କେନ୍ଦୁଝର/ପାଟଣା:୧୪/୯, ପାଟଣା ବ୍ଲକ ମୁଖ୍ୟାଳୟରେ ସ୍ଥାପିତ ଶ୍ରୀ ସାଇ ଇନଷ୍ଟିଚ୍ୟୁଟ୍ ଅଫ୍ ମେଡିକାଲ ସାଇନ୍ସ କଲେଜ ପରିସରରେ ସୋମବାର ପବିତ୍ର ଗଣେଶ ପୂଜା ମହାଆଡମ୍ବର ଓ ଭକ୍ତିମୟ ପରିବେଶରେ ପାଳିତ ହୋଇଯାଇଛି। ଅନୁଷ୍ଠାନର ଅଧ୍ୟୟନରତ ଛାତ୍ରଛାତ୍ରୀମାନେ ଆନନ୍ଦ ଉଲ୍ଲାସର ସହ ଏହି ପୂଜାରେ ସାମିଲ ହୋଇଥିଲେ।ଏହି ଅବସରରେ ଅନୁଷ୍ଠାନର ସଭାପତି ପ୍ରକାଶ କୁମାର ସେଠୀ, ସମ୍ପାଦକ ଅନିଲ କୁମାର ରଣା, ଭାରପ୍ରାପ୍ତ ଉପାଧ୍ୟକ୍ଷ ରଶ୍ମିରଞ୍ଜନ ମହାନ୍ତଙ୍କ ସମେତ ଅଧ୍ୟାପକ ନିଖିଲ କୁମାର ପତି, ଅଧ୍ୟାପିକା ତେଜସ୍ୱିନୀ ମହାନ୍ତ, ବିନ୍ଦୁଶ୍ରୀ ନାୟକ, ପ୍ରଗତି ମହାପାତ୍ର, କୁହେଲିକା ମହାନ୍ତ ଓ କୀର୍ତ୍ତିମୟୀ ମହାନ୍ତ ପ୍ରମୁଖ ଉପସ୍ଥିତ ରହିଥିଲେ।ସେହିପରି ଅନୁଷ୍ଠାନର କାର୍ଯ୍ୟକର୍ତ୍ତା ଘନଶ୍ୟାମ ସାହୁ, ବାସନ୍ତୀ ମହାନ୍ତ, ବୈରାଗୀ ରଣା, ଫକୀର ନାଏକ, ଉମେଶ ରଣା ଓ ସାବିତ୍ରୀ ନାଏକ ପ୍ରମୁଖ ସାମିଲ ହୋଇ ଗଣେଶ ପୂଜାର ସମସ୍ତ କାର୍ଯ୍ୟକ୍ରମ ସୁଚାରୁରୂପେ ସମ୍ପନ୍ନ କରିଥିଲେ।ପୂଜା ଅବସରରେ ଛାତ୍ରଛାତ୍ରୀମାନେ ଭକ୍ତି ଓ ଶ୍ରଦ୍ଧାର ସହ ପ୍ରଭୁ ଶ୍ରୀ ଗଣେଶଙ୍କ ପୂଜାର୍ଚ୍ଚନା କରିବା ସହ ଅନୁଷ୍ଠାନର ସମସ୍ତଙ୍କ ମଙ୍ଗଳ ଓ ସମୃଦ୍ଧି କାମନା କରିଥିଲେ। ଗଣେଶ ପୂଜାକୁ ନେଇ କଲେଜ ପରିସରରେ ସାରାଦିନ ଉତ୍ସବମୁଖର ପରିବେଶ ଲାଗି ରହିଥିଲା।ଛାତ୍ରଛାତ୍ରୀ, ଅଧ୍ୟାପକ-ଅଧ୍ୟାପିକା ଓ କାର୍ଯ୍ୟକର୍ତ୍ତାଙ୍କ ସମନ୍ୱୟରେ ପୂଜାର ସମସ୍ତ କାର୍ଯ୍ୟକ୍ରମ ଶୃଙ୍ଖଳିତ ଭାବେ ସମ୍ପନ୍ନ ହୋଇଥିବା ବେଳେ ପୂଜା ଅବସରରେ ଅନୁଷ୍ଠାନ ପରିସର ଭକ୍ତିମୟ ହୋଇଉଠିଥିଲା।
