କେନ୍ଦୁଝର/ପାଟଣା, ୩୧/୧୦: ପାଟଣା ମୁଖ୍ୟାଳୟସ୍ଥିତ କୁମାର ଉତ୍ସବ କମିଟି ପକ୍ଷରୁ ଆୟୋଜିତ ୫୬ତମ ମା’ ଗଜଲକ୍ଷ୍ମୀ ପୂଜା ଧୁମ୍ଧାମରେ ପାଳିତ ହେବା ପରେ ଶନିବାର ଭସାଣି ଉତ୍ସବ ଅତ୍ୟନ୍ତ ଆକର୍ଷଣୀୟ ଓ ଉତ୍ସବମୁଖର ପରିବେଶରେ ଅନୁଷ୍ଠିତ ହୋଇଥିଲା।ଛତିଶଗଡ଼ର ଅବତାର ଗ୍ରୁପ୍ ପକ୍ଷରୁ ପରିବେଷିତ କାଳୀ ତାଣ୍ଡବ, ଶିବ ତାଣ୍ଡବ, ଅଘୋରୀ ନୃତ୍ୟ ଓ ନୃସିଂହ ନୃତ୍ୟର ତାଳେ ତାଳେ ଏକ ବିରାଟ ଶୋଭାଯାତ୍ରାରେ ମା’ଙ୍କ ମେଢ଼ ପାଟଣା ବଜାର ପରିକ୍ରମା କରିଥିଲା। ପରେ ମା’ ଗଜଲକ୍ଷ୍ମୀଙ୍କ ମୃଣ୍ମୟୀ ପ୍ରତିମାକୁ ବୈତରଣୀ ନଦୀରେ ବିସର୍ଜନ କରାଯାଇଥିଲା।ପାଟଣା କୁମାର ଉତ୍ସବ କମିଟିର ସଭାପତି ବିବେକାନନ୍ଦ ଦାଶ ଓ ସମ୍ପାଦକ ଲିପକ କୁମାର ସାହୁଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ କମିଟିର ସଦସ୍ୟ ପ୍ରିୟବ୍ରତ ମିଶ୍ର, ଅଭିଷେକ ଦାଶ, କମଳାକାନ୍ତ ପତି, ପ୍ରୀତମ ପଣ୍ଡା, ସୁଜିତ ମିଶ୍ର ଓ ସୌମ୍ୟରଞ୍ଜନ ଦାଶଙ୍କ ସମେତ ଅନ୍ୟ ସଦସ୍ୟମାନେ କାର୍ଯ୍ୟକ୍ରମ ପରିଚାଳନା କରିଥିଲେ। ଭସାଣି ଶୋଭାଯାତ୍ରାର ସୁପରିଚାଳନାରେ କମିଟିର ଅନ୍ୟ ସଦସ୍ୟମାନେ ମଧ୍ୟ ସହଯୋଗ କରିଥିଲେ।ଏହି ଭସାଣି ଉତ୍ସବରେ ହଜାର ହଜାର ଦର୍ଶକଙ୍କ ସମାଗମ ହୋଇଥିଲା। ନୃସିଂହ ନୃତ୍ୟ, ଶିବ ତାଣ୍ଡବ ଓ କାଳୀ ତାଣ୍ଡବ ନୃତ୍ୟ ଦର୍ଶକଙ୍କ ମନ ମୋହିଥିବା ବେଳେ ଭକ୍ତିମୟ ପରିବେଶ ମଧ୍ୟରେ ମା’ ଗଜଲକ୍ଷ୍ମୀଙ୍କୁ ଭାବପୂର୍ଣ୍ଣ ବିଦାୟ ଦେଇଥିଲେ ଶ୍ରଦ୍ଧାଳୁ।
