କେନ୍ଦୁଝର/ଘଟଗାଁ: କେନ୍ଦୁଝର ଜିଲ୍ଲା ଘଟଗାଁ ବ୍ଲକ ଅନ୍ତର୍ଗତ ଉପରଡିହା ଗ୍ରାମରେ ଜଣେ ବ୍ୟକ୍ତିଙ୍କ ଘର ନିକଟରୁ ଏକ ଅଜଗର ସାପ ଉଦ୍ଧାର କରାଯାଇଛି। ଘର ନିକଟରେ ବିଶାଳ ଅଜଗର ସାପକୁ ଦେଖି ସ୍ଥାନୀୟ ଲୋକେ ଭୟଭୀତ ହୋଇପଡ଼ିଥିଲେ।ସାପଟି ଦେଖାଯିବା ପରେ ତୁରନ୍ତ ବନବିଭାଗକୁ ଖବର ଦିଆଯାଇଥିଲା। ସୂଚନା ପାଇ ବନବିଭାଗର କର୍ମଚାରୀମାନେ ଉପରଡିହା ଗ୍ରାମରେ ପହଞ୍ଚି ସାପଟିକୁ ସୁରକ୍ଷିତ ଭାବେ ଉଦ୍ଧାର କରିଥିଲେ।ଉଦ୍ଧାର ପରେ ଅଜଗରଟିକୁ ନିକଟସ୍ଥ ଅଟେଇ ଜଙ୍ଗଲରେ ସୁରକ୍ଷିତ ଭାବେ ଛାଡ଼ି ଦିଆଯାଇଥିବା ଜଣାପଡ଼ିଛି। ବନବିଭାଗର ତ୍ୱରିତ ପଦକ୍ଷେପ ଯୋଗୁଁ ଅଜଗରଟିକୁ କୌଣସି କ୍ଷତି ନକରି ପୁଣି ତାହାର ପ୍ରାକୃତିକ ପରିବେଶକୁ ଫେରାଇ ଦିଆଯାଇଛି।
