କେନ୍ଦୁଝର/ଘଟଗାଁ, ୨୭/୯: କେନ୍ଦୁଝର ଜିଲ୍ଲା ଘଟଗାଁ ବ୍ଲକ ପୋଇପାଣି ଗ୍ରାମରେ ଏକ ଘର ଭିତରୁ ନାଗ ସାପ ଉଦ୍ଧାର ହେବା ଘଟଣାକୁ ନେଇ କିଛି ସମୟ ପାଇଁ ଭୟର ବାତାବରଣ ସୃଷ୍ଟି ହୋଇଥିଲା।ସୂଚନା ଅନୁଯାୟୀ, ପୋଇପାଣି ଗ୍ରାମର ଧନୁର୍ଜୟ ମହାନ୍ତଙ୍କ ଘର ଭିତରେ ଏକ ନାଗ ସାପ ଥିବା ପରିବାର ଲୋକେ ଦେଖିଥିଲେ। ଏହାପରେ ସେମାନେ ତୁରନ୍ତ ପାଟଣା ବନ ବିଭାଗକୁ ଖବର ଦେଇଥିଲେ।ଖବର ପାଇ ବନ ବିଭାଗ ସ୍କ୍ୱାଡ୍ର କାର୍ତ୍ତିକେଶ୍ୱର ମହାନ୍ତ ଓ ଉମେଶ ଚନ୍ଦ୍ର ମହାନ୍ତ ଘଟଣାସ୍ଥଳରେ ପହଞ୍ଚିଥିଲେ। ସେମାନେ ସତର୍କତାର ସହ ନାଗ ସାପଟିକୁ ଉଦ୍ଧାର କରିଥିଲେ।ପରେ ଉଦ୍ଧାର ହୋଇଥିବା ନାଗ ସାପକୁ ପୋଇପାଣି ସଂରକ୍ଷିତ ଜଙ୍ଗଲରେ ସୁରକ୍ଷିତ ଭାବେ ଛାଡ଼ି ଦିଆଯାଇଥିଲା। ନାଗ ସାପଟି ଉଦ୍ଧାର ହୋଇ ଜଙ୍ଗଲକୁ ଫେରିବା ପରେ ପରିବାର ଲୋକଙ୍କ ସମେତ ସ୍ଥାନୀୟ ଲୋକେ ଆଶ୍ୱସ୍ତ ହୋଇଥିଲେ।
