କେନ୍ଦୁଝର/ପାଟଣା, ୬/୧୦: କଟକ ବିଜୁ ପଟ୍ଟନାୟକ ଛକସ୍ଥିତ ସାରଳା ମଣ୍ଡପରେ ବିଶ୍ୱ ହିନ୍ଦୁ ପରିଷଦ (ଭିଏଚ୍ପି) ପକ୍ଷରୁ ଅଶୋକ ସିଂଘଲଙ୍କ ଜନ୍ମଶତାବ୍ଦୀ ବର୍ଷର ଉଦ୍ଘାଟନୀ ସମାରୋହ ଅନୁଷ୍ଠିତ ହୋଇଛି।ଏହି ଅବସରରେ ଭିଏଚ୍ପିର ଓଡ଼ିଶା ପ୍ରାନ୍ତ ପାଇଁ ଦୀର୍ଘଦିନ ଧରି ଅବଦାନ ରଖିଥିବା କେନ୍ଦୁଝର ଜିଲ୍ଲା ପାଟଣା ବ୍ଲକ ସୁଆମ ଶାସନର ମଦନ ମୋହନ ଦ୍ୱିବେଦୀଙ୍କୁ ସମ୍ବର୍ଦ୍ଧିତ କରାଯାଇଛି। ମୁଖ୍ୟ ଅତିଥି ତାଙ୍କୁ ଅଙ୍ଗବସ୍ତ୍ର ଓ ମାନପତ୍ର ପ୍ରଦାନ କରି ସମ୍ମାନିତ କରିଥିଲେ।ସମାରୋହରେ ମୁଖ୍ୟ ଅତିଥି ଭାବେ ଓଡ଼ିଶା ସରକାରଙ୍କ ଆଡଭୋକେଟ୍ ଜେନେରାଲ ପିତାମ୍ବର ଆଚାର୍ଯ୍ୟ ଯୋଗଦେଇଥିବା ବେଳେ ମୁଖ୍ୟ ବକ୍ତା ଭାବେ ଭିଏଚ୍ପିର ଅନ୍ତର୍ଜାତୀୟ ସାଧାରଣ ସମ୍ପାଦକ ବଜରଙ୍ଗ ଲାଲ ବାଗଡ଼ା ଉପସ୍ଥିତ ଥିଲେ।ସେହିପରି ସମ୍ମାନିତ ଅତିଥି ଭାବେ ଭିଏଚ୍ପି କେନ୍ଦ୍ରୀୟ ମନ୍ତ୍ରୀ ବସନ୍ତ କୁମାର ରଥ ଓ ଗୌରୀ ପ୍ରସାଦ ରଥ ପ୍ରମୁଖ ଯୋଗଦେଇଥିଲେ। ଭିଏଚ୍ପି ଓଡ଼ିଶା ପୂର୍ବପ୍ରାନ୍ତ ସାଧାରଣ ସମ୍ପାଦକ ମହେଶ କୁମାର ସାହୁ ସମାରୋହର ମଞ୍ଚ ପରିଚାଳନା କରିଥିଲେ।ମଦନ ମୋହନ ଦ୍ୱିବେଦୀଙ୍କୁ ତାଙ୍କର ଦୀର୍ଘଦିନର ସାମାଜିକ ଓ ସଂଗଠନାତ୍ମକ ଅବଦାନ ପାଇଁ ମିଳିଥିବା ଏହି ସମ୍ମାନକୁ ନେଇ ପାଟଣା ଅଞ୍ଚଳରେ ଖୁସି ପ୍ରକାଶ ପାଇଛି।
