ଖୁଣ୍ଟାପଡ଼ା ଜଗନ୍ନାଥ ଭାଗବତ ଟୁଙ୍ଗୀରେ ଭାଗବତ ଜନ୍ମୋତ୍ସବ ପାଳିତ

କେନ୍ଦୁଝର/ଘଟଗାଁ, ୨୭/୯: ଘଟଗାଁ ବ୍ଲକ ଅନ୍ତର୍ଗତ ଖୁଣ୍ଟାପଡ଼ାସ୍ଥିତ ଶ୍ରୀ ଜଗନ୍ନାଥ ଭାଗବତ ଟୁଙ୍ଗୀ, ସାନ୍ତରାପୁର ଶ୍ରୀ ନୃସିଂହନାରାୟଣ ଭାଗବତ ଟୁଙ୍ଗୀ ଏବଂ ପଇଦାପାଟଣା ସଙ୍କୀର୍ତ୍ତନ ମଣ୍ଡଳୀର ମିଳିତ ଆନୁକୂଲ୍ୟରେ ପବିତ୍ର ଭାଗବତ ଜନ୍ମୋତ୍ସବ ଆନନ୍ଦ ଓ ଉଲ୍ଲାସର ସହ ପାଳିତ ହୋଇଯାଇଛି।ଏହି ଅବସରରେ ପବିତ୍ର ଭାଗବତ ଗ୍ରନ୍ଥ ଏବଂ ସ୍ଥାନୀୟ ଚତୁର୍ଦ୍ଧା ବିଗ୍ରହଙ୍କ ବିଧିବଦ୍ଧ ପୂଜାର୍ଚ୍ଚନା, ଆଳତି ଓ ପୁଷ୍ପାଞ୍ଜଳି ଅନୁଷ୍ଠିତ ହୋଇଥିଲା। ପରେ ସତ୍‌ସଙ୍ଗ କାର୍ଯ୍ୟକ୍ରମରେ ଭାଗବତ ପାଠ ଓ ନାମ ସଙ୍କୀର୍ତ୍ତନ କରାଯାଇଥିଲା।କାର୍ଯ୍ୟକ୍ରମରେ ଭାଗବତର ସୃଷ୍ଟି, କାବ୍ୟିକ ମହତ୍ତ୍ୱ, ଆଧ୍ୟାତ୍ମିକ ଚେତନା ଓ ସାମାଜିକ ମୂଲ୍ୟବୋଧ ଉପରେ ଆଲୋଚନା ହୋଇଥିଲା। ଭାଗବତ ଟୁଙ୍ଗୀର ତତ୍ତ୍ୱାବଧାରକ ଜୟଦେବ ପଣ୍ଡା ତାଙ୍କ ବକ୍ତବ୍ୟରେ କହିଥିଲେ ଯେ, ସମାଜ, ପରିବାର ଓ ବ୍ୟକ୍ତିଗତ ଜୀବନକୁ ସଂସ୍କାରିତ ଏବଂ ଶୃଙ୍ଖଳିତ କରିବା ପାଇଁ ଭାଗବତର ପ୍ରଚାର-ପ୍ରସାର ସହ ନିତ୍ୟ ପାଠ ଓ ଶ୍ରବଣର ଆବଶ୍ୟକତା ରହିଛି।ଭାଗବତ ଜନ୍ମୋତ୍ସବକୁ ସଫଳ କରିବାରେ ଭାଗବତ ନାୟକ, ଭୀମସେନ ନାୟକ, ଅଲେଖ ନାୟକ, ଭୀଷ୍ମସେନ ନାୟକ, ଜନାର୍ଦ୍ଦନ ନାୟକ, ପ୍ରମୋଦ ନାଏକ, ଅଭିମନ୍ୟୁ ମହାନ୍ତ, ଦେବବ୍ରତ ପଣ୍ଡା, ଭବାନୀ ପ୍ରସାଦ ଦାଶ, ଗୌରୀ ଶଙ୍କର ପଣ୍ଡା, ପ୍ରଦୀପ୍ତ କୁମାର ଷଡ଼ଙ୍ଗୀ, ଟଙ୍କଧର ମହାନ୍ତଙ୍କ ସମେତ ସୁକାନ୍ତି ନାୟକ, କୁଶୁଳା ନାୟକ, ପାର୍ବତୀ ନାୟକ, ଭାଗ୍ୟବତୀ ନାୟକ, ବାସନ୍ତୀ ନାୟକ, ସବିତା ମହାନ୍ତ, ଲିଲି ମହାନ୍ତ, ରଶ୍ମୀରାଣୀ ଷଡ଼ଙ୍ଗୀ ଓ ସୁଶୀଳା ନାଏକ ପ୍ରମୁଖ ସହଯୋଗ କରିଥିଲେ।