କେନ୍ଦୁଝର, ୧୭/୯: ଦେବଶିଳ୍ପୀ ଭଗବାନ ବିଶ୍ୱକର୍ମାଙ୍କ ପୂଜାକୁ ନେଇ କେନ୍ଦୁଝରଗଡ଼ ରେଳବାଇ ପରିସର ଉତ୍ସବମୁଖର ହୋଇଉଠିଛି। ପୂର୍ବତଟ ରେଳପଥ ଅନ୍ତର୍ଗତ ଖୋର୍ଦ୍ଧା ମଣ୍ଡଳର କେନ୍ଦୁଝରଗଡ଼ ଲୋକୋ ରନିଂ ଷ୍ଟାଫ ଆସୋସିଏସନ ପକ୍ଷରୁ ବିଶ୍ୱକର୍ମା ପୂଜା ଧୁମଧାମରେ ପାଳନ କରାଯାଉଛି।ଗୁରୁବାର ସକାଳେ ବ୍ରାହ୍ମଣଙ୍କ ଦ୍ୱାରା ଘଟସ୍ଥାପନ କରାଯାଇ ପୂଜାର୍ଚ୍ଚନା ଆରମ୍ଭ ହୋଇଥିଲା। ପରେ ଅପରାହ୍ନରେ ଭକ୍ତ ଓ ଶ୍ରଦ୍ଧାଳୁଙ୍କ ପାଇଁ ପ୍ରସାଦ ସେବନର ବ୍ୟବସ୍ଥା କରାଯାଇଥିଲା।ପୂଜା କମିଟି ସଭାପତି ବିମଳ ଏକ୍କାଙ୍କ ନେତୃତ୍ୱରେ କୋଷାଧ୍ୟକ୍ଷ କିଶୋର କୁମାର ନାଏକ, ସମ୍ପାଦକ ବାଘାଇ ସରେନ, ପବନ କୁମାର ପାଣ୍ଡେ, ଜଗନମୟ ବଳ, ଶୁଭ୍ରାଂଶୁ ବିଶ୍ୱାଳ, ସନ୍ତୋଷ କୁମାର, ମେଘନାଦ, ନବୀନ ସାଇ, ନବୀନ ପଲେଇ, ବିଶ୍ୱଜିତ ପଥାଳ, ପଙ୍କଜ ପ୍ରମୁଖଙ୍କ ସକ୍ରିୟ ସହଯୋଗରେ ପୂଜା କାର୍ଯ୍ୟ ସୁଚାରୁରୂପେ ଅନୁଷ୍ଠିତ ହେଉଛି।ଆସନ୍ତାକାଲି ସନ୍ଧ୍ୟାରେ ଛୋଟ ଛୋଟ ପିଲାମାନଙ୍କୁ ନେଇ ବିଭିନ୍ନ ସାଂସ୍କୃତିକ ଓ ମନୋରଞ୍ଜନ କାର୍ଯ୍ୟକ୍ରମ ଆୟୋଜନ କରାଯିବ ବୋଲି ଲୋକୋ ରନିଂ ଷ୍ଟାଫ ଆସୋସିଏସନ ପକ୍ଷରୁ ସୂଚନା ଦିଆଯାଇଛି।ସେହିପରି କେନ୍ଦୁଝରଗଡ଼ ରେଳବାଇ ପରିସରର ଜେନେରାଲ ଇଲେକ୍ଟ୍ରିକାଲ, ଟିଆରଡି ଓ ୱାର୍କ୍ସ ଡିପାର୍ଟମେଣ୍ଟ ସମେତ ବିଭିନ୍ନ କାର୍ଯ୍ୟାଳୟରେ ମଧ୍ୟ ଭଗବାନ ବିଶ୍ୱକର୍ମାଙ୍କ ପୂଜା ଧୁମଧାମରେ ପାଳିତ ହେଉଛି।
ବିଶ୍ୱକର୍ମା ପୂଜା ଅବସରରେ ରେଳବାଇ ପରିସରକୁ ବିଭିନ୍ନ ଆଲୋକମାଳାରେ ସଜାଯାଇଛି। ସନ୍ଧ୍ୟା ସମୟରେ ବିଭିନ୍ନ ରଙ୍ଗାରଙ୍ଗ ଓ ସାଂସ୍କୃତିକ କାର୍ଯ୍ୟକ୍ରମ ହେଉଥିବାରୁ ଏହାକୁ ଉପଭୋଗ କରିବା ପାଇଁ ଲୋକଙ୍କ ଭିଡ଼ ମଧ୍ୟ ପରିଲକ୍ଷିତ ହେଉଛି।
