କେନ୍ଦୁଝର/ପାଟଣା, ୩୧/୧୦: ସର୍ଦ୍ଦାର ବଲ୍ଲଭଭାଇ ପଟେଲଙ୍କ ଜୟନ୍ତୀ ତଥା ରାଷ୍ଟ୍ରୀୟ ଏକତା ଦିବସ ଅବସରରେ ସାହାରପଡ଼ା ବ୍ଲକ ମହ୍ଲାରପଦା ପଞ୍ଚାୟତ ଅନ୍ତର୍ଗତ ଗଣିଆବରେଇ ଗ୍ରାମରେ ଏକତା ଦିବସ ପାଳନ କରାଯାଇଛି। ମାଇଁ ଭାରତ କେନ୍ଦୁଝରର ସହଯୋଗ ଏବଂ ଅର୍ଜୁନପଶିସ୍ଥିତ ସିଦ୍ଧି ବିନାୟକ କ୍ଲବର ଆନୁକୂଲ୍ୟରେ ଏହି କାର୍ଯ୍ୟକ୍ରମ ଆୟୋଜିତ ହୋଇଥିଲା।କ୍ଲବର ଉପସଭାପତି ନିହାର ରଞ୍ଜନ ମହାକୁଡ଼ କାର୍ଯ୍ୟକ୍ରମରେ ସଭାପତିତ୍ୱ କରିଥିଲେ। ମୁଖ୍ୟ ଅତିଥି ଭାବେ ପଞ୍ଚାୟତର ପିଇଓ ତପନ କୁମାର ସେଠୀ, ନାଏବ ସରପଞ୍ଚ ନେତ୍ରାନନ୍ଦ ମହାନ୍ତ, ସମାଜସେବୀ ଦୀନବନ୍ଧୁ ନାଏକ, ଆଶିକ ହାଁସଦା, ବିବେକ ମହାନ୍ତ, ଲୋକନାଥ ନାଏକ ଓ ପ୍ରଭାକର ନାଏକ ଯୋଗ ଦେଇଥିଲେ।ଏହି ଅବସରରେ କ୍ଲବର ସଦସ୍ୟ ଓ ଅତିଥିମାନଙ୍କ ଉପସ୍ଥିତିରେ ଏକ ନିଶାମୁକ୍ତି ସଚେତନତା ଶୋଭାଯାତ୍ରା ଆୟୋଜନ କରାଯାଇଥିଲା। କ୍ଲବର ସଦସ୍ୟ ମନୋଜ କୁମାର ଘଣା, ନିଶିକାନ୍ତ ସେଠୀ, ଗୋବିନ୍ଦ ଚନ୍ଦ୍ର ବାରିକ, ଭରତ ରାଉତ, ମୋତିଲାଲ ସେଠୀ, ଧନଞ୍ଜୟ ସେଠୀ, ଦିବ୍ୟଜ୍ୟୋତି ସେଠୀ ଓ ରାକେଶ ରତନ ଘଣାଙ୍କ ସମେତ ଅନ୍ୟ ସଦସ୍ୟମାନେ ଏଥିରେ ସାମିଲ ହୋଇଥିଲେ।ଉପସ୍ଥିତ ଅତିଥିମାନେ ସର୍ଦ୍ଦାର ବଲ୍ଲଭଭାଇ ପଟେଲଙ୍କ ଜୀବନୀ ଓ ଦେଶର ଏକତା ରକ୍ଷାରେ ତାଙ୍କର ଅବଦାନ ସମ୍ପର୍କରେ ଆଲୋକପାତ କରିଥିଲେ। ଏଥିସହ ଏକ ସୁସ୍ଥ, ସୁନ୍ଦର ଓ ନିଶାମୁକ୍ତ ସମାଜ ଗଠନ ପାଇଁ ଗ୍ରାମବାସୀ ଓ ମହିଳାମାନଙ୍କୁ ସଚେତନ କରାଯାଇଥିଲା। ଗ୍ରାମରୁ ସମ୍ପୂର୍ଣ୍ଣ ନିଶା ଦୂର କରିବା ସହ ନିଶାମୁକ୍ତ ଭାରତ ଗଠନ ଦିଗରେ ସହଯୋଗ କରିବାକୁ ସମସ୍ତେ ଶପଥ ଗ୍ରହଣ କରିଥିଲେ।
