ଭଦ୍ରକାଳୀ ପଞ୍ଜିକା ଅନୁସାରେ ଆଜିର ରାଶିଫଳ: ୨୯ ଅକ୍ଟୋବର ୨୦୨୬, ଗୁରୁବାର। ଆଜି କେଉଁ ରାଶିର ବ୍ୟକ୍ତିଙ୍କୁ ମିଳିବ ଆର୍ଥିକ ଲାଭ, କାହାର କର୍ମକ୍ଷେତ୍ରରେ ବଢ଼ିବ ସୁଯୋଗ ଏବଂ କେଉଁ ରାଶିର ବ୍ୟକ୍ତିଙ୍କୁ ରହିବାକୁ ପଡ଼ିବ ସତର୍କ? ଜାଣନ୍ତୁ ମେଷ, ବୃଷ, ମିଥୁନ ସମେତ ସମସ୍ତ ୧୨ଟି ରାଶିର ଆଜିର ଦୈନିକ ରାଶିଫଳ।
ଆଜିର ପଞ୍ଜିକା: ୨୯ ଅକ୍ଟୋବର ୨୦୨୬
- ବାର: ଗୁରୁବାର
- ଶକାବ୍ଦ: ୧୯୪୮
- ସମ୍ବତ୍: ୨୦୮୩
- ସମ୍ବତ୍ସର: ରୌଦ୍ର
- ମାସ: କାର୍ତ୍ତିକ
- ପକ୍ଷ: କୃଷ୍ଣପକ୍ଷ
- ତିଥି: ଚତୁର୍ଥୀ, ରାତି ୧୦ଟା ୦୯ ପରେ ପଞ୍ଚମୀ
- ନକ୍ଷତ୍ର: ରୋହିଣୀ, ଦିନ ୧୧ଟା ୧୧ ପରେ ମୃଗଶିରା
- ସୂର୍ଯ୍ୟୋଦୟ: ସକାଳ ୫ଟା ୪୫
- ସୂର୍ଯ୍ୟାସ୍ତ: ସନ୍ଧ୍ୟା ୫ଟା ୧୦
ଆଜିର ରାଶିଫଳ: ୧୨ଟି ରାଶିର ଭାଗ୍ୟଫଳ
ମେଷ ରାଶି
ଆଜି ଶାରୀରିକ ଅସୁସ୍ଥତା ଓ ମାନସିକ ଚିନ୍ତା ବଢ଼ିପାରେ। ବ୍ୟବସାୟରେ ଆଶାନୁରୂପ ଲାଭ ନ ମିଳିବାର ସମ୍ଭାବନା ରହିଛି। ମହିଳା ଓ ଛାତ୍ରଛାତ୍ରୀମାନେ ମାନସିକ ଚାପରୁ ଦୂରେଇ ରହିବାକୁ ଚେଷ୍ଟା କରନ୍ତୁ।
ବୃଷ ରାଶି
କର୍ମକ୍ଷେତ୍ରରେ ଅଧସ୍ତନ କର୍ମଚାରୀଙ୍କଠାରୁ ସହଯୋଗ ମିଳିବ। ପାରିବାରିକ ଜୀବନ ଆନନ୍ଦମୟ ରହିବା ସହ ସ୍ୱାସ୍ଥ୍ୟ ସମସ୍ୟା ଓ ଅଯଥା ଖର୍ଚ୍ଚ କମିପାରେ। ମହିଳା ଓ ଛାତ୍ରଛାତ୍ରୀମାନେ ଖୁସିରେ ଦିନଟି କାଟିବେ।
ମିଥୁନ ରାଶି
ବ୍ୟବସାୟରେ ଲାଭ ମିଳିବାର ସମ୍ଭାବନା ରହିଛି। ପରିବାରରେ ଶାନ୍ତି ବଜାୟ ରହିବ ଏବଂ କର୍ମକ୍ଷେତ୍ରରେ ନୂତନ ସୁଯୋଗ ମିଳିପାରେ। ମହିଳା ଓ ଛାତ୍ରଛାତ୍ରୀମାନେ ଉତ୍ସାହର ସହ ଦିନଟି ଅତିବାହିତ କରିବେ।
କର୍କଟ ରାଶି
ସନ୍ତାନଙ୍କ ସଫଳତାକୁ ନେଇ ଗର୍ବ ଅନୁଭବ କରିବେ। ନୂତନ ବସ୍ତ୍ର ଓ ଆଭୂଷଣ ପ୍ରାପ୍ତିର ଯୋଗ ରହିଛି। ନୂତନ ଯୋଜନାରେ ସଫଳତା ମିଳିବା ସହ ଆର୍ଥିକ ସ୍ଥିତିରେ ଉନ୍ନତି ହୋଇପାରେ। ମହିଳା ଓ ଛାତ୍ରୀମାନେ ପୁରସ୍କୃତ ହେବାର ସୁଯୋଗ ପାଇପାରନ୍ତି।
ସିଂହ ରାଶି
ସାମାଜିକ କ୍ଷେତ୍ରରେ ମାନସମ୍ମାନ ବୃଦ୍ଧି ପାଇପାରେ। ଧନ ସଞ୍ଚୟ ପାଇଁ ଦିନଟି ଅନୁକୂଳ ରହିବ। ଚାକିରି କ୍ଷେତ୍ରରେ ପଦମର୍ଯ୍ୟାଦା ବଢ଼ିବାର ସମ୍ଭାବନା ରହିଛି। ମହିଳା ଓ ଛାତ୍ରଛାତ୍ରୀମାନେ ନିଜ କାର୍ଯ୍ୟରେ ଦକ୍ଷତା ପ୍ରଦର୍ଶନ କରିବେ।
କନ୍ୟା ରାଶି
ଆଜି ମାନସିକ ଚାପ ଓ ପାରିବାରିକ ଚିନ୍ତା ବଢ଼ିପାରେ। ଋଣ କରିବାର ପରିସ୍ଥିତି ସୃଷ୍ଟି ହୋଇପାରେ। ରାଜନୈତିକ କ୍ଷେତ୍ରରେ କିଛି ସମସ୍ୟା ଦେଖାଦେଇପାରେ। ମହିଳା ଓ ଛାତ୍ରଛାତ୍ରୀମାନେ ମନକୁ ଶାନ୍ତ ରଖିବା ସହ ଧୈର୍ଯ୍ୟର ସହ କାମ କରନ୍ତୁ।
ତୁଳା ରାଶି
କର୍ମକ୍ଷେତ୍ରରେ ସତର୍କତାର ସହ କାମ କରନ୍ତୁ। ଅସାବଧାନତା ଯୋଗୁଁ କ୍ଷତି ହୋଇପାରେ। ଦୀର୍ଘଦିନ ଧରି ଚାଲିଥିବା ମାମଲାର ସମାଧାନ ପାଇଁ ସୁଯୋଗ ମିଳିପାରେ। ରସାୟନ ସମ୍ବନ୍ଧୀୟ ବ୍ୟବସାୟୀମାନେ ଶୁଭଫଳ ପାଇପାରନ୍ତି।
ବିଛା ରାଶି
ଆଜି ବିଳାସପୂର୍ଣ୍ଣ ଜୀବନ ଓ ଆର୍ଥିକ ଉନ୍ନତିର ଯୋଗ ରହିଛି। ପ୍ରଶାସନିକ ସେବା କ୍ଷେତ୍ରରେ କାର୍ଯ୍ୟରତ ବ୍ୟକ୍ତିମାନେ ଅଧିକ ଶୁଭଫଳ ପାଇପାରନ୍ତି। ମହିଳା ଓ ଛାତ୍ରଛାତ୍ରୀମାନଙ୍କ ପାଇଁ ଦିନଟି ଆନନ୍ଦମୟ ରହିବ।
ଧନୁ ରାଶି
ଆଜିର ଦିନଟି ସୁଖ ଓ ଶାନ୍ତିରେ ଅତିବାହିତ ହୋଇପାରେ। କର୍ମକ୍ଷେତ୍ରରେ ସହଯୋଗ ମିଳିବା ସହ କାର୍ଯ୍ୟ ସମ୍ପାଦନରେ ସୁବିଧା ହେବ। ମହିଳା ଓ ଛାତ୍ରଛାତ୍ରୀମାନେ ଉତ୍ସାହର ସହ ଦିନଟି କାଟିବେ।
ମକର ରାଶି
ଶାରୀରିକ ଅସୁସ୍ଥତା ଓ ଚିନ୍ତା ଯୋଗୁଁ ଦିନଟି କିଛିଟା ଅସୁବିଧାଜନକ ହୋଇପାରେ। ବ୍ୟବସାୟରେ ଲାଭ କମିବା ଏବଂ ଅଯଥା ଖର୍ଚ୍ଚ ବଢ଼ିବାର ସମ୍ଭାବନା ରହିଛି। ନିଜ ସ୍ୱାସ୍ଥ୍ୟ ପ୍ରତି ଧ୍ୟାନ ଦିଅନ୍ତୁ ଏବଂ ଖର୍ଚ୍ଚ ଉପରେ ନିୟନ୍ତ୍ରଣ ରଖନ୍ତୁ।
କୁମ୍ଭ ରାଶି
କର୍ମକ୍ଷେତ୍ରରେ ଲାଭ ବୃଦ୍ଧି ପାଇବାର ସମ୍ଭାବନା ରହିଛି। ଆୟ ବ୍ୟୟଠାରୁ ଅଧିକ ହୋଇପାରେ, ଯାହା ମାନସିକ ସନ୍ତୋଷ ଦେବ। ସନ୍ତାନଙ୍କ ଶିକ୍ଷା ପାଇଁ ଖର୍ଚ୍ଚ ବଢ଼ିପାରେ। ମହିଳାମାନେ ପାରିବାରିକ ଜୀବନରେ ସନ୍ତୁଳନ ବଜାୟ ରଖିପାରିବେ।
ମୀନ ରାଶି
ଆଜି ଶରୀର ଓ ମନ ଭଲ ରହିବା ସହ ଉଚ୍ଚପଦସ୍ଥ ବ୍ୟକ୍ତିଙ୍କ ସାନ୍ନିଧ୍ୟ ମିଳିପାରେ। କର୍ମକ୍ଷେତ୍ରରେ ବିଭିନ୍ନ ଦିଗରୁ ସହଯୋଗ ମିଳିବ। ମହିଳାମାନେ ଗୃହକାର୍ଯ୍ୟରେ ବ୍ୟସ୍ତ ରହିବେ ଏବଂ ଛାତ୍ରଛାତ୍ରୀମାନେ ପାଠପଢ଼ାରେ ସଫଳତା ପାଇପାରନ୍ତି।
ଆଜିର ଶୁଭ ଓ ଅଶୁଭ ସମୟ
- କାଳବେଳା ଓ ବାରବେଳା: ଦିନ ୨ଟା ୨୦ରୁ ୫ଟା ୧୪ ମଧ୍ୟରେ।
- ବିଶୁଦ୍ଧ ଅମୃତବେଳା: ଦିନ ୭ଟା ୨୫ ମଧ୍ୟରେ, ଦିନ ୧ଟା ୫୦ରୁ ୨ଟା ୧୯ ମଧ୍ୟରେ ଏବଂ ରାତି ୬ଟାରୁ ୯ଟା ୧୨ ମଧ୍ୟରେ।
- ଘାତଚନ୍ଦ୍ର: ବିଛା ରାଶି।
- ଘାତବାର: ତୁଳା ଓ କୁମ୍ଭ ରାଶି।
- ଭକ୍ଷଣ ନିଷେଧ: ମୂଳା।
ଜ୍ୟୋତିର୍ବିଦ: ଭାବଗ୍ରାହୀ ଖଡ଼ିରତ୍ନ
ଯୋଗାଯୋଗ: ୯୪୩୮୧୫୨୬୨୭
ଟିପ୍ପଣୀ: ରାଶିଫଳ ପାରମ୍ପରିକ ଜ୍ୟୋତିଷ ଆଧାରିତ ସାଧାରଣ ଆକଳନ। ଏହାକୁ ନିଶ୍ଚିତ ଭବିଷ୍ୟବାଣୀ ଭାବେ ଗ୍ରହଣ କରନ୍ତୁ ନାହିଁ।
