ପାଟଣା, ୩୦/୧୦: କେନ୍ଦୁଝର ଜିଲ୍ଲା ପାଟଣା ବନାଞ୍ଚଳ ଅନ୍ତର୍ଗତ ଖିରେଇଟାଙ୍ଗିରି ଓ ପାଟଣା ବନପାଳଙ୍କ ବଦଳି ଅବସରରେ ଏକ ସ୍ୱାଗତ ଓ ବିଦାୟ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଛି।ଖିରେଇଟାଙ୍ଗିରିର ପୂର୍ବତନ ବନପାଳ ପୂର୍ଣ୍ଣଚନ୍ଦ୍ର ମହାନ୍ତ ଓ ପାଟଣାର ପୂର୍ବତନ ବନପାଳ ନିରଞ୍ଜନ ସେଠୀଙ୍କ ଅନ୍ୟତ୍ର ବଦଳି ହୋଇଥିବାରୁ ବନାଞ୍ଚଳ କାର୍ଯ୍ୟାଳୟ ପରିସରରେ ଉଭୟଙ୍କୁ ବିଦାୟକାଳୀନ ସମ୍ବର୍ଦ୍ଧନା ଦିଆଯାଇଥିଲା।ସେହିପରି ପାଟଣାରେ ନୂତନ ଭାବେ ଯୋଗଦେଇଥିବା ବନପାଳ ନଗେନ୍ଦ୍ର କୁମାର ଜେନା ଓ ଖିରେଇଟାଙ୍ଗିରିରେ ନୂତନ ଭାବେ ଯୋଗଦେଇଥିବା ବନପାଳ ପିଅନ ନାଏକଙ୍କୁ ଉପସ୍ଥିତ ଅଧିକାରୀ ଓ କର୍ମଚାରୀମାନେ ସ୍ୱାଗତ ସମ୍ବର୍ଦ୍ଧନା ଜଣାଇଥିଲେ।ଏହି କାର୍ଯ୍ୟକ୍ରମରେ ସହ ବନ ସଂରକ୍ଷକ ସୁଦୀପ୍ତ କୁମାର ପଣ୍ଡା, ପାଟଣା ବନାଞ୍ଚଳ ଅଧିକାରୀ ଆର୍ତ୍ତତ୍ରାଣ ମିର୍ଦ୍ଧା, ସାହାରପଡ଼ା ବନପାଳ ଶ୍ରୀମନ୍ତ ବେହେରାଙ୍କ ସମେତ ବନରକ୍ଷୀ ରଞ୍ଜିତା ମହାନ୍ତ, ଯାଜ୍ଞସେନୀ ଗୋଚ୍ଛାୟତ, ଦୀପକ କୁମାର ରଣା, ରୂପଶ୍ରୀ ଖୁଣ୍ଟିଆ, ଲକ୍ଷ୍ମୀକାନ୍ତ ରାଉତ, ସାଗରିକା ବେଜ୍, ନିରୁପମା ମହାକୁଡ଼, ଅଶ୍ୱିନୀ କୁମାର ସାହୁ, ଝରଣା ରାଣୀ ସାହୁ, ହୃଦାନନ୍ଦ ମହାନ୍ତି, ଡଲିରାଣୀ ସାହୁ, ସୁଜାତା ସାହୁ, ଦେବଜାନୀ ମହାନ୍ତ ଓ ଅନନ୍ୟା ପ୍ରିୟଦର୍ଶିନୀ ନାୟକଙ୍କ ସହ ଟିମ୍ ଲିଡର ରଣଜିତ୍ ପଲେଇ ପ୍ରମୁଖ ଉପସ୍ଥିତ ଥିଲେ।କାର୍ଯ୍ୟକ୍ରମରେ ପୂର୍ବତନ ବନପାଳଙ୍କ କାର୍ଯ୍ୟକାଳର ସ୍ମୃତିଚାରଣ କରାଯିବା ସହ ନୂତନ ଭାବେ ଯୋଗଦେଇଥିବା ବନପାଳଙ୍କ ନୂତନ ଦାୟିତ୍ୱ ପାଇଁ ଶୁଭେଚ୍ଛା ଜଣାଯାଇଥିଲା।
