କେନ୍ଦୁଝର/ପାଟଣା, ୧/୧୦: ଗାନ୍ଧୀ ଜୟନ୍ତୀ ପୂର୍ବରୁ ‘ସ୍ୱଚ୍ଛ ସୁନ୍ଦର ଆମ କେନ୍ଦୁଝର’ ବାର୍ତ୍ତା ନେଇ ପାଟଣା ବ୍ଲକରେ ‘ସ୍ୱଚ୍ଛତା ହିଁ ସେବା ୨୦୨୬’ କାର୍ଯ୍ୟକ୍ରମ ଅନ୍ତର୍ଗତ ‘ସାଥୀଙ୍କ ସହ ଗୋଟିଏ ଦିନ, ଗୋଟିଏ ଘଣ୍ଟା’ ସଫେଇ ଅଭିଯାନ ଅନୁଷ୍ଠିତ ହୋଇଛି।ରାଷ୍ଟ୍ରୀୟ ସ୍ତରରେ ଆୟୋଜିତ ‘ଏକ ଦିନ, ଏକ ଘଣ୍ଟା, ଏକ ସାଥ’ କାର୍ଯ୍ୟକ୍ରମ ଅବସରରେ ପାଟଣା ବ୍ଲକ ପରିସରରେ ସଫେଇ କାର୍ଯ୍ୟକ୍ରମ କରାଯାଇଥିଲା। ବ୍ଲକର ଅଧିକାରୀ, କର୍ମଚାରୀ, ସ୍ୱେଚ୍ଛାସେବୀ ଏବଂ ଏସ୍ଏଚ୍ଜି ମହିଳାମାନେ ମିଳିତ ଭାବେ ଶ୍ରମଦାନ କରି ବ୍ଲକ ପରିସରକୁ ସଫେଇ କରିଥିଲେ।ଏହି ସଫେଇ ଅଭିଯାନରେ ପାଟଣା ବିଡିଓ ମାନସ କୁମାର ଦଣ୍ଡପାଟ, ଅତିରିକ୍ତ ତହସିଲଦାର ରବି ଶଙ୍କର ହେମ୍ବ୍ରମ, ସହକାରୀ ଶ୍ରମ ଅଧିକାରୀ ଅମରେଶ କର, ବିଆର୍ସି ଜମାଲଉଦ୍ଦିନ ଖାନ୍, ବିଏସ୍ଏସ୍ଓ ଅଭୟ ଦେହୁରୀ, ଏବିଇଓ ଜଗଦୀଶ ନାୟକ ଏବଂ ପରିମଳ କାର୍ଯ୍ୟକ୍ରମର ନୋଡାଲ ଅଧିକାରୀ ଇଂ. ସୁସ୍ମିତା ବେହେରାଙ୍କ ସମେତ ଅନ୍ୟମାନେ ସାମିଲ ହୋଇଥିଲେ।ସ୍ୱଚ୍ଛତା ପ୍ରତି ଲୋକଙ୍କ ମଧ୍ୟରେ ସଚେତନତା ବଢ଼ାଇବା ସହ ସ୍ୱଚ୍ଛ ଓ ସୁନ୍ଦର ପରିବେଶ ଗଠନ ପାଇଁ ଏଭଳି ସଫେଇ ଅଭିଯାନ ଆୟୋଜନ କରାଯାଇଥିବା ଜଣାପଡ଼ିଛି।
