କେନ୍ଦୁଝର/ପାଟଣା, ୨୭/୧୦: କେନ୍ଦୁଝର ଜିଲ୍ଲା ପାଟଣା ବ୍ଲକ ଅନ୍ତର୍ଗତ ଡେଣୁଆଁ ଗ୍ରାମରେ ଭକ୍ତି ଓ ଶ୍ରଦ୍ଧାର ସହ ମା’ ଗଜଲକ୍ଷ୍ମୀଙ୍କ ପୂଜା ଆୟୋଜିତ ହେଉଛି। ଅକ୍ଟୋବର ୨୫ ତାରିଖରୁ ଆରମ୍ଭ ହୋଇଥିବା ଏହି ପୂଜା ଅକ୍ଟୋବର ୨୮ ତାରିଖରେ ସମାପନ ହେବ। ପୂଜାକୁ ନେଇ ସମଗ୍ର ଗ୍ରାମରେ ଆଧ୍ୟାତ୍ମିକ ପରିବେଶ ସୃଷ୍ଟି ହୋଇଥିବା ବେଳେ ଗ୍ରାମବାସୀଙ୍କ ମଧ୍ୟରେ ଉତ୍ସାହ ଓ ଭକ୍ତିଭାବ ଦେଖିବାକୁ ମିଳିଛି।ମା’ ଗଜଲକ୍ଷ୍ମୀଙ୍କ ଆରାଧନା ଓ ପୂଜାର୍ଚ୍ଚନା ମାଧ୍ୟମରେ ଗ୍ରାମର ସୁଖ, ଶାନ୍ତି, ସମୃଦ୍ଧି ଓ ମଙ୍ଗଳ କାମନା କରାଯାଉଛି। ମା’ ଗଜଲକ୍ଷ୍ମୀ ପୂଜା କମିଟି, ଡେଣୁଆଁ ପକ୍ଷରୁ ଏହି ଧାର୍ମିକ ଉତ୍ସବର ଆୟୋଜନ କରାଯାଇଛି।ପୂଜାର କର୍ତ୍ତା ଭାବେ ଦୁର୍ଯ୍ୟୋଧନ ସାହୁ ଓ ଇନ୍ଦୁମତି ସାହୁ ଦାୟିତ୍ୱ ତୁଲାଉଛନ୍ତି। କଳସ ଯାତ୍ରାରେ କୁଳମଣି ସାହୁ, ଲିପନ ସାହୁ, ସୁଧୀର ସାହୁ, ଦେବାଶିଷ ସାହୁ, ଦେବଦ୍ୟୁତି ସାହୁ, ନାରାୟଣ କମାର ଓ ଆଲୋକ କୁମାର ଭୋଳ ସହଯୋଗ କରିଛନ୍ତି। ସେହିପରି ପୂଜକ ଧର୍ମାନନ୍ଦ ମିଶ୍ର ଓ ଗୁଡ଼ୁଲୁ ଶତପଥୀ ପୂଜାକାର୍ଯ୍ୟ ସମ୍ପନ୍ନ କରୁଛନ୍ତି।ଏହି ଗଜଲକ୍ଷ୍ମୀ ପୂଜା କେବଳ ଏକ ଧାର୍ମିକ ଆୟୋଜନ ନୁହେଁ, ବରଂ ଗ୍ରାମବାସୀଙ୍କ ମଧ୍ୟରେ ଏକତା, ଭାଇଚାରା ଓ ସହଯୋଗର ଭାବନାକୁ ଆହୁରି ସୁଦୃଢ଼ କରୁଛି। ଅକ୍ଟୋବର ୨୮ ତାରିଖରେ ପୂଜାର ସମାପନ ହେବ।
