ନଜର ଓଡ଼ିଶା ଡିଜିଟାଲ ଡେସ୍କ: ଆଜି ବୁଧବାର, ୨୮ ଅକ୍ଟୋବର ୨୦୨୬। ଭଦ୍ରକାଳୀ ପଞ୍ଜିକା ଅନୁସାରେ ଆଜି କାର୍ତ୍ତିକ ମାସ କୃଷ୍ଣପକ୍ଷ ତୃତୀୟା ତିଥି। ଆଜିର ଦିନରେ ଆପଣଙ୍କ ଚାକିରି, ବ୍ୟବସାୟ, ଆର୍ଥିକ ସ୍ଥିତି, ପାରିବାରିକ ଜୀବନ ଓ ସ୍ୱାସ୍ଥ୍ୟ କିପରି ରହିବ, ଜାଣନ୍ତୁ ମେଷଠାରୁ ମୀନ ପର୍ଯ୍ୟନ୍ତ ୧୨ଟି ରାଶିର ଦୈନିକ ରାଶିଫଳ।
ଆଜିର ୧୨ ରାଶିର ରାଶିଫଳ
ମେଷ ରାଶି: ଆଜି ଅଧୁରା ରହିଥିବା କାର୍ଯ୍ୟ ପୂରଣ କରିବା ପାଇଁ ନୂଆ ପଦକ୍ଷେପ ନେଇପାରନ୍ତି। ଆର୍ଥିକ ସ୍ଥିତିରେ ସୁଧାର ଆସିବାର ସମ୍ଭାବନା ରହିଛି। ତେବେ ଆଶା କରିଥିବା ଦିଗରୁ ଅର୍ଥ ପ୍ରାପ୍ତି ନ ହୋଇପାରେ। ବିବାଦରୁ ଦୂରେଇ ରହିବା ଭଲ।
ବୃଷ ରାଶି: ବ୍ୟବସାୟ ଓ ସନ୍ତାନଙ୍କ ସମ୍ବନ୍ଧୀୟ ସମସ୍ୟାର ସମାଧାନ ହୋଇପାରେ। ଅନାବଶ୍ୟକ ଖର୍ଚ୍ଚ ଓ ବିବାଦ ଚିନ୍ତା ବଢ଼ାଇପାରେ। ଗାଡ଼ିମୋଟର ଓ ଜମିବାଡ଼ି ସମ୍ବନ୍ଧୀୟ କାର୍ଯ୍ୟରେ ସତର୍କ ରୁହନ୍ତୁ।
ମିଥୁନ ରାଶି: ପରିବାରରେ ଛୋଟଛୋଟ କଥାକୁ ନେଇ ମତଭେଦ ଦେଖାଦେଇପାରେ। ଋଣ ପରିଶୋଧ କିମ୍ବା ଅନ୍ୟାନ୍ୟ କାରଣରୁ ଅର୍ଥ ଖର୍ଚ୍ଚ ହୋଇପାରେ। ତେବେ କର୍ମକ୍ଷେତ୍ରରେ ନୂଆ ସୁଯୋଗ ମିଳିବାର ସମ୍ଭାବନା ଅଛି।
କର୍କଟ ରାଶି: ଆତ୍ମୀୟସ୍ୱଜନଙ୍କ ସହ ସମ୍ପର୍କରେ ସାମାନ୍ୟ ତିକ୍ତତା ଆସିପାରେ। ଆପଣଙ୍କ ମନୋଭାବକୁ ଅନ୍ୟମାନେ ସହଜରେ ବୁଝି ନ ପାରନ୍ତି। ତଥାପି ଅଟକି ରହିଥିବା କାମ ସଫଳତାର ସହ ସମ୍ପନ୍ନ ହୋଇପାରେ।
ସିଂହ ରାଶି: ପରିବାର ଓ ବନ୍ଧୁଙ୍କ ସହ ସମ୍ପର୍କରେ ସତର୍କତା ଅବଲମ୍ବନ କରନ୍ତୁ। କର୍ମକ୍ଷେତ୍ରରେ ଉପରିସ୍ଥ ଅଧିକାରୀଙ୍କ ସହଯୋଗ ମିଳିପାରେ। ମାନସିକ ଚାପ ଏଡ଼ାଇବା ପାଇଁ ଧୈର୍ଯ୍ୟର ସହ କାର୍ଯ୍ୟ କରନ୍ତୁ।
କନ୍ୟା ରାଶି: ନୂତନ କାର୍ଯ୍ୟ ଆରମ୍ଭ ପାଇଁ ଦିନଟି ଉତ୍ସାହଜନକ ହୋଇପାରେ। ସହକର୍ମୀଙ୍କଠାରୁ ସହଯୋଗ ପାଇବେ। ପରିବାର ସଦସ୍ୟଙ୍କ ସ୍ୱାସ୍ଥ୍ୟ ଓ ଘରୋଇ ସମସ୍ୟା ପ୍ରତି ଧ୍ୟାନ ଦିଅନ୍ତୁ।
ତୁଳା ରାଶି: ପାରିବାରିକ ସ୍ଥିତିରେ ସାମାନ୍ୟ ଉନ୍ନତି ଆସିବାରୁ ମନରେ ଆଶ୍ୱସ୍ତି ମିଳିପାରେ। ବ୍ୟବସାୟରେ କିଛି ସମସ୍ୟା ଦେଖାଦେଇପାରେ। ସ୍ୱାସ୍ଥ୍ୟ ଓ କର୍ମକ୍ଷେତ୍ର ସମ୍ବନ୍ଧୀୟ ଆଲୋଚନା ପାଇଁ ସମୟ ଅନୁକୂଳ ରହିପାରେ।
ବିଛା ରାଶି: ଆଜି ଧନଲାଭ ଓ ଭଲ ଭୋଜନର ସୁଯୋଗ ମିଳିପାରେ। କାର୍ଯ୍ୟାଳୟରେ ଦୃଢ଼ ନିଷ୍ପତ୍ତି ନେଇ କାମ ହାସଲ କରିପାରନ୍ତି। ବ୍ୟବସାୟରେ ସମସ୍ୟା ଦୂର ହୋଇପାରେ। ଅନ୍ୟମାନଙ୍କ ବିରୋଧ ସତ୍ତ୍ୱେ ଲକ୍ଷ୍ୟ ପ୍ରତି ଧ୍ୟାନ ଦିଅନ୍ତୁ।
ଧନୁ ରାଶି: ଆଜି ମନ ସାମାନ୍ୟ ଅସ୍ଥିର ରହିପାରେ। ସକାଳୁ ଯାତ୍ରା ଓ ଦେବଦର୍ଶନର ସୁଯୋଗ ମିଳିପାରେ। ଭଲ କାମରେ ଅର୍ଥ ଖର୍ଚ୍ଚ କରିବା ସହ ବନ୍ଧୁମାନଙ୍କୁ ସାହାଯ୍ୟ କରିବାକୁ ଆଗ୍ରହୀ ହେବେ।
ମକର ରାଶି: ପୂର୍ବ ଶତ୍ରୁତା କିମ୍ବା ପୁରୁଣା ବିବାଦକୁ ନେଇ ସତର୍କ ରୁହନ୍ତୁ। ସାମାନ୍ୟ ଆଲୋଚନା ପରେ ବକେୟା ଅର୍ଥ ଆଦାୟ କରିବାରେ ସଫଳ ହୋଇପାରନ୍ତି। ସମ୍ପର୍କ ରକ୍ଷା ପାଇଁ ଭାବିଚିନ୍ତି କଥା କୁହନ୍ତୁ।
କୁମ୍ଭ ରାଶି: ଆଜି ଅର୍ଥଲାଭର ସମ୍ଭାବନା ରହିଛି, ଯଦିଓ କିଛି ସମସ୍ୟାର ସାମ୍ନା କରିବାକୁ ପଡ଼ିପାରେ। ଶିଳ୍ପ, ବାଣିଜ୍ୟ, ପରିବହନ ଓ ନିର୍ମାଣ କ୍ଷେତ୍ରରେ ଉନ୍ନତି ହୋଇପାରେ। ଆଇନଗତ ମାମଲା ସମ୍ବନ୍ଧରେ ଚିନ୍ତା ବଢ଼ିପାରେ।
ମୀନ ରାଶି: ବନ୍ଧୁଙ୍କ ଅନୁରୋଧରେ ଅଧିକ କାମ କରିବାକୁ ପଡ଼ିପାରେ। ତେବେ ଆଶା ଅନୁଯାୟୀ ସଫଳତା ମିଳିବାରେ ବିଳମ୍ବ ହୋଇପାରେ। ବ୍ୟବସାୟିକ ଦୃଷ୍ଟିକୋଣରୁ ଦିନଟି ଅନୁକୂଳ ରହିବାର ସମ୍ଭାବନା ଅଛି।
ଜ୍ୟୋତିର୍ବିଦ: ଭାବଗ୍ରାହୀ ଖଡ଼ିରତ୍ନ
ଯୋଗାଯୋଗ: ୯୪୩୮୧୫୨୬୨୭
ଟିପ୍ପଣୀ: ଏହି ରାଶିଫଳ ପାରମ୍ପରିକ ଜ୍ୟୋତିଷ ଆଧାରିତ ସାଧାରଣ ଆକଳନ। ଏହାକୁ ନିଶ୍ଚିତ ଭବିଷ୍ୟବାଣୀ ଭାବେ ଗ୍ରହଣ କରନ୍ତୁ ନାହିଁ।
ନଜର ଓଡ଼ିଶା — ରାଜ୍ୟ, ଦେଶ ଓ ବିଦେଶର ଖବର ପାଇଁ ଯୋଡ଼ି ରୁହନ୍ତୁ।
