ଭୁବନେଶ୍ୱର: ଆଜି ୭ ଅକ୍ଟୋବର ୨୦୨୬, ବୁଧବାର। ଭଦ୍ରକାଳୀ ପଞ୍ଜିକା ଅନୁଯାୟୀ ଆଜି ଆଶ୍ୱିନ ମାସ କୃଷ୍ଣପକ୍ଷ ଦ୍ୱାଦଶୀ। ରାତ୍ରି ୧୧ଟା ୧୬ ମିନିଟ୍ ପରେ ତ୍ରୟୋଦଶୀ ତିଥି ଆରମ୍ଭ ହେବ। ଆଜିର ନକ୍ଷତ୍ର ମଘା ଏବଂ ରାତ୍ରି ୯ଟା ୪୦ ମିନିଟ୍ ପରେ ପୂର୍ବା ଫାଲ୍ଗୁନୀ ନକ୍ଷତ୍ର ରହିବ।
ଆଜି ଚନ୍ଦ୍ର ସିଂହ ରାଶିରେ ରହିବେ। ଯୋଗ ସାଧ୍ୟ ଏବଂ କରଣ କୌଳବ। ସୂର୍ଯ୍ୟୋଦୟ ପ୍ରାତଃ ୫ଟା ୩୭ ମିନିଟ୍ ୧୯ ସେକେଣ୍ଡରେ ଏବଂ ସୂର୍ଯ୍ୟାସ୍ତ ସନ୍ଧ୍ୟା ୫ଟା ୨୭ ମିନିଟ୍ ୧୨ ସେକେଣ୍ଡରେ ହେବ।
ଆଜିର ପଞ୍ଜିକା
ତାରିଖ: ୭ ଅକ୍ଟୋବର ୨୦୨୬, ବୁଧବାର
ଶକାବ୍ଦ: ୧୯୪୮
ସମ୍ବତ୍: ୨୦୮୩
ସମ୍ବତ୍ସର: ରୌଦ୍ର
ମାସ: ଆଶ୍ୱିନ
ପକ୍ଷ: କୃଷ୍ଣପକ୍ଷ
ତିଥି: ଦ୍ୱାଦଶୀ, ରାତ୍ରି ୧୧ଟା ୧୬ ପରେ ତ୍ରୟୋଦଶୀ
ନକ୍ଷତ୍ର: ମଘା, ରାତ୍ରି ୯ଟା ୪୦ ପରେ ପୂର୍ବା ଫାଲ୍ଗୁନୀ
ଚନ୍ଦ୍ର ରାଶି: ସିଂହ
ଯୋଗ: ସାଧ୍ୟ
କରଣ: କୌଳବ
ସୂର୍ଯ୍ୟୋଦୟ: ପ୍ରାତଃ ୫:୩୭:୧୯
ସୂର୍ଯ୍ୟାସ୍ତ: ସନ୍ଧ୍ୟା ୫:୨୭:୧୨
ଆଜିର ବିଶେଷ ତଥ୍ୟ
ଯୋଗିନୀ ନୈରୁତକୋଣରେ ରହିବେ ଏବଂ ରାତ୍ରି ୧୧ଟା ୧୬ ପରେ ଦକ୍ଷିଣ ଦିଗରେ ରହିବେ। କର୍କଟ ଓ ମକର ରାଶିର ଘାତଚନ୍ଦ୍ର ରହିଛି। କର୍କଟ ରାଶିର ଘାତବାର ରହିଛି। ଦ୍ୱାଦଶୀର ଏକୋଦିଷ୍ଟ ଓ ପାର୍ବଣ ଶ୍ରାଦ୍ଧ ରହିଛି।
କାଳବେଳା: ଦିବା ୮:୪୦ ପରେ ୧୦:୧୦ ମଧ୍ୟରେ।
ବାରବେଳା: ଦିବା ୧୧:୩୯ ପରେ ୧:୧୦ ମଧ୍ୟରେ।
ବିଶୁଦ୍ଧ ଅମୃତ ବେଳା: ଦିବା ୬:୩୦ ମଧ୍ୟରେ, ୭:୨୦ ପରେ ୮:୦୬ ମଧ୍ୟରେ ଏବଂ ୧୦:୩୦ ପରେ ୧୧:୩୮ ମଧ୍ୟରେ।
ବିଶୁଦ୍ଧ ମାହେନ୍ଦ୍ର ବେଳା: ଦିବା ୬:୩୦ ପରେ ୭:୧୮ ମଧ୍ୟରେ।
ଆଜି ପୋଇ ଭକ୍ଷଣ ନିଷେଧ ବୋଲି ପଞ୍ଜିକାରେ ଉଲ୍ଲେଖ ରହିଛି।
ଆଜିର ରାଶିଫଳ
ମେଷ
ଆଜି କିଛି ପୁରୁଣା ବକେୟା ଅର୍ଥ ପାଇପାରନ୍ତି। ଧାର୍ମିକ କାର୍ଯ୍ୟ ପ୍ରତି ରୁଚି ବଢ଼ିବ। ଶାରୀରିକ ଓ ମାନସିକ ଭାବେ ସୁସ୍ଥ ରହିବେ। କାର୍ଯ୍ୟକ୍ଷେତ୍ରରେ ଜରୁରୀ କାମ ପାଇଁ ଦୂରଯାତ୍ରା କରିବାକୁ ପଡ଼ିପାରେ। ବ୍ୟବସାୟରେ ନୂଆ ଯୋଜନା ଲାଭଦାୟକ ହେବ।
ବୃଷ
ମନ ପ୍ରଫୁଲ୍ଲିତ ରହିବ ଏବଂ ନୂଆ କାର୍ଯ୍ୟ ଆରମ୍ଭ କରିପାରନ୍ତି। ନିଜ ବାଣୀ ଦ୍ୱାରା ନୂଆ ସମ୍ପର୍କ ଗଢ଼ିବାରେ ସଫଳ ହେବେ। କାର୍ଯ୍ୟସ୍ଥଳୀରେ ଉଚ୍ଚସ୍ଥ ଅଧିକାରୀଙ୍କ ପ୍ରଶଂସା ମିଳିବ। ବ୍ୟବସାୟରେ ଲାଭ ହେବ।
ମିଥୁନ
ଅଯଥା ଚିନ୍ତା ଯୋଗୁଁ ମାନସିକ ଚାପ ବଢ଼ିପାରେ। ସାହିତ୍ୟ ଓ କଳା କ୍ଷେତ୍ରରେ ସୁନାମ ମିଳିବ। କାର୍ଯ୍ୟକ୍ଷେତ୍ରରେ ସମ୍ବେଦନଶୀଳ କଥା କହିବାରୁ ସମସ୍ୟା ହୋଇପାରେ। ବ୍ୟବସାୟ ମଧ୍ୟମ ରହିବ।
କର୍କଟ
ଆଜି ଦିନଟି ଶୁଭ ରହିବ। ଆର୍ଥିକ ଲାଭ ସହ ସାମାଜିକ ମାନ-ସମ୍ମାନ ମିଳିପାରେ। ପୁରୁଣା ବନ୍ଧୁ କିମ୍ବା ଆତ୍ମୀୟଙ୍କ ସହ ସାକ୍ଷାତ ହୋଇପାରେ। ବ୍ୟବସାୟରେ ନୂଆ ନିବେଶ ଶୁଭ ରହିବ।
ସିଂହ
ଖର୍ଚ୍ଚ ବଢ଼ିପାରେ। ଚକ୍ଷୁ ସମସ୍ୟା ଦେଖାଦେଇପାରେ। କଟୁ କଥା କହିବାରୁ ସମ୍ପର୍କରେ ତିକ୍ତତା ଆସିପାରେ। କାର୍ଯ୍ୟକ୍ଷେତ୍ରରେ ସମାଲୋଚନାର ସମ୍ମୁଖୀନ ହେବେ। ବ୍ୟବସାୟରେ କ୍ଷତି ହେବାର ଆଶଙ୍କା ରହିଛି।
କନ୍ୟା
ସ୍ୱାସ୍ଥ୍ୟରେ ଉନ୍ନତି ସହ ସୁଖ ଓ ଆନନ୍ଦ ମିଳିବ। ଶୁଭ ସମାଚାର ପାଇପାରନ୍ତି। ମିଠା କଥା ଓ ଭଲ ସମ୍ପର୍କ ମାଧ୍ୟମରେ କାର୍ଯ୍ୟ ହାସଲ କରିବାରେ ସଫଳ ହେବେ। ବ୍ୟବସାୟରେ ଲାଭ ମିଳିବ।
ତୁଳା
ଖର୍ଚ୍ଚ ବଢ଼ିବା ସହ ସ୍ୱାସ୍ଥ୍ୟରେ ଅବନତି ହୋଇପାରେ। ବାକ୍-ସଂଯମ ରକ୍ଷା କରନ୍ତୁ। ମାଲିମକଦ୍ଦମା ସମ୍ପର୍କିତ କାର୍ଯ୍ୟରୁ ଦୂରେଇ ରହିବା ଭଲ। କାର୍ଯ୍ୟକ୍ଷେତ୍ରରେ ସ୍ଥାନାନ୍ତରଣ ଯୋଗ ରହିଛି।
ବିଛା
ଆଜି ଉପହାର ମିଳିପାରେ। କୌଣସି ମହିଳା ବନ୍ଧୁଙ୍କ ସହାୟତା ମିଳିବ। ଆନୁଷ୍ଠାନିକ କାର୍ଯ୍ୟରେ ଯୋଗଦେଇ ସମ୍ମାନିତ ହେବେ। କାର୍ଯ୍ୟକ୍ଷେତ୍ରରେ ଅଧିକାରୀଙ୍କ ପ୍ରଶଂସା ପାଇବେ। ବ୍ୟବସାୟରେ ନୂଆ ଯୋଜନା ସଫଳ ହୋଇପାରେ।
ଧନୁ
ସବୁ କ୍ଷେତ୍ରରେ ସଫଳତା ମିଳିପାରେ। ଶାରୀରିକ ଓ ମାନସିକ ସୁସ୍ଥତା ସହ ମାନ-ସମ୍ମାନ ପାଇବେ। କାର୍ଯ୍ୟକ୍ଷେତ୍ରରେ ପଦୋନ୍ନତିର ଯୋଗ ରହିଛି। ବ୍ୟବସାୟରେ ଗ୍ରାହକଙ୍କୁ ଆକୃଷ୍ଟ କରି ଲାଭବାନ ହୋଇପାରନ୍ତି।
ମକର
ଶାରୀରିକ ଓ ମାନସିକ ଅସୁସ୍ଥତା ଅନୁଭବ ହୋଇପାରେ। ବିରୋଧୀଙ୍କ ସମାଲୋଚନା ଯୋଗୁଁ ବିବାଦ ହୋଇପାରେ। ଅଯଥା ଖର୍ଚ୍ଚ ବଢ଼ିବ। କାର୍ଯ୍ୟକ୍ଷେତ୍ରରେ ଜରୁରୀ କାମ ପାଇଁ ଦୂରଯାତ୍ରାର ସୁଯୋଗ ମିଳିପାରେ।
କୁମ୍ଭ
ସ୍ୱାସ୍ଥ୍ୟ ପ୍ରତି ଯତ୍ନବାନ ରୁହନ୍ତୁ। କ୍ରୋଧ ଉପରେ ନିୟନ୍ତ୍ରଣ ରଖନ୍ତୁ। ଅତ୍ୟଧିକ ଖର୍ଚ୍ଚ ଯୋଗୁଁ ଆର୍ଥିକ ସମସ୍ୟା ହୋଇପାରେ। କାର୍ଯ୍ୟଭାର ବଢ଼ିବାରୁ ଥକ୍କା ଅନୁଭବ କରିପାରନ୍ତି। ପରିବାରରେ ମନୋମାଳିନ୍ୟ ହୋଇପାରେ।
ମୀନ
ମନୋରଞ୍ଜନ ପାଇଁ ବାହାରକୁ ଯାଇପାରନ୍ତି। ଆର୍ଥିକ ଲାଭ ସହ ସାହିତ୍ୟ ଓ କଳା କ୍ଷେତ୍ରରେ ସୁଫଳ ମିଳିପାରେ। ନୂଆ ବସ୍ତ୍ରଭୂଷଣ ପାଇବେ। ବ୍ୟବସାୟରେ ପାର୍ଟନରଙ୍କ ସହ ନୂଆ ନିବେଶ କରି ଲାଭବାନ ହୋଇପାରନ୍ତି।
ଜ୍ୟୋତିର୍ବିଦ: ଭାବଗ୍ରାହୀ ଖଡିରତ୍ନ
ଯୋଗାଯୋଗ:୯୪୩୮୧୫୨୬୨୭
