ହାତୀ ଦ୍ଵାରା କ୍ଷତିଗ୍ରସ୍ତ ହୋଇଥିବା ପାଟଣା ରେଞ୍ଜ ଅଞ୍ଚଳର ର ୫୬ ଜଣ କ୍ଷତିଗ୍ରସ୍ତ ପରିବାରଙ୍କୁ ଜିଲା ବନଖଣ୍ଡ ଅଧିକାରୀ ଏଚ ଡି ଧନରାଜ ଙ୍କ ଉପସ୍ଥିତି ରେ ଅନୁକମ୍ପା ମୂଳକ ସହାୟତା ଭତ୍ତା ପ୍ରଦାନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ଚାଷ ଜମି, ଗୃହ କ୍ଷତିଗ୍ରସ୍ତ ପାଇଁ ଆର୍ଥିକ ସହାୟତା ରାଶି ସହ ଖାଦ୍ୟଶସ୍ୟ ଡ୍ରମ ଓ ଟ୍ରର୍ଚ୍ଚ ଲାଇଟ୍ ପ୍ରଦାନ କରାଯାଇଛି। କାର୍ଯ୍ୟକ୍ରମ ରେ ମୁଖ୍ୟ ଅତିଥି ଭାବେ ପାଟଣା ବିଧାୟକ ଅଖିଳ ଚନ୍ଦ୍ର ନାଏକ, ଜିଲ୍ଲା ବନଖଣ୍ଡ ଅଧିକାରୀ ଏଚ୍ ଡି ଧନରାଜ ଙ୍କ ସହ ବିଧାୟକ ପ୍ରତିନିଧି କମଳାକାନ୍ତ ଦାଶ, ପାଟଣା ବ୍ଲକ ଅଧ୍ୟକ୍ଷା ବିଣାପାଣି ନାୟକ, ସ୍ଥାନୀୟ ସରପଞ୍ଚ ପାର୍ବତୀ ଦେହୁରୀ, ପୂର୍ବତନ ପାଟଣା ବ୍ଲକ ଅଧ୍ୟକ୍ଷ ବିଶ୍ବନାଥ ନାୟକ ଓ ଏସିଏଫ୍ ସୁଦିପ୍ତ ପଣ୍ଡା ଏବଂ ଲଭଲି ଜୈନ, ପାଟଣା ରେଞ୍ଜର ଆର୍ତ୍ତତ୍ରାଣ ମିର୍ଦ୍ଧା, ବନପାଳ ନିରଞ୍ଜନ ସେଠୀ , ଟିମ୍ ଲିଡର ରଣଜିତ ପଳେଇ ପ୍ରମୁଖ ସାମିଲ ଥିଲେ। ହାତୀ ପଲ ଙ୍କୁ କୌଣସି କ୍ଷତି ନଘଟାଇବା , ସେମାନଙ୍କ ସୁରକ୍ଷିତ ଚଳପ୍ରଚଳ କୁ ସୁରକ୍ଷିତ କରିବା ପ୍ରସଙ୍ଗରେ ଜିଲ୍ଲା ବନଖଣ୍ଡ ଅଧିକାରୀ ଓ ବିଧାୟକ ଶ୍ରୀ ନାଏକ ନିଜ ନିଜର ମତ ରଖିଥିଲେ। କାର୍ଯ୍ୟକ୍ରମ ରେ ୫୬ କ୍ଷତିଗ୍ରସ୍ତ ପରିବାର କୁ କ୍ଷତି ଅନୁଯାୟୀ ୧୦ ହଜାର ରୁ ୪୦ ହଜାର ଟଙ୍କା ଲେଖାଏଁ କ୍ଷତିପୂରଣ ରାଶି ର ଚେକ୍, ୫ ଜଣକୁ ଶସ୍ୟ ଡ୍ରମ , ୬ ଟି ବନ ସୁରକ୍ଷା ସମିତି କୁ ମୋଟ ୧୨ ଟି ଶକ୍ତିଶାଳୀ ଟର୍ଚ୍ଚ କାର୍ଯ୍ୟକ୍ରମ ରେ ପ୍ରଦାନ କରାଯାଇଥିଲା। ପାଟଣା କାର୍ଯ୍ୟାଳୟ ବନପାଳ ଚିତ୍ତରଞ୍ଜନ ପରିଡ଼ା , ସାହାରପଡ଼ା ବନପାଳ ଶ୍ରୀମନ୍ତ ବେହେରା , ଖିରେଇଟାଙ୍ଗିରୀ ବନପାଳ ପୂର୍ଣ୍ଣଚନ୍ଦ୍ର ମହାନ୍ତ, ବନରକ୍ଷୀ ଲକ୍ଷ୍ମୀକାନ୍ତ ରାଉତ , ହୃଦାନନ୍ଦ ମହାନ୍ତି , ଦେବଯାନୀ ମହାନ୍ତ , ଡଲି ରାଣୀ ସାହୁ , ସୁଜାତା ସାହୁ , ଅନନ୍ୟା ପ୍ରିୟଦର୍ଶିନୀ ନାଏକ ପ୍ରମୁଖ ଅନ୍ୟମାନେ କାର୍ଯ୍ୟକ୍ରମ ପରିଚାଳନା ରେ ସହଯୋଗ କରିଥିଲେ।ସମଗ୍ର କାର୍ଯ୍ୟକ୍ରମ କୁ ତରୁଣ କୁମାର ମହାନ୍ତ ସଂଯୋଜନା କରିଥିଲେ।
ନଜର ଓଡ଼ିଶା,
ଓଡ଼ିଶାର ପ୍ରତି ଖବର ଉପରେ ନଜର 👁️
ଆମର ଲକ୍ଷ୍ୟ — ସତ୍ୟ ଖବର, ନିରପେକ୍ଷ ରିପୋର୍ଟିଂ ଓ ଲୋକଙ୍କ ସ୍ୱର।
🌐 Website: nazarodishanews24.blogspot.com
📞 Contact: 6372448483
📧 Email: nazarodisha07@gmail.com
